DANIEL 8:24 - PATHIEN LEKHABU THIENGTHO (BSI)

²⁴ Chun, a thilhih theihna nasa mah mah intin, sietna lauh-um takte hih intin; a thilhihte achun lawhting zel in a. Mi thilhih thei takte chung achun sietna hun tun intin, mi thiengthote chung ngeia le hun tun in a.

DANIEL 8:24 ပူးပေါင်းရင်းမြစ်များ

DANIEL 8:12

Chun, zie tak achun mipite chun ni chenga kithawihna lat sang chun, gitlohnate a hih zaw tau a; chun, thutak chuh lei ah a paih tha a. Zie ki chun a thilhihte achun a lawhting to zel ta a.

THUPHUON 17:17

Pathien thu haw chuh a tun masang sieh, amau deihlam a hihna dingun leh, thukhat kisa a, a gam u chuh vaihawm dinga sahang kawma a piek theihna dingun Pathien in a lunggil u ah utna a pie ta ngâla.

DANIEL 12:7

Chun, mi, patngatpuon a kivan a, luipi tui chunga umpa chun a khut changlam leh a khut veilam van lama zak dawkin, “Hun khat leh hunte leh hun kimkhat sung hi’n a; mi thiengthote sukgimtheihna a tawp tieng leh zie thil chengcheng hi hungtung kim ding ahi,” ti a kumsawt Pathien min sâla a kihâksiel chuh ka za a.

DANIEL 7:25

Chun, Chungnung pên pa kalh in thu gen intin, mi thiengthote chuh sugimthei in a, hunte leh dân chuh sukdanglam guo’n tin, hun khat leh hunte leh hun kimkhat sung chuh a khut u a piek hi’n a.

THUPHUON 19:2

A vaihawmna haw chuh a dik in, a diktat a hi! Amah chun nawhchizuok lopi tak nu, a mi deihchak nawpna zieka leisiet supawlhcheh nu chuh thiemmawh a chan sak a. Pathien in a suokte thisan phuba chuh a la ta ngâla!” a tih ka za a.

THUPHUON 17:6

Zie numei chuh mi thiengthote thisan leh, Isu min zieka thaha umte thisana kham chun ka mu a. Ka muh phet chun mak ka sa mah mah mai a.

DANIEL 8:10

Tichun, van a sepaihte do thei ding khawp hiel chun a hung hât ta a, tichun aksite ngêi leh a laka khenkhatte chuh lei ah a paih tha a, a tawhden ta a.

THUPHUON 16:6

Amau haw chun mi thiengthote leh thiemgaute thisan kha a na suoh uh a, nangin thisan dâwn dinga na piek thuk hi, dâwn tak him ahiu ie!” a tih uh ka za a.

DANIEL 8:11

A hi, zie a van a lawiupa um te tuk hiel chun a kikawihsang a, a kawma ni chenga kithawihna latte chuh a suktawp sak a. Ho-In chuh minsie takin a bawl ta a.

DANIEL 8:23

“Chun, a lalnau hun nunung lama bawhsie mite, a sanna tawp pên uh a tun tieng u leh, leng mel lauh-um tak pu, thu het haksate hethiem mi hung pawt intin,

SAM LEHKHABU THE PSALMS 37:35

Mi nunsie chuh nasa taka thu nei leh, Lebanon a Sidar sel duoh hut hut banga, a bawk biel buol pêt ka mu a.

DANIEL 11:23

Kichamna siem in, nam dangte thêm intin, tichun nam neucha chunga vaihawm himahleh hung hât deuh deuh in a,