DANIEL 6:26 - PATHIEN LEKHABU THIENGTHO (BSI)

²⁶ Ka gam awpna sunga mite chengcheng hin Daniel Pathien chuh lau in kilîng u hen, ti’n thupiek ka bawl ahi. “Amah chuh Pathien hing ahi a, kumlekhuo’n vaihawm intin. A lenggam chuh suksiet hi ngêi ta puo’n tin, a thilhih theihna chun tâwp nei ta puo’n a.

DANIEL 6:26 ပူးပေါင်းရင်းမြစ်များ

DANIEL 4:34

Chun, zie nite chuh a hung tawp phet chun, kei Nebuknezar in van lam ka vak en to a, tichun ka lungthim ngeina chuh ka hun pu kit ta a. Chungnung pên Pathien chuh ka pakcha a, limbawlna leh lopina chuh kumlekhuo a Hing zing pa kawm achun ka pie ta a. “Amah chun kumlekhuo’n vaihawm intin, a gam in tâwp tik ni nei puo’n a.

LUKE 1:33

Jakob suonte chungah kumkhuotuong in lal intin, a gam in tâwp ni nei ta puo’n a,” a ti a.

DANIEL 7:14

A kawm achun thuneihnate, lopinate, leh leng thilhih theihnate chuh piek ahi a, mitin te, namtin te, leh pautin te chun a na sep sak un au. A thuneihna chuh kumlekhuo’n um in tin, bei ngei talo ding ahi a, lalgam chun tawp ni neita puo’n a.

DANIEL 4:3

“Pathien in thilmak ei etsak te chuh a nasa na e! A lalgam chuh kumkhawtuong lalgam ahi a; Kumlekhuo’n Pathien chuh leng in chu’n tin; kumsawt in vaihawm in a.

DANIEL 3:29

“Zieziekchun mitin, namtin, pau tin in, Shadrak, Meshak leh Abednego te Pathien chunga thu phalo gen taphawt chuh sat nêl hiu intin, a inteu chuh thilsie kawihkhâwm tawbanga siem in um un au tin thupiek ka siem ahi: zie tawbanga hukdawk thei pathien dang mawng mawng a um puoh ngâl a,” a ti a.

DANIEL 2:44

Chun, zie lengte nihaw achun lalgam hun tungdawk in tin, zie chuh sie ngei ta puo’n tin, a lalna le midang a ding a nutsieh hi puo’n a. Zie lalgam chengcheng hi hihgawp in, hih mang zaw’n tin, kumkhuo’n ding zing ina.

SAM LEHKHABU THE PSALMS 29:10

Lalpa chuh tuilien chungah lal in a chu a, Ahi, Lalpa chuh kumkhuo a dingin LAL in a chu a.

SAM LEHKHABU THE PSALMS 2:11

Kihcha kawmin Lalpa na sem unla, Ling kawm in kipâk un.

THUPHUON 11:15

Chun vânsâwlchâk sagihna chun a pengkun chuh a vak mût a, tichun, van apat in aw ngeih tak in, “Khawvel gam hih I Lalpau leh Krista gam a hung hi tai, amah chun kumkhuotuong in vaihawm ina!” a hun ti a.

ROME 9:26

Chun, tihi hung hi’n tin, a kawm u ah, ‘Ka mite na hi puou hi,’ a tihna mun ngeia chun Pathien hing chate vawh in um un au,” tih zik guol khan.

MALAKI 3:6

“Kei Lalpa hi ka kitheng ngei puoh a, zieziekchun nanguh, Aw Jakob chate haw, sukmangthai a umlo na hiu hi!

HOSEA 1:10

Himahlele, Israel chate chuh tuisuohgiet pîlnel banga tamin simsenloh leh teh theih loh a tam hung hin au. Tichun, Pathien in a kawm u ah, “Ka mite na hi puou hi,” a tihna mun ngêi a chun “Pathien hing chate na hiu ui tih ni hungtung in a,” ti’n.

DANIEL 7:27

Tichun, lei chunga lalgam chengcheng thuneihna leh lopina chuh, Chungnung pên pa Pathien mite kawma chuh piek hi ta’n a. A lalgam chuh tâwp ta puo’n tin, lei chunga vaihawmte chengcheng in a nau sep sak un tin, a thuu zawp ta’n au.” ti’n.

JEREMIA 10:10

Himahleh, Lalpa chauh Pathien dik ahi a, Pathien hing, kumlekhuo a lal ahi. A lungnat ni’n lei a kilîng a; Namte chun na lungnatna a thuok zo puou hi.

THUPHUON 5:14

Chun, ganhing lite chun, “Amen,” a tiu a. Upate chun le khupbawk in a ho uh a.

THUPHUON 4:10

Upa sawmnih le lite chun, lalchutphah a chu, kumkhawtuong a hingzingpa masanga chuh bawkkhup in, a ho sek uh a. A lallukhukteu chuh lalchutphah âng a chuh kawih in,

JAKOB 1:17

Thilpiek pha leh bukim chengcheng chuh, chunglam apat ahi. Pa vaka hung tha suk ahi a, amah achun lamdanna leh kiheina lim himhim a um thei puoi.

HEBRAI 12:29

Aziek chuh, I Pathien uh hi mi kâktum nuom mei ahi ngâl a.

MATTHAI 6:13

Thepna ah ei puilut ki’n la, Gitloh apat in ei hukdam zaw’n; Gam leh, thilhih theihna leh, lopina chuh, Kumsawt in nanga ahi ngâl a. Amen.’

DANIEL 6:20

Chun, Daniel umna kul a tun phet chun kahpau kawmin a vak sama, “Aw Daniel, Pathien hing suokpa, na Pathien a na nasep zing chun sakeibaknei kul apat chun a hun hukdawk thei nam?” a ti a.

ISAI 9:7

A gam lien zel intin, a vaihawmna leh chamna chun tâwp tik ni nei puo’n a. David lalchutphah leh a lalgam ah chu’n tin, bawt dawk ding leh sudet dingin diktak leh kitûp takin vaihawm ina, tu apat kumlekhuo’n, Sepaihte Lalpa phatchuomngaihna chun zie chuh hih ina.

SAM LEHKHABU THE PSALMS 146:10

Lalpa chun kumlekhuo’n vaihawm intin, Aw Zion, na Pathien chuh khang chengcheng chan in Lal in a chu a. Lalpa chuh pakchau in.

SAM LEHKHABU THE PSALMS 119:120

Ka phehlevo hi nangmah kihcha’n a kilîng a; Na vaihawmna chu ka lau ngâl a.

1 SAMUEL 17:36

Na suok hin sakeibaknei leh savawm a that kha gêl gêl ta a: chun, zie zektan loh Philistia pa hi le amau chu bang zieng lo ding ahim, Pathien hing sepaihte a cho ngâla,” a ti a.

1 SAMUEL 17:26

Chun, David chun a kienga dingte kawm achun, “Zie Philistia pa that a Israel te minsietna lamang pa ding chun bang hihsak ahi dem? Zie zektan loh Philistia pa hi kuo ahim, hingzing Pathien sepaihte a vak cho viel a?” a ti a.

DAN NIHNA 5:26

Taksa nei taphawt mei apat a Pathien hing aw I het guol u a he a, hing nalai kuo a um?

1 THESSALONIKA 1:9

Mipite haw chun, nang haw ka hung vehthak lai a nei na lawp dân u leh, Pathien hing leh diktak ho dinga, milim pathien apat na kihei kit danteu leh,

NASEPTE 17:25

Thil tasam guolin, mihiem khuta zenviel inle a um puoh a, amah ngêi chuh thil chengcheng hinna te, hatna te, leh, mitin kawma thil chengcheng piepa ahi zawi.

LUKE 12:5

Amahvang chuh, na lauh ding pên u chuh hun hilhkhawl ing ka: a thah nung ale, gawtmun a paih lut theihna ding thuneihna neipa chuh lau un, ka hilh na hiu hi, amah chuh na lauh dinguh ahi.

ISAI 66:2

Zie thil haw cheng hi keimah khut ngeia ka siem ahi a! tichun, keia ahi tau hi, Lalpa’n a tii. Himahleh, mi gimthei, thagau a kisik tuntun leh ka thu a kithing sek te lam chuh en zawng ka.

EZRA 1:3

Na lak u ah amah mite kuo a um em? Na lak u a Amah mite kieng achun Lalpa um hen! Tichun, Juda gama Jerusalem ah chieh to hen la, Jerusalem achun Lalpa Israel Pathien In ding sa hen. Amah chuh Pathien ahi ngâla.

EZRA 7:21

“Chun, kei Artazerzias ngêi in luigal leh lama sum enkawlte âwm ah thu ka pie ta a; khutichun, thiempu Ezra, van Pathien Dan lehkhazik pa’n nanguh kawma a nget cheng chuh kin taka na hih zel dinguh hi.

SAM LEHKHABU THE PSALMS 42:2

Ka hinna hi Pathien utcha’n, Pathien hing utcha’n a ha huoi huoi hi: Bangtik ahi die Pathien ma a ka tun a, ka va kilat ding?