DANIEL 5:21 - PATHIEN LEKHABU THIENGTHO (BSI)

²¹ Tichun, mihingte lak apat in nawhdawk in a um a; a lungthim chuh gamsate a banga siem in a um a, a chênna chuh gam sabiltungte lak a hi ta a; bâwngchal guolin hampa a pet a, tichun gamlak achun a taksa lieh ding um lo in dâitui lak achun a kuol ta a. A tâwp chun, Pathien Chungnung pên pa chun mihingte lalna gam ahin vai a hawm a, a deihsak taphawt a luoh sak sek hi tih a hun he dawk ta a.

DANIEL 5:21 ပူးပေါင်းရင်းမြစ်များ

DANIEL 4:25

Chungnung pên pa chun mihingte lalna gam ah thu a nei a, a deihsak taphawtte a pie sek hi tih na het ma chengin, mihingte lak apat nawhdawkin um in na tin, gamsate lak ah um inla. Tichun, kum sagih sung bâwngchal banga hampa peh sak in um na tin, van daitui in hun chap chek ding ahi.

EZEKIEL 17:24

Chun, gamlaka thing tin chengte chun Kei Lalpa hin thing sang haw chuh ka suniem a, Thing niem haw chuh ka susang a, Thing hing haw chuh ka sugaw a, Thing gaw haw chuh ka kiduohsak ahi, tih he’n au; Kei Lalpa hin ka gen ta a, hih le hih buting ding ka hi,” a ti a.

DANIEL 4:35

Chun, leichung luoh cheng chengte hi bangmahlo a ngaih ahiu a; Vana vânsâwlchâkte leh lei chunga mi chengcheng hi, a thuneihna nuoia um vek ahi ngâl a. A thilhihte kuoma’n a nang thei puoh a, bangmah a gen thei diek puou hi.

DANIEL 4:17

Ziehi vânsâwlchâk, kigingsa leh kiguozo sa a hungsuk pa thutanna chuh ahi. Chungnung pên pa chun mihingte lalna gam chungah thu a nei a, a deihsak taphawt a pie a, mi nuoinung pente le gam chuh a luoh sak sek hi tih mihingte’n a hetna dinguh ahi,’ ti’n a kiko a.

DANIEL 4:37

“Tichun, kei Nebuknezar hin van Lengpa chuh ka pakcha ta a, ka chawisâng a, ka limbawl a; a thilhih chengte chuh a dik in a lampite chuh a kitûp ngâl a: kuole chapo taka thilhihte chuh a suniem thei ahi,” ka ti a!

JOB LEHKHABU THE BOOK OF JOB 39:5

Kuo a gam sabiltung zalen dinga sawldawk? Ahih loh leh sabiltung chan-gang takte chuh kuo a thahdawk sek?

DANIEL 4:34

Chun, zie nite chuh a hung tawp phet chun, kei Nebuknezar in van lam ka vak en to a, tichun ka lungthim ngeina chuh ka hun pu kit ta a. Chungnung pên Pathien chuh ka pakcha a, limbawlna leh lopina chuh kumlekhuo a Hing zing pa kawm achun ka pie ta a. “Amah chun kumlekhuo’n vaihawm intin, a gam in tâwp tik ni nei puo’n a.

DANIEL 5:18

“Aw lengpa, Pathien Chungnung pên pa chun na pa Nebuknezar chuh gamte, letnate, lopinate, leh lalnate a pie a.

DANIEL 4:14

Aw ngeih tak in, ‘Thing chuh phuk inla, a bâkte chuh heuh inla, a nahte chuh theuhtha’n la, a gahte chuh thehzak ah: a nuoi apat in gamsate chuh chiehmang u hen la, a bâk apat in chung leng vachate chuh leng mang u hen.

DANIEL 4:22

“Aw lengpa, nang hi na hi a; na hung khang a, na hung hât a, na lopina chuh a hung khang a, van a su hiel a, na thuneihna chuh kâwlmawng chan ahi ngâla.

DANIEL 4:26

Chuleh, vânsâwlchâk in thingbulsum hawih dinga thu a piek kha a umzie ziehi ahi: Pathien in khawvel pumpi chungah thu a nei hi tih na het tieng leh leng hihna hung chang kit inla.