DANIEL 9:13 - PATHIEN LEKHABU THIENGTHO (BSI)

¹³ Mosi dana kizik bangin zie thil phalo chengcheng hi ka chung u ah a tung a, himahleh, ka manlohna teu chuh lehngatsan in na thudik hetthiem nate ka neih na dingun Lalpa ka Pathien uh lung-awihna chula ka hawl diek puoh ngâl u a.

DANIEL 9:13 ပူးပေါင်းရင်းမြစ်များ

DANIEL 9:11

Ahi, Israel te chengcheng chun na dante bawhsie’n, na thugente chuh a ngaitha nuom puou ui. Na chungah ka na gilo tau a khutichun, na suok Mosi dana kizik hansiete chuh ka chung u ah na hun tun sak ta a.

JEREMIA 2:30

Na chateu ka zêp a la a phachuom puoh a; a phatpih diek puou hi. Sakeibaknei gawlham tak bang mai in na chemzâm teu in thiemgau te a that zo ta a.

ISAI 9:13

Himahlele, Israel mite chuh a kisik puou a, amau haw gawt mahleh, sepaihte haw Lalpa lam chuh a nga diek puou.

HOSEA 7:10

Israel mite chapona chun amau mah a do a. Himahleh, khutisa chun le Kei, Lalpa a Pathien uh lam hi a hun nga diek puou a, amah chuh a hawl diek puou hi.

JEREMIA 31:18

“Ephraim te haw’n, ‘Lalpa, bâwngchal sawih nem loh tawbang ka hiu a, himahleh, nangin thu-awih dân nei sinsak a, nei kaihei kit tai, Lalpa ka Pathien uh na hi ngâl a,’ ti a lungkham taka a gen u chuh ka za ngei tai!

JEREMIA 5:3

Aw Lalpa, thutak chuh na muh nawp lam hilo ahim? amau chuh na zêp a, mahleh a lungkham diek puou; amau haw chuh a ne zo u a, thununna chuh a pawm nuom diek puou hi. A mai u chuh suongpi sanga tak zaw’n ahih u a, a kisik nuom diek puou hi.

SAM LEHKHABU THE PSALMS 119:27

Na thununna lam chuh ei hetthiem sak inla: Khutichun na thilmak hih haw thu chu ngaihtuoh ing ka.

JOB LEHKHABU THE BOOK OF JOB 36:13

Lunggil a Pathien zahlo mite chun lungnatna a khawlkhawm u a, Amau chuh kantawm a hih sau inle panpihna ngênin a kiko puou hi.

JAKOB 1:5

Na lak uh a kuo’n le, chitna a tâksap chun, mi chengcheng kawma gailo leh it lo a pie sek pa Pathien kawmah ngên hen, khutichun, piek in um ina.

EPHESI 4:21

A chanchin na za ta ngêi u a, chun a nungzuite na hih tâk ziek u khan, Isu a thudik um kha sinsak in na um uh ahi.

JOHAN 10:35

Pathien thu tunnate bawn, pathiente a tih u chun, Pathien lehkha thu’n a gen chu la a kitheng ngei puoh ngâl a.

JOHAN 8:32

tichun, thutak hun heu in na tin uh, Thutak chun suok hun haihsak ina,” a ti a.

JOHAN 6:45

Thiemgaute’n, ‘Mi tin chuh, Pathien sinsak in um vek un au,’ ti’n a zikuh ahi. Kuole, Pa thu he a, sin ta chuh, ka kawmah a hung sek ui.

LUKE 24:45

Tichun, Pathien lehkhathu hethei dingin, a lungthimteu a suk-hawn sak a,

HOSEA 7:14

Ka kawmah tihtakzet in a paucham puou a, zâlkhun chungah a mawk phun mul mul sek ui. Buh leh uain ngên a a paucham tieng u leh, milim hote hih bangin amau leh amau a ki-âtkeh sek uh a. Ka chungah a hel ngâl u a.

HOSEA 7:7

“Thukkhuk bang mai in a sa vek u a, a lungnat tâwp khawk un a vaihawmteu a that u a. A lengteu chuh a bawn un a that u a, himahleh, kuomah cha’n ka kawmah panpihna a ngên diek puou ui,” ti’n.

SUNNA LA 5:21

Aw Lalpa nang lam ei ngat sak inla, khutichun siemthak in um ing ka. malai bangin ka niteu ei siemthak sak kit in.

JEREMIA 44:27

Ngaitiem u, a phat na dinguh hilo, a sietna dingun amau ka châng zing hi. Tichun Juda mi Aigupta gama cheng haw cheng chuh chemzâm leh kiel haw a sukmangthai hi’nau, a manthai vek macheng un.

ISAI 64:7

Tichun, na min sama nang hun tu dinga kisuhalh kuomah a um puou a, kei u kawmah na mai na sel ta a; Ka gitloh ziekun nei sumangthai ta a.

ISAI 42:9

Ngaitiem u, ka thugen lawk te chuh tuhin a hung dik ta a, tuhin, thil thak hun hih ing ka, a hung tun ding kipat ma pek a pat in, ka hun hilh na hiu hi.”

SAM LEHKHABU THE PSALMS 119:73

Na khut in nei siem a nei tundawk ahi; Na thupiek haw chuh ka sin theihna dingin hetthiemna ei pie’n.

SAM LEHKHABU THE PSALMS 119:18

Na dân thu a kipat thilmak ka muh theihna din Ka mit haw hi ei hihvak sak in.

SAM LEHKHABU THE PSALMS 85:4

Aw ka hukdamnau Pathien, kei uh ei tungding kitin, Ka chung u ah na lungnatna chuh kawih mang in.

DAN NIHNA 29:4

Ahihziekin, tuni tieng hin Lalpa’n hetthiemna lungthimte, muh theihna mitte leh het theihna bilte a hun piek loh na hiu hi.

ISAI 31:1

Aigupta panpihna hawla chieh te! Aigupta sepaih hatna leh sakawl leh a kangtalai te leh, sepaihte chunga kingate, Lalpa Israel Pathien thiengtho chunga kinga lote chuh a chung uh a gik hi!

2 LENGTE 22:16

Lalpa’n hiti hin a tii: Ngaitie! zie muna hin leh, a sunga chengte haw chunga hin, thil phalo tak hun tunsak ding ka hi. Juda leng in lehkhabu a thu a sim haw bang tak khan;

ISAI 43:22

Aw Jakob te, khutisa chun le nang u vangin nei sam ngâl puou a, Aw Israel, nei chimchâk zaw bawn u a.

ISAI 64:6

Ka bawn un ka na buok vek tau a, ka diktatnau cheng le puonsie nen kihdak-um tawbang phet ahi. Ka gitloh ziekun nahpa hung vuoi tawbang phet ka hi tau a, ka sukkhelhna teu chun huih guolin ei tawkmang sek hi.

JEREMIA 30:14

A hun lainate chun a hun hengilh zo tau a, a hun limsak ta puou hi. Melma sukliem in ka hun suliem a, migilo gawt in ka hun gawt a, na manlohna chuh a nasa a, na gitlohnate le a pun bêk ziekin.

JEREMIA 44:23

Gimlim na hâl u a, Lalpa chungah na gilo u a, Lalpa kamsuok na zui puou a, a dân leh a thuguot leh a thu hetsak haw chule na zuih diek loh ziekun, thil phalo haw hi tu a a um bang hin na chung u ah a hung tung tai,” a ti a.

EZEKIEL 16:43

Na khangdawng lai nite na hetzing loh a, zie thil hawa hi nei suklungnat zawk tâk ziek hin, ngaitie, na thilhih chengcheng na lu chunga hun dinthuk ding ka hi” Lalpa Pathien chun a tii.