DANIEL 5:11 - PATHIEN LEKHABU THIENGTHO (BSI)

¹¹ Na gama hin mi khat, amah a pathiente thagau umna a um a, na pa hun lai haw khan le pilnate, hetthiemnate, chitnate, pathiente chitna bang mai amah achun a um hi tih het ahi a; aw lengpa, leng Nebuknezar na pa ngêi chun mitvaidawi thiemte, aisânthiemte, Babulon mi, aksi lam thiemte lawiupa’n a siem a;

DANIEL 5:11 ပူးပေါင်းရင်းမြစ်များ

DANIEL 4:18

“Ziehi ka mang neih chuh ahi,” ti’n leng Nebuknezar chun a gen a. “Aw nang Belteshazar, a umzie chuh ei hilh in. Ka miliente chengcheng in ei hilh thei puou a, himahleh nangmah achun Pathien thiengthote thagau chuh a um ngâla,” a ti a.

DANIEL 5:14

Nangmah achun pathiente thagau chuh a um a, pilnate, hetthiemnate, chitna pha diekte nangmah achun a um hi tih het ahi, tih na chanchin ka na he a.

THUPHUON 3:9

Ngaitie, Setan lawi laka tel, Juda tak hilo a, lepchieh gena Juda ka hi, kitite chuh sawl in, na keng bul ah hun ho sak ing ka ting, chun, ka hun hehpih hi tih le hetsak ing ka.

NASEPTE 12:22

Chun, mi chengcheng chun, “Pathien aw ahi hi, mihiem aw ei puoi,” tiin a kiko u a.

DANIEL 2:11

Lengpa thil dawtte hi thil haksa tak ahi a, phehlevo neilo pathiente tihloh chun leng etsak thei ding kuomah a um puoi,” a tiu a.

2 SAMUEL 14:17

Khutichun na suoknu ding hin, lengpa ka pu thu chu lungmuon um tak hi henla: a sie apha na khen dingin lengpa ka pu chu Pathien vânsâwlchâk tawbang ahi ngâl a: Lalpa Pathien chu na kawmah um hen ka tii,” a ti a.

NASEPTE 16:16

Chun, tihi ahi a, ni khat chuh, pauchamna muna ka chieh lai un, suok nungak kuo ahim, thitha zawlnei, phunsân thiem khatin ei kituokpih a. Amah chun, a phunsân thiem ziekin a pute chuh sum tamtak a muhsak sek a.

NASEPTE 14:11

Chun, mipite’n Paul thilhih chuh a muh phet un, Lukaonia pau in, ngeih takin, “Pathien haw chuh mihiem guolin I lak u a hung suk ahi ta hi!” a tiu a.

THILSIEMBUL 41:38

Pharaoh chun a suokte kawmah, “Zie tawbang, Pathien thagau umna hi mi I mu zo dinguh a ahim?” a ti a.

EZEKIEL 28:3

Daniel sangin na pil zaw a, na kawmah thuguk himhim a um thei puoh a,

DANIEL 1:4

amau chuh tanglak demna bei, melhawih tak, chitna tincheng a lemhe, hetna lama pilval, thilbul sutthiem, leng In a tawihdan thiem sinsak dingin,

DANIEL 2:22

Thil thuk leh thil kiselte a sulang a; thima umte le a he a, amah chuh vak chun a ûmkimvel ahi.

DANIEL 5:7

Leng chun, “Phunsân thiem te, Babulon mite, aksi lam chanchin hete hun pui un,” ti’n ngeih tak in a kiko a. A hung phet un leng chun Babulon miching te kawm achun, “Kuole, zie lehkhazik hi sim a, a hilhchetna ei etsak chuh puonsandup silh sak hi’n tin, a ngâwng ah limbawlna sana khi awh sak hi’n a, chuleh, lenggam a vaihawm thum te laka khatin pang in a,” ti’n a gen a.

EZEKIEL 28:4

Sumdawnna a na chitna leh na lemhetna’n na na kisuhausa a, na gobawm ah tangka leh sana na khuma,

DANIEL 4:5

Himahleh mang lauh-um tak ka nei a; zâlkhun chunga ka kuol lai chun ka mang chun ei subuoi ta a.

DANIEL 4:6

Tichun, Babulon miching chengcheng te chu mang umzie ei hilh dinga ka masanga hung khawm dingin thu ka pie a.