DANIEL 5:7 - PATHIEN LEKHABU THIENGTHO (BSI)

⁷ Leng chun, “Phunsân thiem te, Babulon mite, aksi lam chanchin hete hun pui un,” ti’n ngeih tak in a kiko a. A hung phet un leng chun Babulon miching te kawm achun, “Kuole, zie lehkhazik hi sim a, a hilhchetna ei etsak chuh puonsandup silh sak hi’n tin, a ngâwng ah limbawlna sana khi awh sak hi’n a, chuleh, lenggam a vaihawm thum te laka khatin pang in a,” ti’n a gen a.

DANIEL 5:7 ပူးပေါင်းရင်းမြစ်များ

THILSIEMBUL 41:8

Zingkal chun hiti hi ahi a, a lungthim chuh a lungkham mah mah ta a; tichun mi a sawl a, Aigupta gama mitvaidawi thiem chengcheng leh mipil chengcheng chu a sama: Pharaoh chun a mang chu amau haw a hilh ta a; himahlele Pharaoh hilhchien thei kuomah a um ta puou hi.

ESTHER 3:1

Zie thil haw nung chun, leng Ahasuer chun, Agag mi, Hamedatha chapa Haman chuh a kaihsan sak a, a chawisanga, a miliente chengcheng sang in a chungnun sak a.

PAWTDAWKNA 7:11

Khutichun, Pharaoh chun le mipil haw leh dawithiemte chuh a sama: chun, Aigupta gama mitvaidawi thiem haw chun le, a dawi u chun a hun hih u a.

THUCHINGTE 1:9

Na luchang a ding chun pakchakhi hawihtak hi’n tin, Na ngâwng kimvela chun khi bangin âwk in.

SOLOMON LA 1:10

Na bienga sana bilbah kikhai leh na ngâwng a sana khi awh chun ahun suhawih na e!

ISAI 47:13

Thuhilhna na chuh na chimchâk a, thilhih theihna bei hi’n na tin; Aksi chanchin hete chuh hung u hen la, hun hukdam u hen! Aksi umdante zil a, vaulam thilte lehdawk a, tha tina thil hungtung dingte genlawk sekte gei chuh!

JEREMIA 50:35

“Kaldai te chungah chemzâm a leng hi, Babulon a cheng te, a milien u leh a miching teu chung ale, tih hi Lalpa kamsuok ahi.

EZEKIEL 16:11

Kicheina’n ka hun zem a, na khut ah chaucha ka hun buh saka, na ngâwng ah sana khi ka hun awh saka,

DANIEL 1:20

Chun, leng in thil chenga chitna leh hetthiemna thu tin chengte a vak dawt chun, a gamsung pumpi a mitvaidawi thiem leh phunsân-thiemte cheng sang chun a zie mi lite hi a leh sawm in a thiem zawu hi tih a mudawk ta a.

DANIEL 1:4

amau chuh tanglak demna bei, melhawih tak, chitna tincheng a lemhe, hetna lama pilval, thilbul sutthiem, leng In a tawihdan thiem sinsak dingin,

DANIEL 2:2

Tichun, lengpa chun mitvaidawi thiemte, phunsân thiemte; dawithiemte Kaldai mite a mang chuh amah hilh dinga sap ding thu a pie a. Tichun a hung khawm u a, leng masang achun a hung ding tau a.

DANIEL 2:27

Daniel chun leng chuh a dâwng a, a kawmah, “Thil kisel, leng in het a nawp chuh miching te, phunsân-thiemte, mitvaidawi thiemte, aksi lam chanchin hete chun leng kawmah a etsak thei puoh ngâl u a:

DANIEL 2:48

Tichun leng chun Daniel chuh limbawlna sang tak a pie a, thilpiek lopi tamtak le a pie a; Babulon gam pumpi a vaihawm ding leh, Babulon miching te chengcheng chunga lawiupa hi dingin a siem ta a.

DANIEL 2:6

Mang leh a umzie chuh nei hilhchet theih u chun ka kawm apat kipahman leh limbawlna lopi tak mun lau: zieziekchun mang leh a umzie chuh ei hilh un,” a ti a.

DANIEL 4:14

Aw ngeih tak in, ‘Thing chuh phuk inla, a bâkte chuh heuh inla, a nahte chuh theuhtha’n la, a gahte chuh thehzak ah: a nuoi apat in gamsate chuh chiehmang u hen la, a bâk apat in chung leng vachate chuh leng mang u hen.

DANIEL 5:11

Na gama hin mi khat, amah a pathiente thagau umna a um a, na pa hun lai haw khan le pilnate, hetthiemnate, chitnate, pathiente chitna bang mai amah achun a um hi tih het ahi a; aw lengpa, leng Nebuknezar na pa ngêi chun mitvaidawi thiemte, aisânthiemte, Babulon mi, aksi lam thiemte lawiupa’n a siem a;

DANIEL 5:15

Tichun, zie lehkha kizik hi sim ding leh a umzie te ei hetsak dingin miching te, phunsân thiemte, ka masangah a hun puilut tau a; himahlele a umzie mudawk thei a um puou hi.

DANIEL 5:16

Nang chun thil kiselte umzie na he a, thil kiselte na hilhchien thei hi tih ka na zai,” a ti a.

DANIEL 5:29

Ziephet chun Belshazar chun thu a pie a, Daniel chuh puonsandup a silh sak u a, a ngâwng kimvel ah limbawlna sana khi a awh sak u a, tichun gamsung achun vaihawm thum te laka pang ding a hi ti a phuon in a um ta a.

KISIMNA 22:17

Mi zahum takin hun siem ing ka ting, ka kawma na gen taphawt chuh hih zel ing ka: zieziekchun, hung tei inla, zie mite hi hansie ei va buok sak tie,’ a tii,” a tiu a.

KISIMNA 22:7

Moab upate leh Midian upate chuh phunsân man ding chawi in a pawt tau a; Balaam kawm chuh a va tung u a; Balak thu vaithak chuh a hilh u a.

KISIMNA 24:11

Zieziekchun na umna lam ah chieh mang mai in: kipahman hun piek ding ka ngaihtuoh ahi a; himahlele, Lalpa’n ka hun piek ding a hun dal ta a hi hi,” a ti a.

1 SAMUEL 17:25

Chun, Israel te chun, “Zie mihing hung pawt pa kha na muu hi? Israel te cho dinga hung pawt ahi kha; kuole amah that taphawt chu lengpa’n nasa takin suhausa’n tin, a chanu pie’n tin, chun, a pa inkuon chu Israel gam ahin zalen takin umsak ina,” a tiu a.