DANIEL 6:23 - PATHIEN LEKHABU THIENGTHO (BSI)

²³ Ziephet chun leng chuh a kipâk ta mah mah a, Daniel chuh sakeikul apat a lâkdawk ding thu a pie ta a. Tichun Daniel chuh sakeikul apat chun a ladawk u a; Pathien a taksan ziekin suknat in a um puoi tih a mu tau a.

DANIEL 6:23 ပူးပေါင်းရင်းမြစ်များ

1 KHANGTHUBU 5:20

Pathien achun a ginnau a ngau a, a kawma chun panpihna a ngên u a, tichun, Pathien in a ngetnau chu a dâwng a, Hagri te leh a kithuohpihteu chunga chun zawhna a pie ta a.

DANIEL 3:25

Leng chun, “En tiem u, mi li kikantawm lo a mei laka vak vielviel, na sa lo hielin ka mu a; a lina pên kilat dân chuh Pathiente Chapa lim tawbang mai in ka mui,” a ti a.

MARK 9:23

Isu’n a kawmah, “Nangmah ngêi in na taksan theih chun, a taksangte ding chun thil chengcheng hithei ahi,” a ti a.

DANIEL 6:18

Khutichun leng chuh a In achun a chieh kit ta a, zan khuo’n an a ngawl a, ipmu lo in, lungthim sukipak ding thil githei lam himhim a hih puoh a.

ISAI 26:3

Lalpa, na chunga lungthim ngate chuh, nangmah a hun ginchak ziekin, lungmuong taka um dingin veng in la.

THUCHINGTE 18:10

Lalpa min chuh kulhpi dettak a hi a, mi diktat chuh a tailut a a bit sek hi.

SAM LEHKHABU THE PSALMS 37:40

Lalpa’n amau chuh a panpih a humbit sek hi, Amah a chuh a puklut ziekun, Mi nunsie lak achun humbit in a hukdam sek hi.

2 KHANGTHUBU 20:20

A zingkal kit matak chun, mipite chu Tekeo gammâng achun a chieh u a. A kipatdawk lai u chun, Jehoshaphat chun zie thu hin a na hopih a; “Juda leh Jerusalem a mite haw, Lalpa na Pathien uh chung a chun na ginnau ngau inla, dettak in dingun. A thiemgau in a hun hilh chu gingchau inla, lawhting ding na hiu ui,” tin.

HEBRAI 11:33

Ziete haw chun Taksanna ziekin gam bang a lau a. diktat takin thil a hih uh a, thutiem haw chuh a chang u a, sakeibaknei kha haw le a sukchih sak uh a.

DANIEL 6:14

Chun, leng chun zie thu haw chuh a zak in khawk a sa mah mah a, Daniel chuh hukdawk a guo hâm ta a, hukdawk guo chun ni tum chanin a buoipih ta a.

1 LENGTE 5:7

Chun, Hiram in Solomon thu gen a na zak chun a kipâk ta mah mah mai a, “Zie mi tamtak chunga vaihawm dinga chapa pil tak David piepa Lalpa chu pahchak in um hen,” a ti a.

PAWTDAWKNA 18:9

Lalpa’n Israel te chuh Aigupta te lak apat a hukdawk a, amau haw thil a na hihsak zie leh, a chung u a a phatna haw chengcheng ziek chun Jethro chuh a kipâk mah mah mai a.

DANIEL 3:17

Ka Pathien uh, a na ka sep sek u chun hâltuina meipi apat in ei hukdawk thei ngâla, na khut apat inle, Aw lengpa, ei hukdawk mai ina. hâltuina mei apat in le ei hukdawk tei in a.

SAM LEHKHABU THE PSALMS 18:21

Lalpa lampi chuh ka hawh a, ka Pathien kawm apat in gilo takin ka chieh mang ngei puoh ngâla.