DANIEL 4:37 - PATHIEN LEKHABU THIENGTHO (BSI)

³⁷ “Tichun, kei Nebuknezar hin van Lengpa chuh ka pakcha ta a, ka chawisâng a, ka limbawl a; a thilhih chengte chuh a dik in a lampite chuh a kitûp ngâl a: kuole chapo taka thilhihte chuh a suniem thei ahi,” ka ti a!

DANIEL 4:37 ပူးပေါင်းရင်းမြစ်များ

1 SAMUEL 2:3

Khuti lâwm lâwm a chapo in thu gen takiu inla; Na kawm u a pat in hâmdâwkna himhim pawt kihen; Lalpa chu chitna Pathien ahi ngâla, Ama’n thilhih haw a bûk tuok sek hi.

DAN NIHNA 32:4

“Amah suongpi chuh, a thilhih a phabukim; A umdan chengcheng a dik: Pathien ginum, adiklo hih lo, Thudik leh pha Amah ahi.

EZEKIEL 16:63

Khutichun, na thil hihsa chengcheng ngaihdamna ka hun siem sak tieng leh na hetzing a, na zahchâk zieka na kam na kât tâk lohna dingin,” Lalpa Pathien chun a tii.

SAM LEHKHABU THE PSALMS 119:75

Aw Lalpa na vaihawm chuh a diktat hi tih leh, Nang in muon-um takin nei sugimthei hi tih ka hêi.

PAWTDAWKNA 18:11

Tuhin chuh Lalpa chuh pathien chengcheng sangin a lopi zawi tih ka he tai; Aigupta te’n simmawh taka a bawlna tâk u ah Amah chuh a chung u a um ahi,” a ti a.

NASEPTE 17:24

Pathien, khawvel leh a sunga thil chengcheng siempa chuh, lei leh van Lalpa a hih ziekin, khuta sak ina chun a cheng puoh a.

THUPHUON 15:3

Pathien sawntawlawi Mosi la leh Belamno la: “Aw Lalpa Pathien, Bangkim hihthei, Na thilhihte chuh a lopi in, a mak a; Nang, namtin Lalpen, Na lampi chuh a diktat in, a dik ngâl a!

MATTHAI 11:25

Zielai chun Isu’n a gen a, “Aw hepa, lei leh van a Lal, nangin miching leh mi thiemte kawmah zie thu haw hi na îm a, nausente kawma na phuon ziek hin ka hun pakchai.

DANIEL 4:34

Chun, zie nite chuh a hung tawp phet chun, kei Nebuknezar in van lam ka vak en to a, tichun ka lungthim ngeina chuh ka hun pu kit ta a. Chungnung pên Pathien chuh ka pakcha a, limbawlna leh lopina chuh kumlekhuo a Hing zing pa kawm achun ka pie ta a. “Amah chun kumlekhuo’n vaihawm intin, a gam in tâwp tik ni nei puo’n a.

ISAI 5:16

Himahlele, Sepaihte Lalpa chun diktatna chuh thil dik hih in etsak intin, a thienthona chuh a mipite vaihawm sak ni achun a sulang tai.

SAM LEHKHABU THE PSALMS 99:4

Lalpen hatna chun vaihawmna dik a ngaina a; Nang chun khenchuom neih lohna na hih det seka, Nang chun Jakob inkawte chungah vai na hawma, diktak in na hih sek a.

THUPHUON 16:7

Chun, maichâm apat in, “A hii, Aw Lalpa Pathien, Bangakai hihthei, na vaihawm haw hi a diktat in a dik ahi,” tih aw hile ka za a.

DANIEL 5:4

Uain chuh a dâwn u a, sana te, dangkaguote, sum-engte, thik te, thing leh suongte a siem pathiente chuh a pakcha ta dul dul mai u a.

DANIEL 4:3

“Pathien in thilmak ei etsak te chuh a nasa na e! A lalgam chuh kumkhawtuong lalgam ahi a; Kumlekhuo’n Pathien chuh leng in chu’n tin; kumsawt in vaihawm in a.

EZEKIEL 16:56

Na chapo lai nite khan na suohpihnu Sodom chuh na kam in na phapuok kha puoh a,

2 KHANGTHUBU 33:19

Chuleh, a pauchamnate leh, Pathien in a dawnna thute, a kikawihniem ma a a gitloh na chengcheng, milim ho na a siem, Asher pathien lim leh milim siemkawm a tundawkna mun chengcheng te chuh thiemgau chanchin zik na bu ah a kizik vek hi.

ISAI 23:9

Sepaihte Lalpa chun a uonna chuh bangmahlo suoh sak ding leh, leia mi zahumte chengcheng muhsit um taka umsak dingin a guot ahi.

JEREMIA 50:29

“Babulon do dinga thal kap thiem, thalpi mang thiem chengcheng chuh samkhawm un: a kimvel ah bûk sau unla, kuomah pawtdawk kiu hen. A thilhih bang zel in din thuk un; a thilhihsa haw cheng chuh a chungah hih un; Lalpa, Israel mi thieng tho chuh a cho ngam ngâla.

DANIEL 4:26

Chuleh, vânsâwlchâk in thingbulsum hawih dinga thu a piek kha a umzie ziehi ahi: Pathien in khawvel pumpi chungah thu a nei hi tih na het tieng leh leng hihna hung chang kit inla.

PAWTDAWKNA 8:4

Tichun, ukeng haw chuh nang leh na mite leh na miliente chung achun chawm kai sausau in au,’ a tii, va ti’n,” a ti a.

ESTHER 6:10

Ziephet chun, leng chun Haman kawmah, “Na gen bangtak chun leng puon leh sakawl chuh va la vak inla, Leng in lutna kawtkhak bula chu Juda mi Mordekai chung achun khutibang tak chun va hih in; na gen sa cheng chuh hetngilh um kihen,” a ti a,