DANIEL 9:24 - PATHIEN LEKHABU THIENGTHO (BSI)

²⁴ “Na mite leh na khawpi thiengtho hi gitlohna leh thil gilo apat a zalen taka a umna ding chun hapta sawmsagih hi ding ahi. Zie tieng chu leh gitlohna ngaihdam hi’n tin, vaihawmna dik chuh kumlekhuo a dinga sukdet hi’n tin. khutichun hilhlawkna thu leh kilâkna thu chuh hung tungkim intin; chuleh, Ho-In thiengtho chuh lat thak kit hi ta’n a.

DANIEL 9:24 ပူးပေါင်းရင်းမြစ်များ

2 KHANGTHUBU 29:24

Thiempute chun a that u a, a thisan u chu Israel mi chengcheng dinga gitloh thawihna ding in a lân u a; Israel mi chengcheng a dingin hâlmang thillat leh gitloh thawihna siem dingin leng chun thu a pie a.

SAM LEHKHABU THE PSALMS 2:6

“Kei mah mawng in ka tâng thiengtho Zion achun, Ka leng siem chuh ka chut sak tai” a ti a.

SAM LEHKHABU THE PSALMS 45:7

Diktatna chuh na deihchuom a, nunsietna chuh na haw a; Zieziekchun, Pathien, na Pathien chun, na lawite sanga nasa zawn Kipahna sathau a hun nuh ta hi.

ISAI 42:4

Leichung a thutanna dik phuhdet a a um masang sieh chuh chau puo’n tin, a lung le kie diek puo’n a; tuikuol gamte chun a dân thu chuh ngaklah takin a um ngâl u a,” ti’n.

ISAI 51:6

Chunglam akhun na mit hak to unla; chun, nuoi lama lei chuh en un! Vante khu meikhu guolin hung beimang intin; lei chuh puon banga lui in sie’n tin, a sunga chêngte chuh tho bangin thi vek un au. Himahleh, ka hukdamna chuh kumlekhuo’n um intin; ka zawhna chun tawp ni nei puo’n a.

ISAI 51:8

Amau chuh nget in puon a nêk siet guolin beimang un tin; himahleh, ka hukdamna chuh kumlekhuo a ding hin ti’n; Ka zawhna chuh suon chengcheng tiengin um zing in a.

ISAI 56:1

Lalpa chun hiti hin a tii, “Diktak in vaihawm unla, thil dik hih un, ka hukdam na chuh hungtung pai ding ahi ta a; ka hun hukdawkna chuh hung kilang pai ding ahi ta ngâl a.

ISAI 61:1

Liengvaite kawma Chanchin Pha gen dinga Lalpa’n thau ei nuh ziekin, Lalpa Pathien thagau chuh ka chungah a um. Amah chun lunggil thasie te sudam ding leh, saltâng te kawma pawt na thu leh, suongkul tângte pawtna thu phuong ding leh,

SUNNA LA 4:22

Aw Zion chanu, na gitloh zieka gawtna chu a bukim ta a: Lalpa’n salin hun kawih zawm ta puo’n a. Himahlele Aw Edom chanu, Lalpa’n hun gawt intin: na gitlohna chu phuong chil in a.

EZEKIEL 28:12

“Mihing chapa, Tura lengpa sûnna la phuok inla, a kawmah, Lalpa Pathien chun hiti hin a tii: Nang, phatna tin cheng gawm, chitna a dim, hawihna a bukim!

EZEKIEL 4:5

Kum khat gawtna a thawk sik un ni khat zel na kuol ding ahi a; ni zathum leh ni sawmkuo sung na kuol dingin ka guot ta ngâla. Zie tawbanga chuh Israel insung mite gitlohna chuh na puok ding ahi.

EZEKIEL 4:6

Chun, ziehi na sukbutin tieng leh, changlam pang delh in ni sawmli sung kuol kit in na tin, Juda insung mite gitlohna chuh puo’n na tin, ni khat chuh kum khat tawh kituok zel dinga ka hun guot sak ahi.

THIEMPUDANTE 25:8

Chun, chawlh kum kum sagih chuh sim un na tin un, kum sagih mun sagih hi’n a; chawlh kum, kum sagih sung chuh sawmli leh kuo hi’n a.

THIEMPUDANTE 8:15

Mosi chun bâwngchal chuh a that a, a thisan chuh neukhat a laa, sukthientho a hihna dingin maichâm ki achun a khut in a tât viel ta a. A dang cheng chuh maichâm bul achun a sung tha vek ta a. Zie tawbang hin, piekna leh sukthienthona chuh a bawl ta a.

ZEKARIA 4:14

Ziephet chun, amah chun, “Zie chuh mi nih, khawvel pumpi a Lalpa nasem dinga Pathien in a tel leh thau a nuhte chuh ahiu hi,” ti’n ei dâwng a.

KISIMNA 14:34

Gam na va etthâknau ni sawmli chuh, ni khat chuh kum khat zela sim in, kum sawmli sung chuh na gitlohnau thawk lawh un na tin, tichun ka lung-awihloh na chuh hun he’n lau.

MATTHAI 1:21

Chapa hun hing in tin, a min dingin ISU sa’n la: amah chun a mite a thil hihkhelh nau apat hukdam ding ahi ngâl a,” a ti a.

MATTHAI 11:13

Johan hung um tiengin thiemgaute leh Mosi dân chun van gam chanchin chuh a na genlawk uh ahi.

MATTHAI 4:5

Zie zawh chun Diabol in khawpi thiengtho Jerusalem a chun a pui a, Pathien Ho-In sipzum ah a kawih a, a kawmah,

MARK 1:24

“Nazareth Isu, kei u leh nang, banga I kimatnau um? Kei uh ei sumangthai dinga hung na him? Kuo na hih ka hun hêi, Pathien Mi Thiengtho na hi!” ti’n.

LUKE 1:35

Vânsâwlchâk chun a dâwng a, a kawmah, “Thagau Thiengtho na chungah hungtung intin, Pathien thilhih theihna chuh na chungah um intin, zieziekchun, nau thiengtho hung pieng ding chule Pathien Chapa ti’n au.

LUKE 21:22

Zie nihaw chuh ‘Phuba lak ni’ hi ding ahi, Pathien lehkhathu a kizik chengcheng a tunkimna dingin.

JOHAN 1:41

Amah chun, a masapen in amah suohpih Simon a mu a, a kawmah, “Messiah ka mu tau,” a ti a, (zie chuh Krista tihna ahi).

JOHAN 3:34

Pathien sawl chun, Pathien thu mah a gen sek. Amau chuh Pathien in tehkhel khelin thagau a pie puoh ngala.

NASEPTE 3:14

Mi thiengtho leh Diktat kha na deih puou a, himahleh, tuolthatpa khah na kawm u a a hun piek dawk na ngên zawu ahi kha.

NASEPTE 3:22

Mosi ngêi in, ‘Lalpa na Pathien un, kei ei sawl guol hin, nang haw lak ngeia mi, thiemgau khat hun sawl sak ina. Amah chun, na kawm u a a thugen cheng chuh ngaihthak sak unlau.

NASEPTE 4:26

Khawvel lengte a kiguo sausau u a, Lawiupate le a kikhawm khawm u a, Lalpa leh Krista do ding chun,’ ti’n.

ROME 5:10

Melma I hih lai u a bawn, a Chapa thihna vanga Pathien tawh na kichamsa I hih chun, kichama I um tâk nung u hin, a hinna vangin hukdam in um ngêi hitiu.

1 KORINTH 1:30

Himahlele, nang haw vang chuh, amah zalin Krista tawh pumkhat in a hun siem a, amah chuh Pathien apat ei uh a ding a chitna, diktatna, thienthona leh tatdawkna dinga siem ahi.

PHILIPPI 3:9

Amah tawh pumkhata ka um theihna dingin. Keimah diktatna, Dan thu zawp zieka diktatna chuh ka nei ta puoi. Himahlele, tuhin, Krista taksanna zieka diktatna, Pathien apat a diktatna ngêi, taksanna zieka um ngêi chuh ka nei tai.

KOLOSSA 1:20

Chapa achun, Pathien in vannuoi pumpi hi amah tawh kicham in a siem ta a. Kross thisan zieka kichamna siem in, amah chun thil chengcheng leichung a thil umte hi henla, van a thil umte hitaleh amah tawh a kicham sak hi;

KOLOSSA 2:14

batna lehkha leh dân thupiek a zik cheng chuh, kross a khêndên in, a thaimang vek ta ngâl a.

HEBRAI 10:14

Kithawihna thillat khat mai chun, gitlohna apat a sukthien sate chuh, kumlekhuo a dingin sukbukim in a um tau hi.

HEBRAI 2:17

Khutia chuh, mipite gitloh ngaihdam a hih theihna dinga, Pathien kawma a zenviel nasepna a chuh, Thiempu Lienpen, mi lainat thiem a hihna dingin, suohpihpa bang a hung um ahi zawi.

HEBRAI 7:26

Khutichun, Thiempu Lienpen, mi thiengtho, zumlezuol tuoh lo, nin beklo, mi gilote apat a kikawih chuom; vante haw chunglama um, I mamawhteu cheng ei hihsakpa chuh ahi.

HEBRAI 9:26

Khuti hi kileh, khawvel kisiem a thak, vel tamtak a thuok ding ziekin. Himahlele, tulai hun tâwp ahin, gitloh lâkmangna dingin amah mawng kithawihna dinga hung kipie’n, khatvei a hung kilak a hi tai.

2 PETER 1:1

Simon Peter, Isu Krista sawntawlawi leh sawlchak apat chun I Pathien uh leh Hukdampa Isu Krista diktatna vanga, taksanna lul tak ka chan bang uh changte kawmah:

1 JOHAN 3:8

Kuole, thilhih gilo zingzing chuh Diabol a pawt ahi: Diabol chun atûng apat thil a sukhiel ngâl a. Pathien Chapa hung kiphuon lawh pên chuh, Diabol nasep a sukmangthai theihna ding ahi.

THUPHUON 14:6

Chun, lei chunga mite kawma leh, namtin chengte, chitin chengte, pautin chengte, mitin chengte kawma tângsappih dinga, kumsawt a Chanchin Pha nei, vânsâwlchâk dang vanlaizawl a leng ka mu a.

THUPHUON 3:7

“Chun, Philadelphia khuo a sapchuom haw lawi vânsâwlchâk kawm achun hiti hin zik ah: “Mi thiengthopa, mi dik pa, David chabi neipa, kuomah khâk loh dinga hawng a, kuomah hawn loh dinga khakpa khan, zie thu haw hi a gen a hii: