DANIEL 8:17 - PATHIEN LEKHABU THIENGTHO (BSI)

¹⁷ Ziephet chun Gabriel chuh a hung a, ka sik ah a ding a, ka lau mah mah ta a, lei tuol ah ka puktha ta a. Amah chun ka kawmah, “Aw mihing chapa, a umzie chuh hethiem in, Kilâkna chuh tawpna hun a ding ahi ngâla,” a ti a.

DANIEL 8:17 ပူးပေါင်းရင်းမြစ်များ

DANIEL 8:19

Himahleh, “Ngaiin, tunung a Pathien lungnatna hungtung ding chuh hun etsak ding ka hi. Kilâkna chun hun tawpa thil ding a gen ngâl a.

DANIEL 12:4

“Himahleh, nang Daniel, lehkhabu chuh khâk chak kêi inla, tawpna a tun masang chengin châl den in, a tawpna hun chan in, mi tamtak asuk atung in taiviel un tin, hetnate pung ding ahi” a ti a.

THUPHUON 1:17

Amah ka muh phet chun, a thi tawbang in a keng bul ah ka puk ta a. Chun, amah chun a khut changlam chuh ka chunga nga’n, ka kawmah, “Lau dah ta’n, Kei a Masapen leh a Nunung pên chuh ka hi.

HABAKKUK 2:3

Zie kilâkna chuh hun guot sung a ding chauh ahih ziekin, a tâwp chuh tung pai ding ahi a, thâwn puo’n a. Chanchûm tak guolin kilang mahleh, ngak in, hungtung ngêi ngêi ding ahi a, sawt hal ta puo’n a.

DANIEL 12:13

“Aw nang Daniel, a tâwp tienga ginum in um in; nite tawpna achun châwl in na tin, hun tâwp achun na kipahman mu dinga hung thokit ding na hi ngâl a,” a ti a.

DANIEL 11:40

“Chun, simlam leng tawpna ding hun chuh a hungtun ding kuon cha leh, Aigupta leng chun hun do intin, Suria leng chun a thilhih theihna cheng tawh, kangtalaite, sakawlte, leh kuong tampi tawh chinpei bang mai in amah chuh ana do kit un tin, gam haw chuh lut un tin, buluh zo untin, hawh pai ina.

THUPHUON 22:8

Chun, kei, Johan hih, zie thil chengcheng mu pa leh za pa chuh ka hi. Chun, ka zak a, ka muh phet chun, zie thil haw ei etsak vânsâwlchâk keng bul achun, Pathien ho tawbanga ho dingin ka khupbawk ta a.

EZEKIEL 1:28

Guoh zuk ni a mei chunga sakhizozum kilat dân tawbang hi a kimvela vak kilat dân chuh ahi Ziehi Lalpa lopina kibatpih kilat dân chuh ahi. Chun, zie chuh ka muh in khupbawk in ka puk a, thugenpa aw ka za a.

MATTHAI 17:8

Tichun, a dâk dawk uh a, Isu tihloh chuh kuomah a mu ta puou a.

DANIEL 10:16

Chun, ngaitie, mi khat, mihing chapate mel tawbang pu hin ka mûk ahun khawih a; tichun, ka kam ka ka ta a, ka ma a hung ding pa kawm achun, “Hepu, Kilâkna ka muh te ziek chun ka lungkhamna te chun ei delhphah a, tha himhim ka nei puoh a.

DANIEL 10:11

Chun, Vânsâwlchâk chun ka kawmah, “Aw Daniel, Pathien in a hun lungsiet hi. Khutichun ding dawk inla, ka thugen ding hi hawih takin ngaitha’n. Na kawma sawl a um ka hi,” ti’n. Zie thu a hun gen phet chun, kithing zing pum chun ka ding dawk ta a.

DANIEL 9:27

Zie leng, thilhih thei tak chun nam tam takte tawh hapta khat sunga dingin thugawlh dettak siem untin, zie hun kimkhat a beih tieng chu leh kithawihnate leh thillat te chuh hihtawp in a. Mun thiengtho ah, Thil kihdak-um, Luoksuok-um tak kawih in um intin, zie chuh a kawihpa ngêi tawpna dinga Pathien in a guotsa chuh a hungtun macheng chuh zie tak achun um zing in a,” ti’n.

DANIEL 9:23

Na nget pat tung khan thupiek a pawtdawk ta a, A hun hilh dinga hung ka hi; deihum tak na hi ngâl a; zieziekchun, thil chuh ngaihtuoh in la, kilâkna chuh hethiem in.

DANIEL 8:15

Chun, hiti hi ahi a, kei Daniel ngêi in kilâkna chuh ka muh in, a umzie het ka guo a, ngaitie, ka masang ah mihing tawbanga kilang hi a hung dinga.

DANIEL 2:46

Ziephet chun leng Nebuknezar chuh a khupbawk a, Daniel chuh chibai a bûk a, a kawma chu thillat leh gimlimte hun pie dingin thu a pie ta a.

EZEKIEL 6:2

“Mihing chapa, Israel tâng lam haw khu nga’n la, a kawm u ah thu genlawk inla,

THILSIEMBUL 17:3

Chun, Abram chuh a bawkkhup ta a: chun, Pathien in amah chuh a hopih a,

EZEKIEL 44:4

Tichun, amah chun mâllam pang kawtkhak achun ei puilut kit a. Ka vak et leh, ngaitie, Lalpa Ho-In chuh Lalpa umna vak lopitak chun a dim ta a. Tichun, bawkkhup in tuol ah ka puk ta a.

DANIEL 7:16

Zie a hung dingdawkte laka khat chuh ka va naih a, ziehaw chungchanga thutak chuh ka dawng a. Khutichun, ei hilh a, a thil genchetna haw chule ei hetsak ta a.

DANIEL 8:27

Tichun, ka chau a, ni bang zah ahim chu ka dam puoh a. Zie apat chun ka hung halhdawk kit a, leng na chuh ka sem kit ta a; himahlele, kilâknate chuh mak ka sa mah mah zieng a, mahleh, kuoma’n a hethiem puou hi.

EZEKIEL 2:1

Chun, ka kawmah “Mihing chapa, na keng in ding ah, na kawma thu gen ding ka hi” a ti a.

DANIEL 11:27

Leng nih te chuh an ne dingin dawhkân khat ah chu khawm untin, himahleh a sunggil tak u a chuh migilo a hih gel ziekun kithem tuoh un au. A hun a tun nai loh ziekin a thil deihteu chuh mu diek puo’n au.