DANIEL 6:16 - PATHIEN LEKHABU THIENGTHO (BSI)

¹⁶ Ziephet chun leng chun thu a pie ta a, Daniel chuh a hun pui u a, sakeibaknei kul achun a paih lut tau a. Leng chun Daniel kawmah, “Na Pathien, a na nasep zing sek pa chun hun hukdawk hen,” ti’n a gen a.

DANIEL 6:16 ပူးပေါင်းရင်းမြစ်များ

2 SAMUEL 3:39

Lenga thau nuh himahleng, tuni hin thahatna ka neilo ahi; zie mi haw, Zeruiah chapate hi kei dingin thuok a haksa taluou hi: Lalpa’n thil phalo hihte chu a gitloh dân bang zel un dinthuk hen,” a ti a.

JOB LEHKHABU THE BOOK OF JOB 5:19

Buoina gup ah hun hukdawk intin, Ahi, sagih ah, thil phalo mawng mawng in hun sukha ta puo’n a.

THUCHINGTE 29:25

Mihingte lauhna hi thâng tawbang ahi a, himahleh, Lalpa a ginna ngate vang chuh bit in au.

ISAI 41:10

Lau kiu unla, na kawm u ah ka um zing hi! Na Pathien uh ka hi a, lungkie kiu inla, bangmân hun hihlau kihe’n. Hun suhat ing ka ting, ahi hun panpih ing ka.

ISAI 43:2

Tuite na palkaih tieng u leh, kei na kawm u ah um ing ka ting; luipite na palkaih tieng uh lele, na buoinau chun hun chup puo’n a. Mei a na chiehpai tieng u lele, hun katum puo’n tin, meikuong in hun ka diek puo’n a.

JEREMIA 26:14

Kei chun, ngai un, na khut u a um ka hi a, dik leh pha na sak bangun ka chungah hin hih mai un.

JEREMIA 38:5

Tichun, leng Zedekia chun, “Ngaitiem u, amah chuh na khut u ah a um a puo; leng in nang haw deihloh lam bangmah a hih ding ahi puoi,” a ti a.

JEREMIA 38:6

Tichun, amau haw chun Jeremia chuh a pui u a. Hemmelek chapa Malkia in huongsung a leikawhawm sung achun a paih lut tau a; khauhuol in a khaithau a, leikawhawm sung thim achun tui a um puoh a, buonthuok in a dim a, Jeremia chuh buonthuok lak achun a um ta a.

JEREMIA 39:17

Zie ni chun nang chuh hun hukdawk ing ka, tih hi Lalpa kamsuok ahi. Na kihchakte khut achun le hun pie lo ding ka hi. ti’n.

DANIEL 3:15

Tuhin, pengkunte, châmngaite, kingkangte, gawsemte, bajate, pekgitte, leh thil githei tincheng na zak tiengu leh bawkkhup a ka milim siem chibai na bûk u chun phan tin: chibai na bûk loh uh le vang chuh zie hun mah mah chun hâltuina meipi a paih lut hi’n lau: ka khut apat nang haw hun hukdawk thei ding pathien dang um dingin na gingchau em?” a ti a.

DANIEL 3:17

Ka Pathien uh, a na ka sep sek u chun hâltuina meipi apat in ei hukdawk thei ngâla, na khut apat inle, Aw lengpa, ei hukdawk mai ina. hâltuina mei apat in le ei hukdawk tei in a.

DANIEL 3:28

Chun, leng Nebuknezar chun thu a gen a, “Shadrak, Meshak leh Abednego te Pathien chuh pahchak in um hen: Amah chun a vânsâwlchâk a hun sawl a, a suokte, amah taksang leh nasemte chu a hukdawk a; zie mite hin a Pathien uh tihloh chuh pathien dang mawngmawng na a sep loh u a, chibai a bûk lohna dingun leng thupiek nasan le khawksa lo in amau hinna a pie ngam uh ahi.

DANIEL 6:20

Chun, Daniel umna kul a tun phet chun kahpau kawmin a vak sama, “Aw Daniel, Pathien hing suokpa, na Pathien a na nasep zing chun sakeibaknei kul apat chun a hun hukdawk thei nam?” a ti a.

DANIEL 6:7

Lenggam lawiupate, vaipawte leh thuneite, lemguotte leh gam pawte chengcheng chuh ni sawmthum sunga, aw lengpa, nangmah kawm tih loh achun pathien ahim, mihing ahim, kawma ngetna nei taphawt chuh sakeibaknei kul a paih ding ahi tin leng hin dân siem in khap chak kêi hen, ti’n a gen u a.

NASEPTE 24:27

Himahleh, kum nih a kivel nung in, Porkias Festas chun Felix chuh a theng dawk ta a; chun, Felix chun, Judate laka min phat a nawp ziekin, Paul chuh kansa’n a nusieh ta a.

NASEPTE 25:11

Migilo ka hih a, thihna kham hiel, thil bawl ka hih chun, thih le ka niel puoi; himahlele, ziete haw ei hêkna thu hi, thudik bangmah a um loh chun, kuoma’n a khut u ah ei pie lut thei puo’n au. Kaisar kawmah tun ing ka,” a ti a.

NASEPTE 25:9

Himahlele, Festas chun, Judate laka minphat a nuom a, Paul kawm achun, “Jerusalem khuo a va chieh a, taka chuh ka maa zie thu haw hi va tan na nuom hi?” a ti a, a dâwng a.

ROME 13:3

Vaihawmte chuh thilpha hihte dingin lauh-um ahi puou a; thil phalo hihte dingin vang chuh lauh-um ahiu hi. A hih leh, vaihawmtu lau lo a um na nuom em? Thil pha hih leh chin a pahchak uh lawh inla;

2 KORINTH 1:10

Zie Pathien chun, khutibang thihna ding, lauhthawng-um, tizat-um tak lak apat chun ei hukdawk ta a; ei hukdawk kit intin; amah a ginna I ngak ziek u chun, ei hukdawk kit zel ding ahi;