DANIEL 9:26 - PATHIEN LEKHABU THIENGTHO (BSI)

²⁶ Zie hun chuh a hung tâwp tieng leh, Pathien tel ngêi leng chuh diklo taka thah in um in a. Leng dang thil hihthei tak sepaihte chun hun do untin, khawpi leh Jerusalem chuh suksiet in um in a. A tawpna chuh tuilien bangin hung intin; Pathien in a guonggalhsa, kidona leh sietna chuh hungtung in a.

DANIEL 9:26 ပူးပေါင်းရင်းမြစ်များ

2 SAMUEL 21:5

Chun, leng kawm achun, “Kei uh ei sukmangthai guo leh Israel gamsung himhim a um lo a sukmangthai dinga ei guo chuh,

SAM LEHKHABU THE PSALMS 22:15

Ka tha hi leibel sie hal bangin a gaw zo ta a; Ka lei nasan le ka khadang ah a bek chak kêi a; Nang in thihna lei vui ahin nei kuol sak ta ngâla.

ISAI 28:2

Ngaitie, Lalpa chun mihat, thilhih thei tak a nei a; amah chuh giel nasatak kie zungzung, huihpi thil susie gei gui bang leh, tuilien nasatak, let zuoh zuoh bang mai in, lei ah paih tha’na.

ISAI 28:22

Vaulawkna thu ka hun piek hi nuihsan mai kiu in! Na nuihsan maimai u chun, nang haw dingin suohchak chuh hung haksa deuh deuh ding ahi. Sepaihte Lalpa’n, gam pumpi suksietna dinga, a thupukna siem chuh ka he ngâl a.

ISAI 53:8

Thudik a vaihawmna chuh heikawi in, thah dingin amah chuh a pui u a; himahleh, a tunung thu ding kuo a ngaihtuoh sak? Mihing gam apat in satthak in a um a; I miteu gitlohna zieka sukliem a um ahi ngâla.

ISAI 8:7

Ngaitie, Lalpa chun, Luipi tui khauh takte leh tamtak, Asuria Leng leh a thahatna chengcheng chuh Juda chungah luon sak ka ting, tichun, Euphrates luipi lien, a lui panga let zui zui bangin hung um ina.

JEREMIA 46:7

Kuo ahi Nile luipi banga hung lien a, luipi tui kinawk viel bang mai chuh!

JEREMIA 51:42

Babulon chuh tuipi’n achup tai, a kinawk nasa tak chun a khuh zo tai.

DANIEL 11:10

“Himahleh, a chapate chuh kido dingin nasa takin hung kiguo thak kit untin, sepaihhawn tampi sam khawm un au. A lak u a khat chun tui kinawk guolin a melmateu kulh chuh nawh in a.

DANIEL 11:17

“Tichun, a sepaihhawn cheng tawh hung intin; a melmate lalgam a suksiet theihna dingin kizawpmatna thu siem intin, a chanu te chuh a zi dingun neih sak intin, himahleh lawhting diek puo’n a.

DANIEL 11:22

Chun, a masang a sepaihhawn chu tawhmang in um untin, kek nêl un tin, ahi, thuthun lawiupa chan in.

DANIEL 11:36

“Chun, leng chun a nawp nawpin thil hih intin, amah kichawisang intin, pathien dangte sanga lienzaw leh, pathiente Pathien sanga lienzaw’n hung kikawih in a. Zie tawbang thil chu Pathien in a gawtna hun a tun macheng chu hih thei in a. Pathien in a thil guonggalh lawksa chu hun hih ngêi ding ahi ngâl a.

DANIEL 9:27

Zie leng, thilhih thei tak chun nam tam takte tawh hapta khat sunga dingin thugawlh dettak siem untin, zie hun kimkhat a beih tieng chu leh kithawihnate leh thillat te chuh hihtawp in a. Mun thiengtho ah, Thil kihdak-um, Luoksuok-um tak kawih in um intin, zie chuh a kawihpa ngêi tawpna dinga Pathien in a guotsa chuh a hungtun macheng chuh zie tak achun um zing in a,” ti’n.

HOSEA 1:9

Chun, Lalpa’n hiti hin a ti a: “A min dingin ‘Lo-ami’ na sak ding ahi: a ziek chuh, nang haw hi ka mite na hi puou a, Kei le na Pathien uh hi diek puo’ng ka,” ti’n.

AMOS 8:8

Zieziek hin gam chuh kilîng in, a sunga cheng taphawtte chuh lungkham lo ding ahiu em? Ahi, lui bangin hung lien vek intin; Aigupta gama Nile luipi bangin hung lien in, hung kiem ina.

AMOS 9:5

Leisiet khawih a, hihlingpa chuh, Lalpa, sepaihte haw Pathien chuh ahi ngâl a! zie a um chengte chuh lungkham un tin, Nile Luipi bangin hung lien intin, Aigupta Luipi bangin hung kiem kit ina.

NAHUM 1:8

Himahleh, tui kinawk nasa tak guolin, a melmate chuh a sumangthai vek a; Amah dodal taphawtte chuh thimna’n a delhzui sek hi.

MATTHAI 22:2

“Van gam chuh leng kuo ahim a chapa zi neih ni a guolvakna siem chuh tawh tehkal ahi.

MATTHAI 22:7

Khutichun, leng chuh a lungna ta a; a sepaih hawn a sawl a, zie tuolthat haw chuh a sumang a, a khuou le a hâl sak ta a.

MATTHAI 23:38

En tiem u, na Ho-In chuh taihsan leh a hawm a um ding ahi.

MATTHAI 24:2

Amah chun a kawm u ah, “Zie chengcheng hi na muu maw? tihtakzet in ka hilh na hiu hi, zie a suong kitieng haw hi sukchip loh himhim um puo’n a, a bawn hin sukchip vek hi’n a,” ti’n a dâwng a.

MARK 13:2

Isu’n a kawmah, “Zie in lopitak hi na mu maw? sukchip loh a suong kitieng mawng mawng taka hin um puo’n a,” ti’n a dâwng a.

MARK 13:7

Chuleh, kido thu leh kido thuthang na zak tieng u leh, lungzîng kiu; zie thil haw chuh a hung um ding mawng ahi; himahlele, a tawpna chuh hi tadih puo’n a.

MARK 9:12

Chun, amah chun a kawm u ah, “Elija chuh a hung masa ding him a hii, bangakai siempha ding ahi; thil tamtak thuok in, mi muhsit a um ding ahi tih, Mihiem Chapa chanchin bangti dana a na zikuh ahi?

LUKE 21:24

Khenkhatte chuh chemzâma thah in um un na tin uh, khenkhatte chuh, namtin kawma sala puih in um in tin uh; tichun, Jentel te ni a bukim masang sieh, Jerusalem chuh Jentel te tawh den in um ina.

LUKE 21:6

“Zie na thil muh teu hi, sukchip loh a suong kitieng himhim taka hin um puo’n a, khutibang ni chuh hung tung ina,” a ti a.

LUKE 24:26

Krista chun zie thil haw chuh thuok a, lopina a lut ding him hilo ahim?” a ti a.

LUKE 24:46

a kawm u ah, “Zie tawbanga hi zik ahii: ‘Krista chun dahum thuok intin, ni thum ni’n mithi lak apat thokit intin,

JOHAN 14:30

Na kawm u ah thu gen kit man ta puo’ng ka, zie khawvel vaihawmpa hi hung ding ahi ta ngâl a; amah chun ka chungah bangmah hih theih him a nei puoi,

2 KORINTH 5:21

Amah a chuh, mi diktat I hung hih theihna dingun, gitloh himhim helo hiel pa chuh, Pathien in eimau haw ziekin, gilo in a siem ta ngâl a.

GALATI 3:13

Himahlele, Krista chuh I sik uh a hansiedawl a um in; Dan hansie lak apat chuh ei tandawk tai; Pathien Lehkha thu chun, “Thing a kikhai ta chuh, hansiedawl ahiu,” ti a a gen guol khan.

1 PETER 2:21

Zie tawbang hih dinga chuh Pathien in a hun sap na hiu a puo; Krista ngêi khan le nang haw sika thuokin; a nunga na zuih dingun, etkal ding a hun nutsieh na hiu hi.

1 PETER 2:24

Gitloh lama thi a, diktatna lama I hin theihna dingun, Krista mawng chun kross lêk a khan a sapum in I gitlohna hawu a puo a, amah kizêpna kigawlh haw chun sukdam in na um tau hi.

1 PETER 3:18

Pathien kawma ei uh ei puih theihna dingin, Krista chun gilote ziekin khatvei a thuok ta ngâl a, mi diktat chun mi diktatlo sik in a thuok a; a taksa ngêi chuh thaha um in, thagau vang achun sukhin in a um a;