DANIEL 9:22 - PATHIEN LEKHABU THIENGTHO (BSI)

²² Chun, hetthiemna ei neih saka, ei hopih a, ka kawmah, “Aw Daniel, hetthiemna ching tak hun neih sak dinga hung pawtdawk ka hi.

DANIEL 9:22 ပူးပေါင်းရင်းမြစ်များ

DANIEL 10:21

Mahleh, thudik zikna a kizik chuh hun hilh ing ka; zie tak ahin na lalpau Mikael chauh lo chuh ei panpih ding kuomah a um puou hi” ti’n.

DANIEL 8:16

Ziephet chun, Ulai luipi chunga hin, mihing aw khat hin, “Gabriel, kilâkna umzie chuh a kawmah genchet sak in,” ti a vak gen hi ka za a.

ZEKARIA 1:9

Tichun, kei chun, “Aw Lalpa, zie sakawlte haw hi a umzie banga?” ka ti a. Vânsâwlchâk ei hopih chun ka kawmah, “Ziehaw hi bang ahih ken hun etsak ing ka,” a ti a.

THUPHUON 4:1

Zie thil haw nung chun ka vak en a, chun, ngaitie! van ah kawtkhak kihawngsa ka vak mu a. Aw ka zak masak, pengkun gi banga ei hopihpa khan, “Taka hin hung to ah, tichun, tunung a thil hung um dingte chuh hun etsak ing ka,” a ti a.

ZEKARIA 1:14

Khutichun, vânsâwlchâk ei hopihpa chun Bangkim hih thei Lalpa thugen chuh phuong dingin ei hilh ta a: Lalpa chun hiti hin a tii: “Jerusalem leh Zion chung ahin ka thikthusie mah mah a.

DANIEL 7:16

Zie a hung dingdawkte laka khat chuh ka va naih a, ziehaw chungchanga thutak chuh ka dawng a. Khutichun, ei hilh a, a thil genchetna haw chule ei hetsak ta a.

DANIEL 10:14

Tunung a na mite chunga thil hungtung ding hun hetsak dinga hung ka hi. Tunung a thil hung tung ding thu a kilâkna chuh ziehi ahi,” tin.

AMOS 3:7

Bangakai chunga Lalpa chun, a suok thiemgaute kawma a thuguk phuong lo in bangmah a hih ngei puoi.

DANIEL 10:11

Chun, Vânsâwlchâk chun ka kawmah, “Aw Daniel, Pathien in a hun lungsiet hi. Khutichun ding dawk inla, ka thugen ding hi hawih takin ngaitha’n. Na kawma sawl a um ka hi,” ti’n. Zie thu a hun gen phet chun, kithing zing pum chun ka ding dawk ta a.

DANIEL 10:12

Tichun, ka kawmah, “Daniel, lau hiel ki’n, Pathien masanga kingainiem ding leh hethiem dinga na lunggil na piek tung ni apat khan na pauchamna zak ahi tai. Na pauchamna dawna a umna zieka chuh hung ka hi.