DANIEL 8:8 - PATHIEN LEKHABU THIENGTHO (BSI)

⁸ Ziephet chun, kêlchal chuh a chapo deuh deuh ta a, himahleh a tâwp chun a ki lopi tak chu a hung bawng ta a. A ki bawtna achun ki challang tak li a hung kekdawk a, lei ning li kawk in a hung um dawk a.

DANIEL 8:8 ပူးပေါင်းရင်းမြစ်များ

2 KHANGTHUBU 26:16

Himahleh leng Uzziah chu a hung hât phet chun a hung chapo ta a. zie chun puksietna ah a pui ta a. Lalpa a Pathien musit in Ho-In a maichâm achun gimlim hâl dingin a chieh ta a.

ESTHER 9:4

Mordekai chuh leng in a chun thilhih thei tak in a um tai tih leh hung hât deuh deuh ding a hi tih chuh leng gambung tin achun het ahi ta a.

JEREMIA 49:36

Elam chung achun kâwlmawng li apat in huihpi hun nun sak ing ka ting, a mite chuh muntin ah thehzak ka ting, a taih zak lohnau gam himhim um lo in thehzak ing ka.

JEREMIA 5:27

Bawma vacha a dim bang mai in a in u haw chuh thepna’n a dima; zieziekchun a hung lien u a, a hung hausa tau hi.

EZEKIEL 16:7

Gamlak a hampa guolin ka hun khan let saka, chun, na hung khang lien a, na hung hawih ta a; na nawi a hung bawka, na sam a hung sau a; silh lo cheng lo leh ngawnchang na hi a.

EZEKIEL 28:9

A hun thatpa ma achun, ‘Pathien ka hi’, na ti nalai dem? A hun thatpa khut achun Pathien na hi puoh a, mihing na hi zawi.

DANIEL 11:4

Himahlele a hatna tâwp achun a lalgam chuh khenzak in um intin, mun li a khen zak in um in a. Amah muna chun a mah suonte hilo in, leng dangin vai hun hawm untin, himahleh a thilhih theihna tawbang chu nei puo’n au.

DANIEL 4:31

Zie thu chuh leng kam apat a a pawt lai tak chun van apat in aw a hung gi suk a, “Aw leng Nebuknezar, na kawmah thu a hungtung hi: lalgam thilhih theihna chuh nang apat a lâkmang ahi tai.

DANIEL 5:20

Himahleh, a lungthim a hung chapo a, a lungthim a hung kichunglap a, chapo takin a tawi ta a; zieziekchun a lalchutphah chuh hihniem in a um ta a, a lopina chuh lâksak a hi ta a.

DANIEL 7:2

zan a ka thil muh te chuh zie hi ahi: Kâwlmawng li apat in huih hât tak hi tuipi chungah a hung nung a.

DANIEL 7:6

Zie nung chun ka en a, ngaitie, sahang dang khat, keite tawbang, a nungzang a vacha tha li nei hi a hung kilang a. Zie chun luchang li a nei a, a kawm achun vaihawmna piek ahi a.

DANIEL 8:22

Chun, zie a ki masa bawtna muna ki li hung dâwn dawkte khan lalgam li a etsak a, ziehaw lak achun namte chuh kithehdalh untin, lalgam masa bang tak khan hatlo ding ahiu.

DANIEL 8:5

Zie chuh ka ngaihtuoh zing lai chun, ngaitie, tumlam a kipatin lei pumpi chung dâp suok hielin kêlchal hi a hung pawt a, a kenga leituol sukha lo khawpa hât chun a tawi a. Kel chun a mit kikala hin ki challang tak a nei a.

DANIEL 8:7

Chun, Belam chal a vak sit chuh ka mu a. A lungna ta mah mah a, a ki nih te chuh a sukbawt sak ta a. Amah dal zo ding chun belam chun hatna a nei puoh a. Tichun, leituol ah a talhpai a, a chilgawp a, kuomah amah hukdawk thei ding a um puoi.

MATTHAI 24:31

Pêngkun gi nasatak tawh, chun, a van sawlchakte chuh lei ning li achun sawldawk in tin, tichun, a mi telte chuh kâwlmawng apat kâwlmawng tâwp tiengin lakhawm un au.

MARK 13:27

Chun, vânsâwlchâkte chuh sawldawk intin, a telchuomte chuh kâwlmawng li apat, lei tâwp apat a van tâwp chanin lawlkhawm ina.

DAN NIHNA 31:20

A pileputeu kawma piek dinga kihâksiela ka tiem, bâwngnawi leh khuoizu luonna gam achun ka puih luta, ne leh cha a a um u a, a hung tai u a, a hung khawsak theih tiengu leh pathien dang haw lam hun nga’n tin un, a nau sem in tin un, ei musit intin un, ka thuthun haw bawhsie ding ahi ngâl u a.

THUPHUON 7:1

Zie nung chun, lei chung leh, tuisuohgiet chung leh, thing tin cheng chunga huih a nun lohna dinga tutâng dinga vânsâwlchâk li, lei ning li a ding ka vak mu a.