DANIEL 9:12 - PATHIEN LEKHABU THIENGTHO (BSI)

¹² Chun, a thu ka chung u a a gen leh ka vaihawm teu, vai ei hawmsakte chunga a gen kha ka chung u a thil phalo nasa tak tunsak in a hih kim ta a: Jerusalem chunga kihih bang chuh vannuoi pumpi ale hih in a um ngei puoi.

DANIEL 9:12 ပူးပေါင်းရင်းမြစ်များ

1 LENGTE 3:9

Khutichun na mipi haw vaihawm sak na dingin na suok hi chitna lunggil ei pie’n, a sie leh a pha ka khen theihna dingin; na mipi haw hiti zo zai hi kuo’n vaihawm sak thei ding ahim?” a ti a.

2 LENGTE 22:16

Lalpa’n hiti hin a tii: Ngaitie! zie muna hin leh, a sunga chengte haw chunga hin, thil phalo tak hun tunsak ding ka hi. Juda leng in lehkhabu a thu a sim haw bang tak khan;

JOB LEHKHABU THE BOOK OF JOB 12:17

Lemguot thiemte chuh ngawnchang in a puimang a, Vaihawm thiemte chuh a sungawl ta a.

SAM LEHKHABU THE PSALMS 148:11

Lei a lalte leh mitin cheng te: Milien leh lei a vaihawm cheng chengte haw:

SAM LEHKHABU THE PSALMS 2:10

Khutichun, aw lengte haw, ching tau inla: Lei a vaihawm te haw hilhlawk in um tau in.

THUCHINGTE 8:16

Lei chunga thuneite chengcheng chun kei panpihna’n vai a hawm u a; thugen thiemte leh miliente cheng in le.

ISAI 43:28

Zieziekchun, mun thiengtho a na leng chate chuh hih buok ing ka ting, Tichun, Jakob te chungah sietna huoisie tak ka tun saka; Israel chule sukmuolpho in a um tau hi, ti’n.

ISAI 44:26

Himahleh, ka suokte chun thu a genlawk uh a, ka thil guonggalh genlawk dinga mi ka sawl chun, ka thil guonggalh leh a genlawkteu chuh ka hih guitung sek hi. Jerusalem chuh mite hun luoh kit ding leh, Juda khawpite tun dawk kit ding ka gen a, zie khawpite chuh a sietna apat a tundawk kit dingin.

JEREMIA 30:7

Ehe! ni tizat-um tak chuh a hungtung ta a hi! Ni dang, a tehpih theih ding himhim a um puoi. Jakob buoina ni ahi ngâla! Himahlele, amah chuh zie apat chun hukdawk in um ding ahi.”

JEREMIA 32:23

A hunglut u a a luoh tau a; himahleh, na kamsuok a nit puou a, na dân le a zui diek puou a, hih dinga na thupiek haw le a hih puou a, zieziekchun, zie thil phalo haw cheng hi a chung u a na tunsak ahi hi.

JEREMIA 39:16

Ethiopia mi Ebedmelek kieng ah chieh inla, Sepaihte Lalpa, Israel Pathien in hiti hin a tii, “Ngaitie, zie khawpi a ding hin sietna hun tun sak ding ka hi; zie chuh a phalam hilo ding ahi. Zie thu haw chuh na masang ngêi ah zie ni chuleh hung guitung in a!

JEREMIA 44:23

Gimlim na hâl u a, Lalpa chungah na gilo u a, Lalpa kamsuok na zui puou a, a dân leh a thuguot leh a thu hetsak haw chule na zuih diek loh ziekun, thil phalo haw hi tu a a um bang hin na chung u ah a hung tung tai,” a ti a.

SUNNA LA 1:12

Ziehi nang u dingin bangmahlo ahim, nang haw chieh suk chieh to te haw, ding unla, entiem u, Lalpa’n a lungnat ni a ei sukgimtheih dân hi, Zie bang lungkhamna ka thuok u hi, a thuok kha a um die aw?

SUNNA LA 2:13

Nang dinga hetpih dinga bang thila ka mat ding? Bang tawh ka hun tehkal die? Aw Jerusalem chanu ka hun thamuon theih na dingin bang tawh ka hun tehkal die? Aw Zion chanu thiengtho, na sietna chu tuipi guolin a lien a, Kuo a hun thamuon thei ding?

SUNNA LA 2:17

Lalpa’n hih dinga a na tihsa chu a hih ta a; Tumasang a ei na vaulawk bangin, lungsietna beiin ei susie vek ta a. Lungsietna a nei ta puoh a, na melmate chu na chungah a kipah saka, na melmate ki chu a dawmsang tai.

SUNNA LA 4:6

Ka mite chanu gitlohna gawtna chu; Sodom gitlohna gawtna sangin a huoisie zaw a, Pathien khut apat in thakhat in a chungu ah sietna a hung tung tai.

EZEKIEL 13:6

A kilâkna muh hawu chuh adiklo ngên a hiua, a thil genlawk hawu chuh lepchieh ngên ahiu. Amau chuh Lalpa’n a sawl hisâm lo in, ‘Lalpa’n a tii’ a ti sek u a; a thuu chuh hung guitung dingin mite a ginchak sak u a.

EZEKIEL 5:9

Chun, na milim tenum haw ziek chun thil ka na hih khâk loh, hih le ka hih kit tâk loh ding chuh na chunga hih ding ka hi.

DANIEL 12:1

“Chun, zie phat chuleh na mipite panpih sek, vânsâwlchâk lopi tak Mikael chuh hung kilang intin; chun, buoina hun, nam um tung apat a zie hun chana chule um kha ngeilo chuh hung um ina. Chun, zie hun chuleh namte laka na mite, a min uh lehkhabu a chuong taphawtte chuh hukdam in um un au.

JOEL 2:2

Thimna leh vannîm ni, meizin ni leh thim sah ni hi’n tin; Tang chunga meipi thim zeng zung a kai bangin, khaupe hawn hattak, masanga a na um khalo leh, tunung lele um talo hiel ding chuh hung leng un tin, tâng chuh phalvak in a tuom bangin hun tuom un au.

AMOS 3:2

“Nang haw mai hi khawvel a nam chengcheng laka ka het na hiu a: zieziekchun, na manlohna teu chengcheng ziekin hun gawt ding ka hi,” ti’n.

ZEKARIA 1:6

Himahleh, ka thute leh ka thuguot te ka suok thiemgaute kawma ka piek kha, nanguh hun suonte chun a ngaihsak puou a, a thih lawh tau a. Tichun, a kisik u a, Bangkim hihthei Lalpa chun I chungchâng u a hih a guot sek bangin, I umdan bang zel u leh, I thilhih teu bang zelin, I chungu ah a hih a hita hi, a tiu kha,’ ” ti’n.

ZEKARIA 1:8

Zan a ka thilmuh chun, ngaitie, sakawl san chunga mi khat chu ka mu a, guoma mui thing laka hin a ding a; chun, a nunga chun sakawl a san, a buong, leh a vam a um u a.

ZEKARIA 7:12

Ahi thiemgau masate kawma ka thugen leh ka dân thute chuh a limsak lohna dingun a lunggil u chuh suong bangin a sutak u a; Zieziekchun, lungnatna huoisie tak chuh Lalpa, Sepaihte Lalpa kawm apat hungtung ahi.

MATTHAI 24:21

Zie tieng chu leh gimtheihna nasatak um ding a hi ngâl a; khutibanga nasa himhim chu, lei kisiem tûng apat, tu tieng hin a na um kha puoi, bangmah tikin um le hung um diek ta puo’n a.

MATTHAI 5:18

Tihtakzet a ka hilh na hiu hi, lei leh van a beihmang masang sieh, dân thu a sutvawm neucha ahim, thaihvawm neucha ahim hi a bawna a tunkim masang sieh khatcha hile beimang hiel puo’n a.

MARK 13:19

Zie nihaw achun gimtheihna hung um ding ahi a; zie bang khawpa nasa mawng mawng chuh, Pathien siem, thilsiem pat tûng apat tu chan hin a um kha ngei puoh a, um le um kha ngei puo’n a.

LUKE 21:22

Zie nihaw chuh ‘Phuba lak ni’ hi ding ahi, Pathien lehkhathu a kizik chengcheng a tunkimna dingin.

ROME 15:8

Ziehi ka gen chuh ahi: Pathien in I pu I pateu kawma a thutiem khah sudet ding leh,