DANIEL 7:10 - PATHIEN LEKHABU THIENGTHO (BSI)

¹⁰ Zie tak apat chun luicha tawbang in mei a luong dawk zungzung ta a. Mipi sang tam takin a na a sep sak u a, a masang achun a singa sing tamtak a ding u a; vaihawmna a hung kipan ta a, lehkhabute chuh phetin a um ta a.

DANIEL 7:10 ပူးပေါင်းရင်းမြစ်များ

ISAI 30:27

Ngaitie! Lalpa thilhih theihna leh a lungnat na mei khu kitung chuh gamla tak apat in a hung hi! A mûk chuh lung-awihlohna’n a dima, a lei chuh mei guola mi katum thei ahi.

DAN NIHNA 33:2

Sinai apat in Lalpa chuh a hunga, Seir apat in a hung suok hi a chung u ah ni guolin, Paran tâng apat in a hung eng dawka, Mithiengtho a sing a simte tawh a hung; A khut changlam ah amau dingin dân meikuong chawi kawmin.

THUPHUON 5:11

Chun, ka vak et kit leh, lalchutphah leh, ganhing lite leh upate kimvel achun, vânsâwlchâk sang tamtak aw hi ka vak za a! Amau haw chuh lalchutphah kimvel leh, ganhing lite leh upate kimvel achun a dinguh a,

SAM LEHKHABU THE PSALMS 50:3

I Pathien u chu hung intin khaw ngai zing puo’n a: A masang achun katum sek mei a um a, A kimvel achun huihpi nasatak nung ina.

SAM LEHKHABU THE PSALMS 68:17

Pathien kangtalai haw chu a sing a singa, a sanga sang tamtak ahi, Lalpa chuh Sinai tâng apat in a mun thiengtho ah a hunglut hi.

JUDA 1:14

Chun, ziete kawm achun, Adam a thâk a khang sagihna Enok chun, hun sawttak apat in a chanchin uh chuh a na genlawk ahi tai,

MATTHAI 25:31

“Mihiem Chapa hi leng guola a vânsâwlchâkte tawh a lopina a kithuoma a hung tieng leh, a lopina chutphah chungah chu’n tin, a ma achun namtin kikhawm un au.

ISAI 30:33

Tuma lam apat in Asuria leng meia hâlna ding chuh guonggalh khawlsa a hi ta ngâl a. Thuk tak leh lien tak leh, thing kisieh vum velvul a hi a. Lalpa’n zie hâlna ding chun a kawm apat in mei thahdawk in a.

1 LENGTE 22:19

Chun, Mikaiah chun, “Zieziekchun Lalpa thu hi ngaitha tie, Lalpa chu a lalchutphah a chu ka mu a, van a mipi chengcheng, a changlam leh a veilam a ding te tawh.

DANIEL 7:22

Ziephet chun, kumlekhuo a hing zing pa chuh a hung a, vaihawmna chuh Chungnung pên pa mi thiengthote kawma piek a hih thu leh, Pathien mite chun lalgam thuneihna a chan hun uh a hungtunna thu chuh a phuong ta a.

HEBRAI 12:22

Nang haw vang, Zion tâng leh, Pathien hing khawpi, Angel sang tamtak te umna a chuh hung na hi zaw ngâl u a.

ZEKARIA 14:5

Chun, tâng kikala phaicham achun taimang in na tin uh, tâng kikala phaicham chun Azel vak sun ahi ngâla; ahi, Juda leng Uzziah lal laia inling a na taih bang u khan taimang un lau. Chun, Lalpa ka Pathien chuh hung in tin, a mi thiengthote cheng tawh hung kitawn ding ahiu hi.

DANIEL 7:26

Himahleh, vaihawmna hung um intin, a thuneihna chuh sukmang a suksiet den dingin lâkmang in um ina.

HEBRAI 1:14

Amau haw chuh thagau, Pathien nasem leh, hukdamna goluoh dinga a sawl dawkte chuh ahiu hi.

THUPHUON 11:18

Namte chuh lungnatna’n a dim tau a, Na lungnatna ni a hungtun tâk ziek leh, Mithi te chunga vaihawmna ni a hungtun tâk ziekin. Na sawntawlawi, na thiemgaute kipahman leh, nang hun ho, na mite chengcheng, a lien a neute kawma kipahman piek ni a hungtung ta ngâl a. Leisiet sumangthaite sukmangthaina ding hun le a hungtun ta ngâl a,” ti’n, Pathien a ho uh a.

2 KHANGTHUBU 18:18

Mikaiah chun a gen zawm a, “Tuhin Lalpa thugen hi ngaithau in! Lalpa chu a lalchutphah a chu a, van mipi chengcheng a sika ding le ka mui.

SAM LEHKHABU THE PSALMS 18:8

A nak apat chun meikhu a zam to a, A kam a pawt mei chun a katum ta a, Amah apat chun mei haw le a kuong puotpuot ta mai a.

DANIEL 12:1

“Chun, zie phat chuleh na mipite panpih sek, vânsâwlchâk lopi tak Mikael chuh hung kilang intin; chun, buoina hun, nam um tung apat a zie hun chana chule um kha ngeilo chuh hung um ina. Chun, zie hun chuleh namte laka na mite, a min uh lehkhabu a chuong taphawtte chuh hukdam in um un au.

JOB LEHKHABU THE BOOK OF JOB 25:3

A sepaih hawn chuh simsen ding guol ahim? Kuo chung ahi vakin a salh khak loh?

SAM LEHKHABU THE PSALMS 103:21

A sepaihte haw, a deihlam hih sek, a nasemte haw, Lalpa chuh pakchau in.