DANIEL 8:13 - PATHIEN LEKHABU THIENGTHO (BSI)

¹³ Ziephet chun, mi thiengtho te aw chuh ka za a, chun mi thiengtho dang kuo ahim in thu hun gen pa kawm achun, “Hâlmang thilpiek um zing sek te, bawhsietna suksiet a um mun thiengtho leh sepaih hawnte chuh tawhden dinga piek a hihna teu chungthu a kilâkna chuh bang chana sawt ahi die?” a ti a.

DANIEL 8:13 ပူးပေါင်းရင်းမြစ်များ

THUPHUON 11:2

Ho-In sung pawlam dai sung vang chuh teh ki’n, zie chuh Jentel te kawma piek dawk ahi ta ngâl a, amau haw chun Khawpi Thiengtho chuh tha sawmli leh tha nih tawhden un au.

THUPHUON 6:10

Amau chun aw ngeih tak in, “Aw Lalpa, mi thiengtho leh diktak, bang chana lei chunga mite chunga vaihawm lo a, ka thisan phubau chuh la lo a na um ding?” ti’n a kiko u a.

LUKE 21:24

Khenkhatte chuh chemzâma thah in um un na tin uh, khenkhatte chuh, namtin kawma sala puih in um in tin uh; tichun, Jentel te ni a bukim masang sieh, Jerusalem chuh Jentel te tawh den in um ina.

DANIEL 9:27

Zie leng, thilhih thei tak chun nam tam takte tawh hapta khat sunga dingin thugawlh dettak siem untin, zie hun kimkhat a beih tieng chu leh kithawihnate leh thillat te chuh hihtawp in a. Mun thiengtho ah, Thil kihdak-um, Luoksuok-um tak kawih in um intin, zie chuh a kawihpa ngêi tawpna dinga Pathien in a guotsa chuh a hungtun macheng chuh zie tak achun um zing in a,” ti’n.

DANIEL 11:31

chun, a sepaihte laka khenkhatte chun Ho-In chuh subuok un au. Ni chenga kithawihnate chuh sutawp untin, zie tak achun Thil tenum, Luoksuok-um tak chuh dindawk sak un au.

DANIEL 4:13

“Ka zâlkhun a ka kuol laia ka kilâkna muh achun ka vak en a, ngaitie, van apat in vânsâwlchâk hi kigingsa leh kiguo zo sa’n a hung kum suk a,

1 PETER 1:12

Zie thu haw chuh, amau haw phatchuomna ding hilo in, nangmau haw mawng phatchuomna ding ahi zawi tih, Pathien in thiemgaute kawm achun a hetsak tai; zie thu haw chuh, van apat a sawl dawk, Thagau Thiengtho thilhih theihna’n, nanguh Chanchin Pha hun hilhpa khan a hun hilh na hi tau hi. Zie thil haw chuh ahi, vânsâwlchâkte nasan inle hêtchet a nawp sek uh khah.

HEBRAI 10:29

Pathien Chapa tawhden a, thugawlh thisan, amah sukthienna chuh musit a, lungsietna Thagau sumuolpho chuh, zie sanga bangti tienga na zaw a thuok taka ngaih hi dingin a na ginchak?

1 THESSALONIKA 3:13

Khutichun, I Lalpau Isu chuh, a mi thiengthote chengcheng tawh a hung tieng leh, I Pathien u leh I Pau masang achun, na lunggil hawu thiengtho leh paulap bei in hun sudet thei ina.

LUKE 21:20

“Amahvang chuh, sepaihte’n Jerusalem a hun ûmkimvel tieng u leh, mangthai ei tai, tih heu in.

MARK 13:14

“Amahvang chuh, thiemgau Daniel in a na gen ‘Sugampa kihdak-um’ chuh a din lohna dinga ding na muh tieng u leh, (a sim ta’n a umzie he hen.) Judia gama umte chuh tânghaw achun taimang u heh.

MATTHAI 24:15

“Khutichun, thil kihdak-um luoksuok-um tak, thiemgau Daniel in a gen khah, mun thiengtho a ding na muh tieng u leh.” (a sim tan a umzie he hen)

ISAI 63:18

Na mi thiengthote hin hun chawmkhat chauh ka luoh u a, himahleh, tuhin ka melmateu chun na mun thiengtho chuh a tawh den tau hi.

ISAI 6:11

Tichun, ken a kawmah, “Bang chan ahi die Lalpa?” ka ti a. Amah chun ei dâwng a, “Khawpite hi mihing umlo hiela a hung hawma, Inte hi a cheng ding umlo khawpa, gam pumpi suksiet dimdem a a um a, a hawma nutsieh ahih ma cheng.

SAM LEHKHABU THE PSALMS 79:5

Aw Lalpa, bang chan ahi die na lungnat kumlekhuo ding? Bangti a na itthikna chu mei banga kuong ding ahim?

JUDA 1:14

Chun, ziete kawm achun, Adam a thâk a khang sagihna Enok chun, hun sawttak apat in a chanchin uh chuh a na genlawk ahi tai,

MATTHAI 11:27

“Ka pa’n thil chengcheng ei vawp sak tai; Pa tello in kuoma’n Chapa hi a he puoi; Chapa leh, a kawm u a Chapa’n a phuon nawpna te tihloh chun kuoma’n Pa chuh a he puoi.

ZEKARIA 14:5

Chun, tâng kikala phaicham achun taimang in na tin uh, tâng kikala phaicham chun Azel vak sun ahi ngâla; ahi, Juda leng Uzziah lal laia inling a na taih bang u khan taimang un lau. Chun, Lalpa ka Pathien chuh hung in tin, a mi thiengthote cheng tawh hung kitawn ding ahiu hi.

ZEKARIA 1:19

Vânsâwlchâk ei hopihpa kawma chun, “Ziehaw hi bang ahi?” ka ti a. Amah chun ei dâwng a, “Zie a kihaw hi khawvel thuneihna, Judate, Israel te leh Jerusalem mipite thehzak chuh ahiu,” a ti a.

DANIEL 12:11

Chun, kithawihnate suktawp a hih a, kihdak-um, luoksuok-um tak dindawk apat chun, ni sangkhat leh zanih leh sawmkuo bei in a.

DANIEL 7:23

A hilhchetna ei piek chuh ziehi ahi: “Gamsa lina chuh lalgam li, lei chunga hung dingdawk ding chuh ahi a, a dangte sang chun zatchuom diek in a. Lei pumpi chuh sugawp intin, tawhden in a.

DANIEL 7:16

Zie a hung dingdawkte laka khat chuh ka va naih a, ziehaw chungchanga thutak chuh ka dawng a. Khutichun, ei hilh a, a thil genchetna haw chule ei hetsak ta a.

DANIEL 4:23

Chun, van apat a vânsâwlchâk thiengtho hung suk a, ‘Thing chuh phuk inla, sumangthai ah; amahvang chuh a bulsum, a bulbâl zung chuh lei nuoi ah um den sak in, thikkhau leh sumeng guia kân san gamlaka hampa hing dip dep lak achun taihsan in; tichun, van dâitui in chapchêk hen la, a chanvo chuh gamsa te tawh umkhawm hi henla; a chungah hun sagih a beih chanin,’ ti a hung kigen chuh lengpa chun a mu a.

ISAI 9:6

Ei u dingin naupang a hung pieng a, Chapa piek in I um tau a! Vaihawmna chuh a liengko ah um intin; Amin chuh “Mak, Lemguottu, Pathien Hat, Kumsawt Pa, Chamna Lal Cha,” tih hi ding ahi ngâla.

SAM LEHKHABU THE PSALMS 74:9

Ka tiemtehnau haw le ka mu ta puou a; Thiemgau mawng mawng a um ta puou a; A sawt ding chin he mawng mawng ka lak u ah ka um ta puou hi.

VAIHAWMTE 13:18

Chun, Lalpa vânsâwlchâk chun a kawmah, “Bang zieka ka min ei dawng na him? Amak ahi tih na hezing ngâla,” a ti a.

DAN NIHNA 33:2

Sinai apat in Lalpa chuh a hunga, Seir apat in a hung suok hi a chung u ah ni guolin, Paran tâng apat in a hung eng dawka, Mithiengtho a sing a simte tawh a hung; A khut changlam ah amau dingin dân meikuong chawi kawmin.

JOHAN 1:18

Kuoma’n bangmah tikin Pathien a mu ngei puou, Chapa changkhat neih. Pa ângsung a um ngêi khan, a chanchin a gen ahi tai.

LUKE 10:22

“Ka pa’n bangakai ei vawp sak tai, Chapa chuh kuo ahi tih Pa ngâllo chun kuoma’n a he puoi; Pa chule kuo a hih, Chapa leh a kawm u a Chapa’n a phuon nawp nate ngâllo chun kuoma’n a he diek puou,” a ti a.

SAM LEHKHABU THE PSALMS 74:10

Aw Pathien, bang chana melma’n a hun gen siet ding? Melma chun na min hi kumlekhuo’n gensie ding ahi dem?

ISAI 28:18

Zie tieng chuleh, thihna tawh na thugawlh u chuh bangmahlo hi’n tin, Sheol tawh na kihocham nau chule mattheih hita puo’n tin. Sietna tuilien a luon pai tieng chuleh zawhin um unlau.

JEREMIA 12:10

Belampu tamtak te chun ka grep huon a susieu a, ka chanvo chuh keng in a tawhden u a, ka chanvo deihum tak mai chuh thalek gamgaw a suok sak tau hi.

DANIEL 12:8

A thugen chuh zak chuh ka za na a, himahleh a ngaihna vang ka he puoi. Khutichun ka vak dawng ta a, “Aw ka Lalpa, zie thil tawpna chuh bangti ahi die?” ka ti a.

DANIEL 4:10

“Ka zâlkhun a ka kuol laia ka kienga kilâknate chuh hitibang hi ahi: Ka vak dâk dawk leh, lei lailung lai tak ah thing lien tak mai hi ka mu a, a sang mah mah maia.