DANIEL 6:22 - PATHIEN LEKHABU THIENGTHO (BSI)

²² ka Pathien chun a vânsâwlchâk a hun sawl a; sakeibaknei kamte chuh a suchih a, bangmah ei lawh puou hi. A mitmuh achun mawhna neilo leh nang chunga le, Aw lengpa, bangmah hihkhelh ka nei puoi, tih a he a ahi,” a ti a.

DANIEL 6:22 ပူးပေါင်းရင်းမြစ်များ

2 TIMOTHE 4:17

Chanchin Pha kei zieka gen kima a um theihna’n leh, Jentel te chengcheng chun a zak theihna dingun, Lalpa chun ei hum a, ei sukhat zawk ahi a, chun, sakeibaknei kama um kha hukdawk in ka hung um zaw ahi tai.

HEBRAI 11:33

Ziete haw chun Taksanna ziekin gam bang a lau a. diktat takin thil a hih uh a, thutiem haw chuh a chang u a, sakeibaknei kha haw le a sukchih sak uh a.

NASEPTE 12:11

Chun, Peter chun a halh phetin, “Lalpa’n a vânsâwlchâk a sawl dawk a, Herod khuta um leh, Juda mite kinepna chengcheng apat ei hukdawk tai tih tuhin, dik takin ka he tai,” a ti a.

NASEPTE 24:16

Khutichun, Pathien masang leh mihiemte masangah, sie leh pha hetna thieng taka um ka guo mawng mawng sek ahi.

SAM LEHKHABU THE PSALMS 84:11

Lalpa Pathien chuh nisa leh phaw ahi ngâla: Amah chun deihsakna leh zahna pien tin: Diktaka umte kawm a chun thilpha mawng mawng it hiel puo’n a.

MIKA 7:7

Himahleh, ken vang chuh Lalpa lam en ing ka ting, ka hukdamna Pathien chuh ngak ing ka. Ka Pathien chun ei ngaitha ding ahi ngâl a.

DANIEL 3:28

Chun, leng Nebuknezar chun thu a gen a, “Shadrak, Meshak leh Abednego te Pathien chuh pahchak in um hen: Amah chun a vânsâwlchâk a hun sawl a, a suokte, amah taksang leh nasemte chu a hukdawk a; zie mite hin a Pathien uh tihloh chuh pathien dang mawngmawng na a sep loh u a, chibai a bûk lohna dingun leng thupiek nasan le khawksa lo in amau hinna a pie ngam uh ahi.

SAM LEHKHABU THE PSALMS 31:14

Himahlele, Aw Lalpa nang ka hun gingcha ngâla: “Ka Pathien na hi,” ka ti a.

1 SAMUEL 17:37

Chun, David chun, “Sakeibaknei khut apat leh savawm khut apat ei hukdawkpa Lalpa chun zie Philistia pa khut apat hin ei hukdawk ina,” a ti a. Chun, Saul chun David kawmah, “Chieh ta leh, Lalpa’n hun umpih hen,” a ti a.

KISIMNA 20:16

Tichun Lalpa ka sam u a, ka kiko aw teu chuh a na za a, a van sawlchak a hun sawl a, Aigupta gam apat in ei puidawk a, Tuhin na gam tawppen a Kadesh a hin ka um tau hi,

NASEPTE 27:23

Amah a ka hi a, a na ka sep sek Pathien vânsâwlchâk khat chuh tuzan khan ka kieng ah a hung ding a,

DANIEL 6:23

Ziephet chun leng chuh a kipâk ta mah mah a, Daniel chuh sakeikul apat a lâkdawk ding thu a pie ta a. Tichun Daniel chuh sakeikul apat chun a ladawk u a; Pathien a taksan ziekin suknat in a um puoi tih a mu tau a.

ISAI 63:9

A lungkhamna chengcheng u achun amah chule a lungzîng seka, a masanga um Vânsâwlchâk chun amau chuh a hukdawk seka; a hehpihna leh a zahngaihna chun a tandawk ta a, a masang hun lai cheng khan amau chuh a puoh a, a pawm sek hi.

ISAI 3:10

Mi diktat ding chun thil hung pha ding ahi a, a sep dawk gahteu chuh ne ding ahi ngâl u a.

SAM LEHKHABU THE PSALMS 118:28

Nang chuh ka Pathien na hi a, kipahthu hun hilh ing ka ting: Ka Pathien na hi a, hun limbawl ing ka.

SAM LEHKHABU THE PSALMS 38:21

Aw Lalpa ei taihsan hiel ki’n la: Aw ka Pathien, ei gamlat hiel ki’n.

SAM LEHKHABU THE PSALMS 34:7

A mah kihchate chuh, a kimvel u ah Lalpa vânsâwlchâk chun a umpih a, A hukdawk sek hi.

2 KHANGTHUBU 32:21

Lalpa’n van sawlchak a sawl a, zie chun Asuria lengpa giehna mun a mihat hangsan chengcheng te, mapui lawiupa te chu a that a. Tichun zakcha tak melpu’n a gam lam ah a vaikit tai. Ni khat chu a pathien in a a va chieh lai in amah chate ngêi in chemzâm in a na that tau hi.

DANIEL 6:20

Chun, Daniel umna kul a tun phet chun kahpau kawmin a vak sama, “Aw Daniel, Pathien hing suokpa, na Pathien a na nasep zing chun sakeibaknei kul apat chun a hun hukdawk thei nam?” a ti a.

2 SAMUEL 22:7

Ka lungzîn in Lalpa chu ka sam sek a, ahi ka Pathien chu ka uou sek: Chun, amah chun a Ho-In apat chun ka aw a za a, Chun, ka uou thawm chu a bil ah a lut ta a.

2 KORINTH 1:12

Ka kipahna pên u chuh, zie khawvel a ka hindan u leh, nang haw tawh I kizawpnau hi, Pathien apat a, thieng tak leh dikna leh; mihing chitna hilo in, Pathien hehpihna thilhih theihna ahi tih, ka sie leh pha hetnau hin ei hetpihna hi ahi.

MATTHAI 27:46

Vaimim huonphat vel chun Isu chuh, “Eli, Eli, lama sabakthani,” ti’n ngeih tak in a hung kiko a, zie chuh, “Ka Pathien, ka Pathien bang dinga ei taihsan na hi?” tihna ahi.

SAM LEHKHABU THE PSALMS 26:6

Ka khut haw hi demna bei in sil ing ka ting, Tichun, Aw Lalpa, na maichâm chu kimvel ing ka:

1 SAMUEL 26:18

Chun, “Bang zieka ka lalpa’n na suok kei hi nei delh delh zieng ahim? Bang thil a ka hih? Bang thil phalo ka bawla ahi?

THILSIEMBUL 40:15

Hebraite gama pata mi’n a gûka ei gûk mang uh ka hi a, zie gam ahin le suongkul a ei khumna ding khawp un bangmah ka hihkhiel diek puoi,” a ti a.

HEBRAI 1:14

Amau haw chuh thagau, Pathien nasem leh, hukdamna goluoh dinga a sawl dawkte chuh ahiu hi.

JEREMIA 37:18

Jeremia’n leng Zedekia kawm achun, “Na mite, na suokte leh nang mah zakdah ding bang thil ka hih a suongkul a nei khum ahi?” ti’n a dawng a.

DANIEL 6:4

Tichun, lawiupa dangte leh thuneitu dangte chun Daniel chunga thiem lohna ding chu a hawl tau a. Himahleh a thiemlohna ding himhim a mu thei puou a, a diklohna le a mu thei diek puou ui. A ginum mah mah ziekin amah achun sukkhelh ahim, diklohna ahim muh ding a um puoh ngâl a.

1 LENGTE 13:28

Chun, a chieh ta a, lampi a luong paih thak a um leh, sabiltung leh sakeibaknei a luong kawma ding zing chuh a va mu a. Sakeibaknei chun mithi luong chu a ne puoh a, sabiltung chule a that diek puoi.

DANIEL 6:7

Lenggam lawiupate, vaipawte leh thuneite, lemguotte leh gam pawte chengcheng chuh ni sawmthum sunga, aw lengpa, nangmah kawm tih loh achun pathien ahim, mihing ahim, kawma ngetna nei taphawt chuh sakeibaknei kul a paih ding ahi tin leng hin dân siem in khap chak kêi hen, ti’n a gen u a.