DANIEL 4:4 - PATHIEN LEKHABU THIENGTHO (BSI)

⁴ “Kei, Nebuknezar hi ka In ah nuom sa tak leh lopi takin ka leng In ah ka um a.

DANIEL 4:4 ပူးပေါင်းရင်းမြစ်များ

ISAI 56:12

“Amau chun, hung unla, uain va lai tingun, dâwn kham hitiu! I bawn un zu chîk tak dâwn in kisukham hitiu; zing khu tuni tawbang tho hi’n tin, nuom zaw nalai bawn ding ahi ngâla,” a ti chiet sek ui.

JEREMIA 48:11

Moab chuh a khandawng lai apat kinawptel takin a na um ta a, bitna bûk achun gâlmuong takin a na cheng zing a; a ûmlebel haw chuh hawmngawn in a um ngei puoh a, sala puih in le a um kha diek puoi. A gim le a kisang puoh a, a gimlim na le a zatchuom diek puoi.

EZEKIEL 28:17

Na hawihna zieka na lunggil hung chapo in, Na vak thieithuoina’n na chitna suchavai in, Leituol ah ka hun paih hi, Lengte hun etnawp dingin a masang u ah ka hun tâk dawk a.

EZEKIEL 29:3

Gen in la, Lalpa Pathien chun hiti hin a tii: Ngaiin, Aw Pharao, Aigupta lengpa ka hun do ahi, a luipite laka um, aw, awlepi lauh-um, ‘Nile Luipi hi keia ahi a, keimah a ding ngeia ka siem ahi’, tipa.

DANIEL 2:11

Lengpa thil dawtte hi thil haksa tak ahi a, phehlevo neilo pathiente tihloh chun leng etsak thei ding kuomah a um puoi,” a tiu a.

DANIEL 4:19

Tichun, amin Daniel, Belteshazar le kiti sek pa chuh chawmkhat tak chuh a lau mah mah a, bangmah a gen thei ta puoh a. Ziephet chun leng chun a kawmah, “Belteshazar, mang ahim, a umzie ahim chun hun sulau kihen,” a ti a. Belteshazar chun a kawmah, “Ka lalpa, mang chuh a hun mudahte chunga tung ding hi hen la, a hilhchetna chu le na melmate chunga ding hi hen.

DANIEL 5:8

Tichun leng miching te cheng chuh a hung lut u a; himahleh a kizik chuh a sim thei puou a, a umzie chuh a hetsak thei diek puou ui.

ZEPHANIA 1:12

“Chun, zie tieng chuleh, thaumei hâl in Jerusalem hawl dawk ka ting; mi, amau kisulungkim a, muong taka um maimai a, a lunggil u a, ‘Lalpa chun a hih pha puoh a, hih le a hihsie diek puoi,’ tite chuh gawt ing ka.