DANIEL 7:15 - PATHIEN LEKHABU THIENGTHO (BSI)

¹⁵ Kei Daniel hi ka sung ahin ka lungthim a lungkham a, Kilâkna ka muh te chun ei sulau a, nasa takin ei chawkbuoi ta a.

DANIEL 7:15 ပူးပေါင်းရင်းမြစ်များ

DANIEL 7:28

Ziehi ka thilmuh chanchin tawpna chuh ahi. Kei, Daniel hi ka thilmuhte chun ei sulau mah mah a, ka mel a dângtha ta a, himahleh, ka lungthim in thu chuh ka vawp zing hi.

2 PETER 1:14

I Lalpau Isu Krista’n ei hilh bang khan, ka bâwkcha kawihmangna ding hun tung vak ding ei tai tih ka he ngâl a.

HABAKKUK 3:16

Ziehaw cheng hi ka zak in, ka kithing a; lau in ka kha a kitat hiel tai! Ka guh ahin muotna a lut a, Ka kalsuonte chuh a hâwi ta a! Ei dote chunga gawtna tung ding chuh thipkêi in ngak ing ka.

DANIEL 8:27

Tichun, ka chau a, ni bang zah ahim chu ka dam puoh a. Zie apat chun ka hung halhdawk kit a, leng na chuh ka sem kit ta a; himahlele, kilâknate chuh mak ka sa mah mah zieng a, mahleh, kuoma’n a hethiem puou hi.

DANIEL 7:1

Babulon leng Belshazar vaihawm kum khatna achun mang ka nei a, zan chun kilâkna ka mu a. Mang chuh ka zik tha a,

DANIEL 4:5

Himahleh mang lauh-um tak ka nei a; zâlkhun chunga ka kuol lai chun ka mang chun ei subuoi ta a.

DANIEL 2:3

Chun, leng chun a kawm u ah, “Mang ka nei a, ka mang chuh he dingin ka lungthim a buoi tai,” a ti a.

DANIEL 2:1

Chun, Nebuknezar chun leng ahih kum nihna achun mang a nei a. Zie chun a lunggil a subuoi a, a ipmu thei ta puoh a.

JEREMIA 17:16

Himahleh, aw Lalpa, a chunguh a thil phalo tun sak dingin ka hun sawl kha puoh ngâl a! A sietna dinguh ni le ka deih sak diek puoi tih le na hêi. Ka thugen haw le na he vek ngâl a.

THILSIEMBUL 41:8

Zingkal chun hiti hi ahi a, a lungthim chuh a lungkham mah mah ta a; tichun mi a sawl a, Aigupta gama mitvaidawi thiem chengcheng leh mipil chengcheng chu a sama: Pharaoh chun a mang chu amau haw a hilh ta a; himahlele Pharaoh hilhchien thei kuomah a um ta puou hi.

DANIEL 4:19

Tichun, amin Daniel, Belteshazar le kiti sek pa chuh chawmkhat tak chuh a lau mah mah a, bangmah a gen thei ta puoh a. Ziephet chun leng chun a kawmah, “Belteshazar, mang ahim, a umzie ahim chun hun sulau kihen,” a ti a. Belteshazar chun a kawmah, “Ka lalpa, mang chuh a hun mudahte chunga tung ding hi hen la, a hilhchetna chu le na melmate chunga ding hi hen.

DANIEL 8:2

Zie kilâkna achun, Elam gamsung a Susan leng In ah ka na um a, kilâkna achun ka mu a, banga ki-um sunga chun ka na um a. Ulai luipi pang ah ka na ding a,

DANIEL 10:16

Chun, ngaitie, mi khat, mihing chapate mel tawbang pu hin ka mûk ahun khawih a; tichun, ka kam ka ka ta a, ka ma a hung ding pa kawm achun, “Hepu, Kilâkna ka muh te ziek chun ka lungkhamna te chun ei delhphah a, tha himhim ka nei puoh a.