DANIEL 7:21 - PATHIEN LEKHABU THIENGTHO (BSI)

²¹ Chun, ka et zing lai chun zie ki chun mi thiengthote a do a, a zo ta a.

DANIEL 7:21 ပူးပေါင်းရင်းမြစ်များ

DANIEL 11:31

chun, a sepaihte laka khenkhatte chun Ho-In chuh subuok un au. Ni chenga kithawihnate chuh sutawp untin, zie tak achun Thil tenum, Luoksuok-um tak chuh dindawk sak un au.

DANIEL 12:7

Chun, mi, patngatpuon a kivan a, luipi tui chunga umpa chun a khut changlam leh a khut veilam van lama zak dawkin, “Hun khat leh hunte leh hun kimkhat sung hi’n a; mi thiengthote sukgimtheihna a tawp tieng leh zie thil chengcheng hi hungtung kim ding ahi,” ti a kumsawt Pathien min sâla a kihâksiel chuh ka za a.

DANIEL 7:20

Chuleh, a luchang a ki sawm nei leh, a nunga a dang hung pawt a, a masanga a dangte puk ta chungchâng chuh le het ka nuom a. Zie chun mit leh kam a nei a, chapo takin a kisuong a. A dangte sang chun tizat-um diek ahi.

DANIEL 8:12

Chun, zie tak achun mipite chun ni chenga kithawihna lat sang chun, gitlohnate a hih zaw tau a; chun, thutak chuh lei ah a paih tha a. Zie ki chun a thilhihte achun a lawhting to zel ta a.

DANIEL 8:24

Chun, a thilhih theihna nasa mah mah intin, sietna lauh-um takte hih intin; a thilhihte achun lawhting zel in a. Mi thilhih thei takte chung achun sietna hun tun intin, mi thiengthote chung ngeia le hun tun in a.

DANIEL 8:9

Chun, a ki lite laka khat achun, ki neucha khat hi a hung dâwn dawk a, zie ki thilhih theihna chuh simlam leh suohlam leh gamtiem lam zuon chun a hung khang lien ta a.

THUPHUON 17:14

Ziete haw chun Belamno chuh do un tin; himahleh Belamno chun, a telte, leh amah nungzui ginumte chu tawh amau chuh zo unau; amah chuh Lalte Lal leh, Lengte Leng a hih ziekin,” ti’n.

THUPHUON 17:6

Zie numei chuh mi thiengthote thisan leh, Isu min zieka thaha umte thisana kham chun ka mu a. Ka muh phet chun mak ka sa mah mah mai a.

THUPHUON 19:19

Chun, sahang te, leia leng te, a sepaihteu chuh, sakawl chunga chu pa leh, a sepaihte do dinga kikhawp uh ka mu a.