DANIEL 8:23 - PATHIEN LEKHABU THIENGTHO (BSI)

²³ “Chun, a lalnau hun nunung lama bawhsie mite, a sanna tawp pên uh a tun tieng u leh, leng mel lauh-um tak pu, thu het haksate hethiem mi hung pawt intin,

DANIEL 8:23 ပူးပေါင်းရင်းမြစ်များ

THUPHUON 19:20

Tichun, sahang chuh a man uh a, thiemgau lêm, sahang melchikna nei leh, a lim note a lepbawl theihna dinga thilmak a mitmuh uh a hihpa khale a man tel uh a. A nih uh chun, mei leh kât a kâng dil achun a hingsan in a paih lut tau a.

1 TIMOTHE 4:1

Himahlele, hun nunung achun, mi khenkhatte chuh, mi lepchiehte gukhahna zieka puihmang a um in, thagau haw leh thithate sinsakna thu lunggulh in, taksanna chuh hun haihsan un au tih, Thagau chun kichien takin a gen a.

DANIEL 7:20

Chuleh, a luchang a ki sawm nei leh, a nunga a dang hung pawt a, a masanga a dangte puk ta chungchâng chuh le het ka nuom a. Zie chun mit leh kam a nei a, chapo takin a kisuong a. A dangte sang chun tizat-um diek ahi.

DANIEL 7:11

Zie lai chun ki neucha chun thu nasa taka a gen thawm ziek chun, ka vak en a, sa chuh thah in a um ta a; a sapum suksiet a meia hâl dinga piek ahih chanin ka en zinga.

DANIEL 7:8

A kite chuh ka et lai in, a lak apat chun ki dang khat, neucha hi a hung dawk a; a masa thum te chuh abul chin taka bawhthâk in a um a. Zie ki chun mihing mit tawbang a nei a, kam le a nei a, chapo takin thu a gen ta a.

DANIEL 7:25

Chun, Chungnung pên pa kalh in thu gen intin, mi thiengthote chuh sugimthei in a, hunte leh dân chuh sukdanglam guo’n tin, hun khat leh hunte leh hun kimkhat sung chuh a khut u a piek hi’n a.

DANIEL 8:25

A chitgukhahna ziek chun, a mi thepna lam achun lawhting zel in a. A lungthim chun amah leh amah kingaisang intin, hetsak masakna um lo in mi tampi sumangthai in a. Lengte leng kilanpih intin, himahleh khut hilo a sukbawt in um ina.

EZEKIEL 38:16

Meipi’n gam a khuh mepmup bang hiel hin ka mi Israel te chungah hung in na tin; hiti hi hung hi’n tin, ni nunung haw achun ka gam do dingin hun pui ing ka ting, namte chun ei hen au, Aw Gog, a mitmuh u a nangmah a hih thientho a ka um tieng chu leh.

EZEKIEL 38:8

Ni tamtak nung chu leh galdo dinga sap hin na tin, tunung kum haw achun chemzâm lak apat hukdawk, nam tamtak te lak apat lak khawmte umna gam, Israel tâng a hawma um zing sek haw chuh hun do ding na hi; namte lak apat puihdawk a um tu a a bawn u a lungmuong taka a umnau gam chuh.

DANIEL 11:24

Hilh masa se lo in gam hausa gamte chu do intin; a pate leh a pute thil hihkhaklohte chuh hih in a. A mite lak achun gâllâk leh gâllâk thuomphuo te chuh hawmzak in a. Ahi kulh detdote do ding leh suksietna ding chuh ngaihtuoh intin, himahleh a hun chuh hung bei pai in a.

DANIEL 11:21

Chun, amah mun achun gam muhsit um tak, gam limbawlna a piek loh chu hung dingdawk in tin, paukam thiem in lalgam chuh chang ina.

DANIEL 10:14

Tunung a na mite chunga thil hungtung ding hun hetsak dinga hung ka hi. Tunung a thil hung tung ding thu a kilâkna chuh ziehi ahi,” tin.

THILSIEMBUL 15:16

Chun, a khang lina achun na suonte chuh zie gam ahin hungkit in au; a ziek chuh Amor mite gitlohna chuh a tungkim tadih puoh ngâl a,” a ti a.

1 THESSALONIKA 2:16

Jentel te kawma hukdam a hung hih theihna ding u a, thu ka gen ding nasan uh ei khap sek uh a hi kha! Khutibanga chuh hihin, a gitloh tehnau chuh a sudim tau ui. Khutichun, Pathien lungnatna chuh a chungu ah a huoisie thei pên in a hungtung tai!

MATTHAI 23:32

Na pileputeu tehna chu hih dim ngâl mai un.

DAN NIHNA 28:50

upate le khawksalo, khangthakte le lungsiet diek lo, hiemngam melpu tak nam chuh.

KISIMNA 24:24

Himahleh, Kittim gam apat in lawng haw chuh hung kitawl in tin, Ashur leh Eber chuh sugimthei untin, Himahleh, amau haw chuh kumsawt a dingin mangthai un au,” ti’n.

THUCHINGTE 1:6

Khutia chuh thuching leh a umzie hethiem ding leh, miching te thu leh a thu kisel te chuh a het theihna dingun.

DANIEL 8:22

Chun, zie a ki masa bawtna muna ki li hung dâwn dawkte khan lalgam li a etsak a, ziehaw lak achun namte chuh kithehdalh untin, lalgam masa bang tak khan hatlo ding ahiu.

DANIEL 8:24

Chun, a thilhih theihna nasa mah mah intin, sietna lauh-um takte hih intin; a thilhihte achun lawhting zel in a. Mi thilhih thei takte chung achun sietna hun tun intin, mi thiengthote chung ngeia le hun tun in a.