DANIEL 7:18 - PATHIEN LEKHABU THIENGTHO (BSI)

¹⁸ Himahleh, Chungnung pên pa mithiengtho te chun lalgam chuh chang untin, kumsawt kumsawt in chang den ta’n au,” ti’n.

DANIEL 7:18 ပူးပေါင်းရင်းမြစ်များ

DANIEL 7:27

Tichun, lei chunga lalgam chengcheng thuneihna leh lopina chuh, Chungnung pên pa Pathien mite kawma chuh piek hi ta’n a. A lalgam chuh tâwp ta puo’n tin, lei chunga vaihawmte chengcheng in a nau sep sak un tin, a thuu zawp ta’n au.” ti’n.

THUPHUON 5:10

Ka Pathien dingun khuoletui leh thiempu’n na siem ta a; Amau haw chun lei chung achun vaihawm un au,” ti’n la thak a sau a.

THUPHUON 20:4

Chun, lalchutphah haw chuh ka mu a, a chungah mi a chuu a, a kawmuh achun vaihawmna a pieu a. Chuleh, Isu thu hettuoksakna thu zieka leh, Pathien thu zieka ngâwng kitante thagau leh sahang leh a lim ho lo a, a chalpâng uh ahim, a khut uh a him a, tiemtehna nei lote thagau chule ka mu a. Ziete haw chuh a hung hing tau a, kum sangkhat a dingin Krista tawh vaihawm in a um tau hi.

DANIEL 7:22

Ziephet chun, kumlekhuo a hing zing pa chuh a hung a, vaihawmna chuh Chungnung pên pa mi thiengthote kawma piek a hih thu leh, Pathien mite chun lalgam thuneihna a chan hun uh a hungtunna thu chuh a phuong ta a.

SAM LEHKHABU THE PSALMS 45:16

Na pilepute sik in, Aw lengpa, chapa te hun nei ina: A mau chuh lei chung chengcheng a hin leng in siem inla.

EPHESI 1:3

I Lalpau Isu Krista leh Pa chuh pahchak in um hen! Amah chun, vanmun haw akhun Krista achun thagau lam vang sakna tincheng tawh vang ei pie a.

THUPHUON 3:21

A zo tacheng ka lalchutphah chungah ka changlam ah chut sak ing ka, ken le ka zawh a, ka Pa kawma lalchutphah a ka chut guol khan.

EPHESI 6:12

I kibuonpih hawu hih sapum leh thisan a hi puoh a; lalna haw leh, thuneihna haw, leh zie khawthim chunga vannuoi vaihawm haw leh, van mun haw a thagau phalo um haw ahi zawu hi.

LUKE 1:33

Jakob suonte chungah kumkhuotuong in lal intin, a gam in tâwp ni nei ta puo’n a,” a ti a.

1 KORINTH 6:2

Mi thiengthote chun, khawvel vaihawm sak ding ahiu ui tih helo na hiu hi? Khawvel vaihawm sak ding na hih ngâl u chun, thil neucha chuh ngaihtuoh theilo ding na hiu hi?

THUPHUON 22:5

Zie tak achun zan um ta puo’n tin, thaumei vak leh nisa ngai ta puo’n tin uh; Lalpa Pathien chun amau salhvak ding ahi ngâla; tichun, kumkhuotuong in vaihawm ta’n au.

SAM LEHKHABU THE PSALMS 49:14

Belam thah ding banga Sheol a dinga guot ahiu hi, Thihna chuh amau chingpa hi’n tin: Zang takin thân ah kum suk un tin, a mellepâng u le bei pai intin, Sheol chuh a chênna dinguh hita’na.

ISAI 14:2

Chun, namtin chun amau haw panpih untin, a mun ding u chuh tun un au; tichun, Israel inkawte chun Lalpa piekna gam achun namtin chuh suokpate leh suoknute’n hun nei un au. Amau haw suok a neite chuh suok in hun man un tin, amau haw bawlsiete chung achun vai hun hawm un au.

DANIEL 7:14

A kawm achun thuneihnate, lopinate, leh leng thilhih theihnate chuh piek ahi a, mitin te, namtin te, leh pautin te chun a na sep sak un au. A thuneihna chuh kumlekhuo’n um in tin, bei ngei talo ding ahi a, lalgam chun tawp ni neita puo’n a.

DANIEL 7:17

Ka kawmah, “Zie gamsa lien taktak lite hi, lalgam li, lei chunga hung dingdawk dingte chuh ahiu ui.

DANIEL 7:25

Chun, Chungnung pên pa kalh in thu gen intin, mi thiengthote chuh sugimthei in a, hunte leh dân chuh sukdanglam guo’n tin, hun khat leh hunte leh hun kimkhat sung chuh a khut u a piek hi’n a.

OBADIA 1:17

Himahleh, Zion tâng chuh hukdawk hi’n tin, zie tak a chun thientho na um intin, Jakob inkawte chun a gochan ngêi u chuh luoh un au.