DANIEL 9:15 - PATHIEN LEKHABU THIENGTHO (BSI)

¹⁵ “Chun, tuhin, Aw Lalpa ka Pathien uh, Aigupta gam apat a khut hât tak leh thilhih thei taka na mite puidawkpa leh minthanna leh minphatna tuchana kisiempa, ka gilo tau a, nunsie takin thil ka na hih tau hi.

DANIEL 9:15 ပူးပေါင်းရင်းမြစ်များ

1 LENGTE 8:51

Na mi na goluoh, Aigupta gam apat, thik hâltuina sung apat a na puihdawkte ahi ngâl u a.

2 LENGTE 21:15

Khutichun, a pileputeu Aigupta gama a hung pawt uh apat, tuni chana, ka lungnatna chawktho leh, ka deihloh lam, gitlohna a hih zing ziekun, zie thilte hi, ka mite chunga hih ding ka hi,” ti’n.

2 KHANGTHUBU 6:37

Sala a puihna gam u a a kingaihtuoh dawk u a, a kisik u a, ‘Ka na gilo tau a, diklo tak leh gitloh huoi tak in thil ka na hih tau hi’ ti a,

NEHEMIA 1:10

Chun, ziehaw hi na suok te leh na mite, na thilhih theihna nasa tak leh na khut hattak a na puihdawk te ahiu hi.

NEHEMIA 1:6

kei lam ah na bil hun dawh inla, na mi Israel chate a ding a sun leh zan a paucham zing na suok hi ei hun ngaitha’n. Na chungah ka na gilo tau hi tih ka phuong a, ka pileputeu leh kei mau ngêi hi ka na gilo tau hi; ahi, kei leh ka pa inkuon te’n thil ka na hihkhiel tau hi.

NEHEMIA 9:10

Tichun, Pharaoh leh a suokte leh a gama mi chengcheng te chungah melchikna leh thilmak haw na latsak a. Chapo taka a chung u a thil a hih teu chuh na he a, tichun, tuni tieng hin min in na nei ta a.

SAM LEHKHABU THE PSALMS 106:8

Khuti tieng chun le amin ziekin amau haw chuh a hukdam ta a, A thilhih theihna lopi tak chuh a hetsak theihna dingin.

PAWTDAWKNA 13:14

Chun, hiti hi hung hi’n tin hun hungtung dinga na chapateu in, ‘Ziehi bangti dân ahi?’ ti a a hun dawt tak u leh, nang un a kawm u ah, ‘Khut hattak in Lalpa’n Aigupta gama suok a ka um u khah ei puihdawk ahi:

PAWTDAWKNA 13:16

Chun, zie hi na khut u a nang uh dingin melchikna leh na mit uh kikala chal kânna hi’n tin; khut hattak in Lalpa’n Aigupta gam apat in ei puidawk ta ngâl a,” a ti a.

PAWTDAWKNA 13:3

Chun, Mosi’n mipite kawm achun, “Aigupta te suok apat a na pawt niu tuni hi hezing un; zie ni hin Lalpa’n a thilhih theihna’n nang uh a hun puidawk a: chângthâk chawl kisawh himhim chuh na nek loh dinguh ahi.

PAWTDAWKNA 13:9

Lalpa Dan chuh na kam u a a um zing theihna ding in, na khut u a melchikna leh, na mit u kikala hetzingna guola na neih ding uh ahi, khut hattak a Lalpa’n Aigupta gama pata a thilhih theihna a a hun puihdawk na hiu hi.

PAWTDAWKNA 14:18

Tichun, lengpa leh a kangtalaite leh a sakawl chung chuong mite apat limbawlna ka lawh tieng chuleh Aigupta mite’n kei hi Lalpa chuh ka hi tih he’n au,” a ti a.

PAWTDAWKNA 32:11

Himahleh, Mosi chun Lalpa a Pathien kawmah, “Lalpa, thilhih theihna nasatak leh, khut hattak a na mi, Aigupta gam apat a na hun puihdawkte chung ahin bangati a na lungnatna chuh sosak na hi?

PAWTDAWKNA 6:1

Chun, Lalpa chun Mosi kawmah, “Tu’n vang lengpa chunga ka hih ding chuh mu ta ding na hi, khut hattak ziekin ka mite chuh pawtsak intin, chun, khut hât tak ziek chun amau haw chuh a gam apat chun nawhdawk ina,” a ti a.

PAWTDAWKNA 6:6

Zieziekchun Israel chate kawm achun, ‘Kei Jehovah chuh ka hi a, hun hukdawk ing ka ting, Aigupta te suok a na umnau apat hin hun suohchak sak ing ka. A chung u a gawtna lauh-um tak a tun theihna dingin bân zak hiel in hun hukdawk ing ka.

PAWTDAWKNA 9:16

Himahlele, zie ding ahih ka hun tundin na hi, ka thilhih theihna hun etsak ding leh khawvel chengchenga ka min a hung kithan theihna dingin.

ISAI 55:13

Hamlingnei thasang in châk thingte kek zaw’n tin; Lingbawk thasang in vaisuoklu thingte kek zaw ta’n a. Zie chuh Lalpa hetzingna, kumlekhuo a dinga melchikna satthak tâk loh ding hi’n a,” ti’n

ISAI 64:4

Masang apat in mite’n nang chauh lo chuh, amah ngakte nasep sak sek nang tih loh Pathien a hekha puou a; a bil un a za kha puou a, a mit un le a mu kha diek puou hi.

JEREMIA 14:20

Aw Lalpa, ka pileputeu nunsiet zie teu hi ka phuong u a, na chungah ka hihkhiel ta ngâl u a.

JEREMIA 32:10

Chun, lehkha ka zika ka châl den a, hetpih te ka sama, dangka chuh bûkna’n ka bûk saka.

SUNNA LA 3:42

I na sukhiel tau a, I kiphin u a; tichun aw Lalpa, nangin nei ngaidam ta puoi.

EZEKIEL 5:6

Chun, namte sanga khawk zaw a gitlohna bawl in, ka vaihawm chungah a hel u a, a kimvela gamte sanga khawk zaw’n ka dân siem chung a hel in, ka thutanna haw chuh paih tha’n ka dân siem haw chuh a zui puoh ngâl a.

DANIEL 9:5

“Na thupiek leh vaihawmte apat chieh pet in ka na gilo tau a, diklo tak leh nunsie takin thil ka na hih u a; ka na hel tau a,

LUKE 15:21

Chun, a chapa chun a kawmah, ‘Hepa, van mitmuh leh, nangmah mitmuh in thil ka hihkhiel ie! Na chapa a vawh hawi le ka hi ta puoi,’ a ti a.

LUKE 18:13

Himahleh, siehdawlpa chuh gamla tak ah a ding a, van lam ale dâk ngam lo in, ‘Pathien, kei migilo hi ei lungsiet ah,’” ti’n a âwm a kichup a kichup zaw ta a.

2 KORINTH 1:10

Zie Pathien chun, khutibang thihna ding, lauhthawng-um, tizat-um tak lak apat chun ei hukdawk ta a; ei hukdawk kit intin; amah a ginna I ngak ziek u chun, ei hukdawk kit zel ding ahi;

DAN NIHNA 5:15

Nang le Aigupta gama khan suok na hi ta a, Lalpa na Pathien in zie apat chuh khut hattak leh bân zaka a hun puihdawk na hi tih hezing in; ziezieka chuh Lalpa na Pathien in chawlhni nit thiengtho ding thu a hun piek ahi.