DANIEL 7:2 - PATHIEN LEKHABU THIENGTHO (BSI)

² zan a ka thil muh te chuh zie hi ahi: Kâwlmawng li apat in huih hât tak hi tuipi chungah a hung nung a.

DANIEL 7:2 ပူးပေါင်းရင်းမြစ်များ

ISAI 17:12

Thilhihthei tak namte chuh tuipi gi leh, tui kinawk nasatak gi bangin, a buoi un, a sa vengvung u a.

JEREMIA 49:36

Elam chung achun kâwlmawng li apat in huihpi hun nun sak ing ka ting, a mite chuh muntin ah thehzak ka ting, a taih zak lohnau gam himhim um lo in thehzak ing ka.

JEREMIA 51:42

Babulon chuh tuipi’n achup tai, a kinawk nasa tak chun a khuh zo tai.

DANIEL 11:4

Himahlele a hatna tâwp achun a lalgam chuh khenzak in um intin, mun li a khen zak in um in a. Amah muna chun a mah suonte hilo in, leng dangin vai hun hawm untin, himahleh a thilhih theihna tawbang chu nei puo’n au.

DANIEL 2:19

Chun, zie thuguk chuh zan kilâkna ah Daniel kawmah suklat in a hung um ta a. Tichun Daniel chun Van Pathien chuh a pakcha ta a:

DANIEL 7:13

Zan a kilâkna hung um achun, mi khat, mihing mel tawbang pu hi ka mu a. Meipi ûmkimvel in, kei lam hun zuonin ka mu a, himahleh amah chuh kumlekhuo a hing zing pa lam achun a chieh a, a kawmah a va um ta a.

DANIEL 7:7

Khutia ka et zing lai chun, sahang lina, lauh-um leh tizat-um tak leh hât tak mai chuh ka mu a; thik ha lopi tak a nei a, zie chun a sa matte chuh bawttel in a ne zo a, a them haw chuh a keng in a tawhden ta a. A masanga gamsa dangte kha tawh kibanglo takin, ki sawm a nei a.

DANIEL 8:2

Zie kilâkna achun, Elam gamsung a Susan leng In ah ka na um a, kilâkna achun ka mu a, banga ki-um sunga chun ka na um a. Ulai luipi pang ah ka na ding a,

DANIEL 8:8

Ziephet chun, kêlchal chuh a chapo deuh deuh ta a, himahleh a tâwp chun a ki lopi tak chu a hung bawng ta a. A ki bawtna achun ki challang tak li a hung kekdawk a, lei ning li kawk in a hung um dawk a.

ZEKARIA 6:5

Chun, vânsâwlchâk chun ka kawmah, “Ziehaw hi van apat a huihpi li hung pawt dawk, leisiet chengcheng Lalpa masang apat a hung pawt chuh ahiu hi,” a ti a.

MATTHAI 24:31

Pêngkun gi nasatak tawh, chun, a van sawlchakte chuh lei ning li achun sawldawk in tin, tichun, a mi telte chuh kâwlmawng apat kâwlmawng tâwp tiengin lakhawm un au.

THUPHUON 17:15

Vânsâwlchâk mah chun ka kawmah, “Nawhchizuoknu chutna tui na muh te khah, namte, mipite, chitin te leh pau tinte hi ahiu hi.

THUPHUON 7:1

Zie nung chun, lei chung leh, tuisuohgiet chung leh, thing tin cheng chunga huih a nun lohna dinga tutâng dinga vânsâwlchâk li, lei ning li a ding ka vak mu a.