DANIEL 5:20 - PATHIEN LEKHABU THIENGTHO (BSI)

²⁰ Himahleh, a lungthim a hung chapo a, a lungthim a hung kichunglap a, chapo takin a tawi ta a; zieziekchun a lalchutphah chuh hihniem in a um ta a, a lopina chuh lâksak a hi ta a.

DANIEL 5:20 ပူးပေါင်းရင်းမြစ်များ

HEBRAI 3:13

“Tuni,” a tih sung u hin, ni chengin kitîlkhoh tuoh zing zawu in, khutilochun, na lak uh a khatto hi, gitloh thepthak a, lungkhauh deuh deuh hung um kha’n lau.

JEREMIA 13:18

Leng leh a nu kawm achun, “Kingainiem un, na lallukhuk teu a ketha ta ngâl a. Na lallukhuk uh, na lopi nau chuh” tiu in.

2 KHANGTHUBU 36:13

Chun, Pathien min a kihâksiel sak lengpa Nebuknezar chung ale a hel a, a genhak a, Lalpa Israel te Pathien lam ngalo dingin a lunggil a sukhauh a.

2 LENGTE 17:14

Khutisa chun le a zawp nuom puou a, a pileputeu, Lalpa a Pathien uh gingcha lo a, genhakte bangin a genhak u a.

PAWTDAWKNA 9:17

Ka mite chung ahin na kichawisang zinga, na pawtsak nuom puoh ngâla.

THUCHINGTE 16:18

Chapona chuh sietna masangah a chieh sek a, lunggil uong chuh pukna masangah a chieh sek hi.

LUKE 18:14

Ziephet chun Isu’n, “Ka hilh na hiu, Pharisai chuh hilo in, siehdawlpa zaw chuh in lam ah thiemchang in a kileh kit tai. Zieziekchun, kuole, kingailul ta tawm un tin, kingaitawm ta chu limbawl in um un au,” a ti a.

JEREMIA 19:15

“Israel Pathien, Sepaihte Lalpa chun hiti hin a tii: Ngaitiem u, ka thu ngaitha lo dinga a kisukluhlul ziek un, zie khawpi leh a khawpel haw chung ahin sietna ka gen haw kha hun tunsak ding ka hi” ti’n.

THUCHINGTE 16:5

Kuole, mi chapo chuh Lalpa dingin kihdak-um ahi a, kithutuok mahleu le gawt loh in suokcha puo’n au.

DANIEL 4:37

“Tichun, kei Nebuknezar hin van Lengpa chuh ka pakcha ta a, ka chawisâng a, ka limbawl a; a thilhih chengte chuh a dik in a lampite chuh a kitûp ngâl a: kuole chapo taka thilhihte chuh a suniem thei ahi,” ka ti a!

EZEKIEL 30:6

Lalpa chun hiti hin a tii: Aigupta panpihte le puk in au, a hatna a kisuonpih chule niem ina; Migdol apat Suene chanin chemzâm in puk vek in au, Lalpa Pathien chun a tii.

JEREMIA 48:18

Dibon chanu, na lopina apat hung kum inla, dangchâk in chutha suk in. Moab sumangpa a hung kalto a a, amah chun na kulhpi haw cheng a susie tai.

ISAI 47:1

“Aw Babulon chanu, nungak thiengtho, na lalchutphah apat chun hung kum tha’n la, leivui lak ah chu tha’n, Kaldai chanu! tuhin chuh, tino leh deihum hi talo ding na hi ngâla! Tuhin suok in na um zaw tai.

1 SAMUEL 6:6

Aigupta mite leh Pharaoh’n a lunggil uh a suktak guol uh a khah, bang zieka na lunggil uh sutak na hiu em? A lak uh a thilmak tak a hih phet khan mite chuh a chieh sak uh a, a pawt tau hilo ahim?

PAWTDAWKNA 18:11

Tuhin chuh Lalpa chuh pathien chengcheng sangin a lopi zawi tih ka he tai; Aigupta te’n simmawh taka a bawlna tâk u ah Amah chuh a chung u a um ahi,” a ti a.

EZEKIEL 31:10

Zieziekchun, Lalpa Pathien chun hiti hin a tii: A hung san mah mah a, thing dang cheng khela a zik a san zieka a lunggil in a sân dân chuh a chapo pih ziekin,

DANIEL 8:8

Ziephet chun, kêlchal chuh a chapo deuh deuh ta a, himahleh a tâwp chun a ki lopi tak chu a hung bawng ta a. A ki bawtna achun ki challang tak li a hung kekdawk a, lei ning li kawk in a hung um dawk a.

DANIEL 11:36

“Chun, leng chun a nawp nawpin thil hih intin, amah kichawisang intin, pathien dangte sanga lienzaw leh, pathiente Pathien sanga lienzaw’n hung kikawih in a. Zie tawbang thil chu Pathien in a gawtna hun a tun macheng chu hih thei in a. Pathien in a thil guonggalh lawksa chu hun hih ngêi ding ahi ngâl a.

PAWTDAWKNA 9:7

Chun, Pharao’n mi a sawl a, chun, ngaitie, Israel mite gancha chuh khat chale ana thi puoh a. Himahleh Pharaoh lunggil chuh suktak in a um a, mihaw chuh a pawtsak phal kit ta puoh a.

2 KHANGTHUBU 32:25

Himahleh Hezekia chu, Lalpa’n amah dinga a thilhih chung a a kipahna sulang ding chun a chapo ta mah mah a, zieziekchun Juda leh Jerusalem a mipite chu a hung kingainiem tau a,

DANIEL 4:26

Chuleh, vânsâwlchâk in thingbulsum hawih dinga thu a piek kha a umzie ziehi ahi: Pathien in khawvel pumpi chungah thu a nei hi tih na het tieng leh leng hihna hung chang kit inla.

DANIEL 4:28

Tichun, ziehaw cheng hi leng Nebuknezar chunga chun a hungtung ta a.