DANIEL 7:4 - PATHIEN LEKHABU THIENGTHO (BSI)

⁴ A khatna chuh sakeibaknei tawbang ahi a, mupi tha tawbang hi a nei a; a tha haw chuh bawhtawt a a um a, lei apat a dawpkang ahih a; mihing banga keng nih a ding dinga siem ahi a, mihing lunggil piek ahih chanin ka en zinga.

DANIEL 7:4 ပူးပေါင်းရင်းမြစ်များ

2 SAMUEL 1:23

Saul leh Jonathan umdan chu a deihum in a hawih a, A thih un le a kikhen puou, Mupite sangin a chanpha zawu a, Sakeibakneite sangin a hât zawu hi.

JOB LEHKHABU THE BOOK OF JOB 25:6

Mihiem, tangtel tawbang phet leh mihing lung tawbang phet chuh Pathien mitmuh in bangti a thieng thei ding ahim?

SAM LEHKHABU THE PSALMS 9:20

Aw Lalpa, amau haw chuh sulau inla; Namtin in mihing mai ahiu hi tih kiheu hen. Selah

JEREMIA 25:38

Sakeibaknei bang mai in a kisêlna chuh a pawtsan ta a, chemzâm nunsie tak leh a lungnatna tizat-um tak ziek chun, a gam u chuh a hawm zo ta ngâl a.”

JEREMIA 4:13

Ngaitie, meipi guol in hung to ding ahi, a kangtalaite chuh chinpei bang mai in; a sakawlte chuh mupi sangin a kin zawu hi. I chung uh a gik na e! Suksiet ding I hi ngâl u a.

JEREMIA 4:7

Gammâng kulung apat chun sakeibaknei a hung pawt hi, nam te susie ding chuh. Amun apat chuh a hung pawt ta a, a hung lai tak ahi. Na gam suhawm ding leh na khawpite luoh loh a kawih dingin.

JEREMIA 48:40

Lalpa chun hiti hin a tii: Ngaitie, mupi guol in kin takin leng intin, Moab chungah tha zak ina.

JEREMIA 49:19

Ngaitiem u, Jordan gammâng apat a sakeibaknei, gancha tat na mun haw ah hung to intin; amau haw chuh a lak u apat in delhmang sak ing ka ting; a chung u a thunei dingin ka nawp taphawt guot ing ka; kei tawbang hi kuo a um: Kuo a hunbi ei guot sak ding? Belam pu ka masanga ding ding chuh kuo ahi?

SUNNA LA 4:19

Ei delhzuite chu vanlaizawl a muvanlai sangin a chan-gang zawu a. Tang chungte achun ei huol kimvel u a; thalek gam achun ei chânggu tau hi.

EZEKIEL 17:3

Lalpa Pathien chun hiti hin a tii, ti’n: Mupi lien tak, tha lien tak nei, a thaveng sau tak mai, pawl bembum, mul bit tak nei hi Lebanon tângah a lenga, Sidar thing zik a thiek bawnga,

EZEKIEL 28:2

“Mihing chapa, Tura lengte kawm achun gen in, Lalpa Pathien chun hiti hin a tii: Na lunggil a chapo a, Pathien ka hi a, tuipi laia pathiente chutna achun ka chûi, na ti a, ahihziekin mihing na hi zawa, Pathien na hi puoi, Pathien lungthim tawbang pu’n kingai mahleh chin le:

EZEKIEL 28:9

A hun thatpa ma achun, ‘Pathien ka hi’, na ti nalai dem? A hun thatpa khut achun Pathien na hi puoh a, mihing na hi zawi.

DANIEL 2:38

Zieziekchun, khawia le mihing chate umna taphawt ah gamsate, chung leng vachate, na khut ah a pie a, a bawn u a chunga vaihawm dingin a hun siem a. Sana luchang chuh nangmah ngêi hi na hi.

DANIEL 4:36

“Ka lungthim ngeina chuh ka kawma piekkit ahih phet chun, ka lenggam lopinate, ka lopina leh ka hawihna chuh ka kawma piek kit a hi ta a. Chun, ka lemguotpihte leh ka mi lopite chun ei hun zuon kit u a, ka gam achun sukdet in ka um a, limbawlna nasa tak mai chuh ka chungah behlap in a um ta a.

DANIEL 7:12

Himahleh, gamsa dangte kha chuh a thilhih theihnau lâksak in a um u a, a hinnau vang chuh hunbi khat leh hun khat sunga dingin hawih ahi.

DANIEL 7:5

Chun, ngaitie, sahang nihna chuh savawm tawbang ahi a, a keng nung lam in a ding a; a kama chun nakguh thum a uma, a pet changa, a kawm achun, “Tho dawk inla, sa chuh na nawp chin in neh,” kitihna aw hi ka za a.

MATTHAI 24:28

“Hawi ale saluong umna tâkah mulukawlhte le um khawm un au.

DAN NIHNA 28:49

Gamla tak apat, kâwlmawng apat in, mupi kisukkhawh guola chan-gang, a pau le na hetloh uh nam chuh nang u hun do dingin Lalpa’n hun pui intin;

THUPHUON 13:2

Chun, ka sahang muh chuh keite tawbang a hi a, a kênghaw chuh savawm keng tawbang a hi a, a kam chuh sakeibaknei kam tawbang ahi. Dragon chun sahang kawm achun a thilhih-theihna leh, a lallukhuk leh thuneihna nasa tak a pie a.