DANIEL 5:23 - PATHIEN LEKHABU THIENGTHO (BSI)

²³ Van Lalpa chung achun na kikawihsang zaw ta a; a Ho-In a umlebelte chuh na masangah a hun chawi u a, zie chuh nang leh na miliente leh na ziteu leh na meiteu tawh uain dawnna’n na mang u a, dangkaguote, sanate, sumeng te, thikte, thingte, leh suonghaw a siem pathien, mu theilo, za theilo leh ngaitha thei lote chuh na limbawl zaw tau a. Pathien, na hin leh thih ding hun guonggalh sakpa leh na thilhih chengchenga hun enkawlpa chuh na zah ta puoh a.

DANIEL 5:23 ပူးပေါင်းရင်းမြစ်များ

THILSIEMBUL 14:19

Chun amah chun Abram chuh vang a pie a, a kawmah, “Lei leh van neipa Pathien Chungnung pên chun Abram chuh vang pie hen.

THILSIEMBUL 2:7

Chun, Lalpa Pathien in lei a leivui in mihiem a siem a, a nak achun hinna hu a halut a; tichun mihiem chuh mihing a hung hi ta a.

2 LENGTE 14:10

Tuhin, nang Amaziah, Edom te chu na zo a, na hung chapo ahi hi. Na minthanna achun lungkim takin um hiet hiet inla, In ah um hiet hiet in. Bang zieka, na mipite chung leh, nangmah ngêi chunga buoina chawktho zel na him?” a ti a.

JOB LEHKHABU THE BOOK OF JOB 12:10

A khut achun hinna nei chengcheng hinna a um a, Mihiemte hinna hile a khuta um ahi.

JOB LEHKHABU THE BOOK OF JOB 31:4

Ka lampite chuh mu’n, Ka kalsuon cheng hi a mu sek hilo ahim?

SAM LEHKHABU THE PSALMS 104:29

Na mai na sel tieng leh a lungkham sek u a; A hat uh chuh na lâksak tieng leh a thi sek u a, leivui a chun a kileh kit sek ui.

SAM LEHKHABU THE PSALMS 115:16

Van haw khu Lalpa vante ahi a; Lei chung vang hi chu mihiem chate a piek ahi.

SAM LEHKHABU THE PSALMS 139:3

Ka chieh leh ka kuol hi nei en gunchuh sek a, Ka umdan chengcheng hi na he suok kêi a.

SAM LEHKHABU THE PSALMS 146:4

A hat uh a beih tieng leh, amah chu lei achun a vaikit a; Zie ni mah mah chun a thil guonggalh haw chu a bei ngâl hi.

THUCHINGTE 20:24

Mihingte kalsuon cheng hi Lalpa guot ahi a, bangti’n I lampiu chuh I hechien thei ding u?

ISAI 13:11

Tichun, khawvel hi a gitlohnau ziekin gawt ing ka ting minunsiete chuh a manlohnau ziekin gawt ing ka; mi chapote pau uong chuh suhai ing ka ting, mi lauh-um uonna chule hihniem ing ka.

ISAI 14:13

Na lunggil chun la, van ah kalto ing ka ting, Pathien aksite chunglam akhun ka lalchutphah dawmsang ing ka ting kikhawpna tâng, mâl tawp pena um achun chu’ng ka ting;

ISAI 2:12

Sepaihte Lalpa chun mi chapote, kingaisangte leh mite chunga kikawih sang te chengcheng do na ding ni a guot tai.

ISAI 33:10

Lalpa chun, tuhin vang kipan ing ka ting, tuhin limbawl in um tang ka ting, tuhin limbawl in um tang ka.

ISAI 37:19

a pathienteu, pathien tak hilo, mihing khuta, thing leh suong a siemte chuh a hâltum sek hi tih hi thudik ahi a.

ISAI 37:23

Kuo ahi na sukminsiet a na gensiet chuh? Kuo chungah ahim na aw na suksan a na mit na chung hah? Israel Pathien Thiengtho chung ngêi ah ahi.

ISAI 42:5

Lalpa, Pathien vante siem a, a zak palh a; lei hi kaimalh a, a sunga um chengcheng te hinna piepa; a sunga vakvielte thagau pie pa chun hiti hin a gen hi.

JEREMIA 10:23

Aw Lalpa, mihing te lampi chuh amah thu ahi puoi tih ka he tai. A kalsuon sudik dingin mihing in amah hinna thunun theihna a nei puoi.

JEREMIA 48:26

“Moab chuh zu dâwn kham sak un, Lalpa kalh in a kichawisang ngâla; chun, Moab chuh amah luok lak ah kibuol intin; nuihzatbuk a um ding ahi.

JEREMIA 50:28

Lalpa I Pathien phuba a Ho-In phuba lak na ngêi chuh; Zion a phuong dinga Babulon apat a taidawk leh taimang haw thawm-gi chuh.

JEREMIA 50:29

“Babulon do dinga thal kap thiem, thalpi mang thiem chengcheng chuh samkhawm un: a kimvel ah bûk sau unla, kuomah pawtdawk kiu hen. A thilhih bang zel in din thuk un; a thilhihsa haw cheng chuh a chungah hih un; Lalpa, Israel mi thieng tho chuh a cho ngam ngâla.

EZEKIEL 28:17

Na hawihna zieka na lunggil hung chapo in, Na vak thieithuoina’n na chitna suchavai in, Leituol ah ka hun paih hi, Lengte hun etnawp dingin a masang u ah ka hun tâk dawk a.

EZEKIEL 28:2

“Mihing chapa, Tura lengte kawm achun gen in, Lalpa Pathien chun hiti hin a tii: Na lunggil a chapo a, Pathien ka hi a, tuipi laia pathiente chutna achun ka chûi, na ti a, ahihziekin mihing na hi zawa, Pathien na hi puoi, Pathien lungthim tawbang pu’n kingai mahleh chin le:

EZEKIEL 28:5

na chitna nasatak leh na sumkawlveina’n na hauhsakna na supung a, na hauhsak bêk ziekin na lunggil a hung chapo ta a;

EZEKIEL 31:10

Zieziekchun, Lalpa Pathien chun hiti hin a tii: A hung san mah mah a, thing dang cheng khela a zik a san zieka a lunggil in a sân dân chuh a chapo pih ziekin,

DANIEL 11:12

A gâlhât na ziek leh sepaih tamtak a thahna ziek chun kisuong mah mah intin, himahleh guolzawhna chuh chang den puo’n a.

DANIEL 4:37

“Tichun, kei Nebuknezar hin van Lengpa chuh ka pakcha ta a, ka chawisâng a, ka limbawl a; a thilhih chengte chuh a dik in a lampite chuh a kitûp ngâl a: kuole chapo taka thilhihte chuh a suniem thei ahi,” ka ti a!

DANIEL 8:11

A hi, zie a van a lawiupa um te tuk hiel chun a kikawihsang a, a kawma ni chenga kithawihna latte chuh a suktawp sak a. Ho-In chuh minsie takin a bawl ta a.

HABAKKUK 2:4

Ngaitie, kuole amah a thagau diklo chuh lawhsam in tin, himahleh, mi diktat chuh ginna’n hing ina.”

NASEPTE 17:25

Thil tasam guolin, mihiem khuta zenviel inle a um puoh a, amah ngêi chuh thil chengcheng hinna te, hatna te, leh, mitin kawma thil chengcheng piepa ahi zawi.

1 KORINTH 8:4

Chun, milimte kawma thillat nek thu achun: vannuoi ahin milim chuh bangmah ahih loh zieu leh, Pathien khat chauh a um hi tih I heu hi.

1 TIMOTHE 3:6

Taksanna lama mi piting tak hi ding ahi, khutilochun, kikaisak a, kiletsak in um intin, Diabol mawhchanna chuh chang kha’na.

HEBRAI 4:13

Thil kisiem, amah mitmuh a kilanglo bangmah a um puoi; I chanchin uh I tutna ding pau mitmuh achun, bangakai hi, ngawnchang leh kihawngsa a um ahi ngâl a.

THUPHUON 9:20

Chun, mihiem, zie gawtna a suklup mâwkte chun, thithate leh, sana milimte, dangka milim te, sumeng milimte, suong milim te, thing milim te, bangmah mu thei lote leh za theilo, chieh thei diek lote a ho tâk lohna dingun, amau haw khut mâwnga a thil siemteu chuh a tâng diek puou hi.

VAIHAWMTE 16:23

Tichun, Philistia milien haw chuh a pathien uh Dagon kawma kithawihna thupi tak a bawl ding leh kipâk taka um ding in a kikhawm u a “I pathien un I melmau Samson I khut u ah ei pie tai,” a tiu a.

1 SAMUEL 17:26

Chun, David chun a kienga dingte kawm achun, “Zie Philistia pa that a Israel te minsietna lamang pa ding chun bang hihsak ahi dem? Zie zektan loh Philistia pa hi kuo ahim, hingzing Pathien sepaihte a vak cho viel a?” a ti a.

1 SAMUEL 17:36

Na suok hin sakeibaknei leh savawm a that kha gêl gêl ta a: chun, zie zektan loh Philistia pa hi le amau chu bang zieng lo ding ahim, Pathien hing sepaihte a cho ngâla,” a ti a.