DANIEL 7:8 - PATHIEN LEKHABU THIENGTHO (BSI)

⁸ A kite chuh ka et lai in, a lak apat chun ki dang khat, neucha hi a hung dawk a; a masa thum te chuh abul chin taka bawhthâk in a um a. Zie ki chun mihing mit tawbang a nei a, kam le a nei a, chapo takin thu a gen ta a.

DANIEL 7:8 ပူးပေါင်းရင်းမြစ်များ

THUPHUON 13:1

Chun, a chieh a, tuisuohgiet sehpho achun a dinga, sahang, tuisuohgiet apat a hung pawt hi ka mu a. Zie chun ki sawm leh luchang sagih a nei a; a kihaw chung achun lallukhuk a um chiet a, a luchang haw achun, Pathien gensietna min haw le a um chiet hi.

SAM LEHKHABU THE PSALMS 12:3

Lalpa chun pahchak lêm na mûk haw chengcheng chuh ât tha hen la, Thu chapo tak genna lei haw chuh tawh:

THUPHUON 9:7

Khaupepihaw chuh sakawl kido dinga kiguo zosa tawbang ahiu a, a luchang uh achun sana lallukhuk tawbang a nei uh a, a maichang uh chuh mihiem mai tawbang ahi.

2 THESSALONIKA 2:4

Amah chun pathien a vawh tâk phawt u leh, sakhuo chengcheng do in, a chung u a um guo’n amah kilimbawl ina. Chun, Pathien Ho-In achun lut in, chu’n tin, Pathien bangin kigen ina.

DANIEL 11:36

“Chun, leng chun a nawp nawpin thil hih intin, amah kichawisang intin, pathien dangte sanga lienzaw leh, pathiente Pathien sanga lienzaw’n hung kikawih in a. Zie tawbang thil chu Pathien in a gawtna hun a tun macheng chu hih thei in a. Pathien in a thil guonggalh lawksa chu hun hih ngêi ding ahi ngâl a.

JUDA 1:16

Ziete haw chuh phunchiekte leh, mi awihmawh hatte ahiu a, amau utna bang zelin a um uh a, a kam sung un kiletsakna thu thanghuoi tak tak a gen uh a, amau phatchuomna ding deihna ziekin, mi Pahchak lim a thawh sek ui.

2 PETER 2:18

Thu manloh leh thanghuoi tak takte chuh gen in, gitloh na lak apat taidawk tungte chuh, taksa utchakna lam achun a zawl lut sek ngâl uh a.

1 SAMUEL 2:3

Khuti lâwm lâwm a chapo in thu gen takiu inla; Na kawm u a pat in hâmdâwkna himhim pawt kihen; Lalpa chu chitna Pathien ahi ngâla, Ama’n thilhih haw a bûk tuok sek hi.

2 TIMOTHE 3:2

Mi, amah kihehpihte, dangkasum ngailulte, mi kilekte, mi kiletsakte, Pathien gensiete, nulepa thu ngailote, kipahna zie helote, Pathien ngaihsak lote,

DANIEL 7:19

Chun, gamsa lina, a dangte laka zatchuom diek, kihchak-um tak, a kengtin sumeng leh a ha thik manga a sapehte bawttel a, a themte a kêngpêk nuoia tawhden chungchâng chuh het ka nuom ta a.