DANIEL 7:26 - PATHIEN LEKHABU THIENGTHO (BSI)

²⁶ Himahleh, vaihawmna hung um intin, a thuneihna chuh sukmang a suksiet den dingin lâkmang in um ina.

DANIEL 7:26 ပူးပေါင်းရင်းမြစ်များ

DANIEL 11:45

Chun, tuipi leh tâng thiengtho kikal, temple dinna mun achun a leng puon-In lien tak chuh zak in tin, himahleh, a tawpna tung hi’n tin, kuoma’n kithuohpih puo’n au.”

DANIEL 7:22

Ziephet chun, kumlekhuo a hing zing pa chuh a hung a, vaihawmna chuh Chungnung pên pa mi thiengthote kawma piek a hih thu leh, Pathien mite chun lalgam thuneihna a chan hun uh a hungtunna thu chuh a phuong ta a.

2 THESSALONIKA 2:8

Zie kilakmang tieng chu leh, Dan bawhsiepa chuh hung kiphuong intin; himahleh, Lalpa Isu’n amah chuh a kama hu’n sulum intin; amah umna vak tak chun sumangthai ina.

THUPHUON 11:13

zie lai tak chun, leiling nasatak in a hung kilîng a, khawpi chuh mun sawma khena mun khat chuh suksiet in a um ta a, chun, mi sang sagih suklup in a um tau hi. A thi mâwk cheng chuh a lau mah mah uh a tichun, van Pathien lopina chuh a pakcha tau hi.

THUPHUON 17:14

Ziete haw chun Belamno chuh do un tin; himahleh Belamno chun, a telte, leh amah nungzui ginumte chu tawh amau chuh zo unau; amah chuh Lalte Lal leh, Lengte Leng a hih ziekin,” ti’n.

THUPHUON 19:2

A vaihawmna haw chuh a dik in, a diktat a hi! Amah chun nawhchizuok lopi tak nu, a mi deihchak nawpna zieka leisiet supawlhcheh nu chuh thiemmawh a chan sak a. Pathien in a suokte thisan phuba chuh a la ta ngâla!” a tih ka za a.