DANIEL 9:11 - PATHIEN LEKHABU THIENGTHO (BSI)

¹¹ Ahi, Israel te chengcheng chun na dante bawhsie’n, na thugente chuh a ngaitha nuom puou ui. Na chungah ka na gilo tau a khutichun, na suok Mosi dana kizik hansiete chuh ka chung u ah na hun tun sak ta a.

DANIEL 9:11 ပူးပေါင်းရင်းမြစ်များ

2 LENGTE 18:12

Chun, amau chun Lalpa a Pathien uh thu chuh zawp lo a, amau haw tawh a thugawlh chuh a bawhsieu a, a suok Mosi manga Lalpa’n dân a piek a zawp loh ziek un Samari khuo chu a puk ta a.

2 LENGTE 22:16

Lalpa’n hiti hin a tii: Ngaitie! zie muna hin leh, a sunga chengte haw chunga hin, thil phalo tak hun tunsak ding ka hi. Juda leng in lehkhabu a thu a sim haw bang tak khan;

ISAI 1:3

Bâwngchal in a pu a he a, sabiltung inle a pu an piekna a he a; himahleh, Israel te hin vang chuh a he puou a, ka mite hin chuh a helo himhim uh ahi,” a ti a.

ISAI 43:28

Zieziekchun, mun thiengtho a na leng chate chuh hih buok ing ka ting, Tichun, Jakob te chungah sietna huoisie tak ka tun saka; Israel chule sukmuolpho in a um tau hi, ti’n.

JEREMIA 16:11

Hiti hin na gen ding ahi. “Nanguh hun suon ten ei taihsan ziekun ahi, pathien dang le a ho u a, a na a sem u a, a ho u a, ei taihsan u a, ka dân a zâwp puou hi.

JEREMIA 2:29

Bang zieka ka chunga phun zing na hiu hi? Na bawn un ka chungah na hel ngâl u, tih hi a Lalpa kamsuok ahi.

JEREMIA 30:14

A hun lainate chun a hun hengilh zo tau a, a hun limsak ta puou hi. Melma sukliem in ka hun suliem a, migilo gawt in ka hun gawt a, na manlohna chuh a nasa a, na gitlohnate le a pun bêk ziekin.

JEREMIA 32:23

A hunglut u a a luoh tau a; himahleh, na kamsuok a nit puou a, na dân le a zui diek puou a, hih dinga na thupiek haw le a hih puou a, zieziekchun, zie thil phalo haw cheng hi a chung u a na tunsak ahi hi.

JEREMIA 40:3

Tichun, Lalpa chun a hun tunsak ta ngêi a; a gen bang zelin ahih ta a, Lalpa chungah thil na hihkhiel u a, a aw na ngaihthak loh ziekun zie thil hi na chung u a hung tung ahi tai.

JEREMIA 44:22

Thil phalo na bawl ziek u leh thil gilo na hih hawu ziekin Lalpa’n a thuok ngâp talo ahi kha; zieziekchun na gam u chuh tu a a um bang hin luoh loh leh gamgaw, maksak leh hansie dawl a hung hita a.

JEREMIA 44:23

Gimlim na hâl u a, Lalpa chungah na gilo u a, Lalpa kamsuok na zui puou a, a dân leh a thuguot leh a thu hetsak haw chule na zuih diek loh ziekun, thil phalo haw hi tu a a um bang hin na chung u ah a hung tung tai,” a ti a.

JEREMIA 6:19

Aw leisiet a na ngaitha’n zie mite chung ahin sietna hun tun ding ka hi. A ngaihtuoh na hawu gah ngêi chuh, ka thute chuh a ngaihsak puou a; ka dân te chula a paih tha kei u a.

JEREMIA 9:26

Aigupta, Juda, Edom, Amon mipite leh Moab te, chuleh gamthip a cheng baksam met muih chengcheng chuh zektan loh ahiu a, Israel inkuonte chengcheng le lunggil zektan loh ahiu hi.”

DANIEL 9:13

Mosi dana kizik bangin zie thil phalo chengcheng hi ka chung u ah a tung a, himahleh, ka manlohna teu chuh lehngatsan in na thudik hetthiem nate ka neih na dingun Lalpa ka Pathien uh lung-awihna chula ka hawl diek puoh ngâl u a.

DANIEL 9:5

“Na thupiek leh vaihawmte apat chieh pet in ka na gilo tau a, diklo tak leh nunsie takin thil ka na hih u a; ka na hel tau a,

ZEKARIA 1:6

Himahleh, ka thute leh ka thuguot te ka suok thiemgaute kawma ka piek kha, nanguh hun suonte chun a ngaihsak puou a, a thih lawh tau a. Tichun, a kisik u a, Bangkim hihthei Lalpa chun I chungchâng u a hih a guot sek bangin, I umdan bang zel u leh, I thilhih teu bang zelin, I chungu ah a hih a hita hi, a tiu kha,’ ” ti’n.

ZEKARIA 7:12

Ahi thiemgau masate kawma ka thugen leh ka dân thute chuh a limsak lohna dingun a lunggil u chuh suong bangin a sutak u a; Zieziekchun, lungnatna huoisie tak chuh Lalpa, Sepaihte Lalpa kawm apat hungtung ahi.

ZEKARIA 8:13

Juda leh Israel mite haw! Tumasang khan, gamdang mite chun, ‘Juda leh Israel te chunga sietna tung kha, na chungah tung he’n’ ti’n hansie a kibuokkhum tuoh sek u a. Himahleh, tuhin hun hukdam ing ka ting, tichun, zie gamdang mite chun, ‘Juda leh Israel mite chunga vangsakna tung bang khan na chungah tung he’n,’ kiti tuoh ta’n au. Zieziekchun, hangsan takin um inla, lau hiel ki’n,” ti’n.

DAN NIHNA 8:20

Na masang u a nam dang haw a sukmangthai guolin nang u le mangthai inlau, Lalpa na Pathien u aw chuh ngaitha nuom lo na hih ding ziek un.