DANIEL 5:2 - PATHIEN LEKHABU THIENGTHO (BSI)

² Belshazar chun uain a dâwn kham phet chun, sana leh dangkaguo umlebelte, a pa Nebuknezar in Jerusalem Ho-In apat a a lâkdawk chuh hun la dingin thu a pie a. Zie chuh leng leh a miliente leh, a ziteu leh a meiteu in uain dawnna a a mat ding u a va la dingin a sawl ahi.

DANIEL 5:2 ပူးပေါင်းရင်းမြစ်များ

DANIEL 1:2

Chun, Lalpa chun Juda leng Jehoiakim chuh a khut ah a pie ta a. Pathien In a ûmlebel khenkhatte chuh a la a, tichun, amah chun Shinar gama a pathien in achun a tun ta a.

2 LENGTE 24:13

Chun, Ho-In leh leng In a go cheng chu Babulon lam ah a puo mang vek ta a. Lalpa’n a na gen guol in, Nebuknezar chun, leng Solomon in Ho-In matchâk, sanati a a siem chengcheng chu a sugawp vek ta a.

DANIEL 5:23

Van Lalpa chung achun na kikawihsang zaw ta a; a Ho-In a umlebelte chuh na masangah a hun chawi u a, zie chuh nang leh na miliente leh na ziteu leh na meiteu tawh uain dawnna’n na mang u a, dangkaguote, sanate, sumeng te, thikte, thingte, leh suonghaw a siem pathien, mu theilo, za theilo leh ngaitha thei lote chuh na limbawl zaw tau a. Pathien, na hin leh thih ding hun guonggalh sakpa leh na thilhih chengchenga hun enkawlpa chuh na zah ta puoh a.

2 LENGTE 25:15

Chun, sana leh dangkaguo a kisiem, thil chengcheng, kuongte leh mei lâkna dinga kimang sana kuong te nasan chu a puo mang vek tau a.

DANIEL 5:18

“Aw lengpa, Pathien Chungnung pên pa chun na pa Nebuknezar chuh gamte, letnate, lopinate, leh lalnate a pie a.

DANIEL 5:13

Tichun, Daniel chuh leng masang achun a hun puilut u a, leng chun Daniel kawmah, “Daniel, Juda saltâng chate laka mi ka pa leng in Juda gam apat a a hun puih chuh na him?

DANIEL 5:11

Na gama hin mi khat, amah a pathiente thagau umna a um a, na pa hun lai haw khan le pilnate, hetthiemnate, chitnate, pathiente chitna bang mai amah achun a um hi tih het ahi a; aw lengpa, leng Nebuknezar na pa ngêi chun mitvaidawi thiemte, aisânthiemte, Babulon mi, aksi lam thiemte lawiupa’n a siem a;

DANIEL 5:4

Uain chuh a dâwn u a, sana te, dangkaguote, sum-engte, thik te, thing leh suongte a siem pathiente chuh a pakcha ta dul dul mai u a.

JEREMIA 52:19

Khawn leh mei-âm luoknate, tuikuong, maichâm apat kithawihna thisan dawpna kuong leh gimlim hâlna kuong, leh bel haw leh thaumei kawihna, thikkhe leh belhbu te, sana leh dangkaguo a kisiem haw chuh sepaih lawiupa chun a bawn in a la vek a.

JEREMIA 27:7

Amah pukna ding hun a tun masang chun gam chengcheng te chun amah leh a chapate leh a chapate chate chanin a na sem un au. Zie zawh tieng chuleh nam tamtak leh leng lopi takte chun amah chuh suok in siem un au.

2 KHANGTHUBU 36:18

Chun, Babulon leng chun Ho-In chu a buluh a, Ho-In a sumte leh, leng leh a miliente go chengcheng leh thil dang cheng chu a la a, Babulon lam ah apuo mang vek ta a.

2 KHANGTHUBU 36:10

Kum a hung kihei phetin leng Nebuknezar in Jehoiakin chu Ho-In a ûmlebel hawih taktak te tawh Babulon ah sal in a pui a, a paneu Zedekiah chu Nebuknezar in Juda gam leh Jerusalem ah leng in a siem hi.

2 KHANGTHUBU 15:16

Leng Asa nu Maakah chu le milim kihdak-um tak lei phatna pathien Asher a siem ziekin lengnu a hihna a haihsak a, Asa chun a milim chu a satpai a, a sunel dimdem a, Kidron lui ah a hâl ta a.

2 KHANGTHUBU 11:20

Chun, amah nung in Absalom chanu Maakah a nei a; a mah chun Abijah te, Attai te, Ziza te, Shelomith te a hinsak a.

2 SAMUEL 9:7

Chun, David chun a kawmah, “Lau ki’n: na pa Jonathan ziekin na chungah lungsiet sulang ngêi ngêi ing ka ting, na pu Saul gam chengcheng hun neih sak kit ing ka ting, ka dawhkhâng ah an ne zing ta’n la,” a ti a.

KISIMNA 7:79

A thillat chuh dangka thik kuong khat, a giklam sekel za leh sawmthum, mun thiengtho a sekel sawm sagih tuka gik dangkathîk belhbu khat, changbuong thillat dingin thau tawh chawhhel changbuong nêl tak adim gêl gêl;

EZRA 5:14

Chun, Pathien in sana leh dangkaguo a siem, ûmlebel Jerusalem a Pathien in a Nebuknezar in a lâkdawk, Babulon a a kawihte chuh leng Kura’n a ladawk a, mi khat Shesbazar gam awp dinga a siempa kieng achun a pie dawk a.

JEREMIA 50:35

“Kaldai te chungah chemzâm a leng hi, Babulon a cheng te, a milien u leh a miching teu chung ale, tih hi Lalpa kamsuok ahi.

DANIEL 5:3

Tichun, sana ûmlebel, Jerusalem a Pathien Ho-In apat a lâkdawkte chuh a hun chawi u a; tichun leng leh a milopite leh a ziteu leh a meiteu chun uain dâwn na’n a mang tau hi.

DANIEL 5:30

Zie zan mah mah chun Babulon leng Belshazar chuh thah ahi ta a.