DANIEL 4:34 - PATHIEN LEKHABU THIENGTHO (BSI)

³⁴ Chun, zie nite chuh a hung tawp phet chun, kei Nebuknezar in van lam ka vak en to a, tichun ka lungthim ngeina chuh ka hun pu kit ta a. Chungnung pên Pathien chuh ka pakcha a, limbawlna leh lopina chuh kumlekhuo a Hing zing pa kawm achun ka pie ta a. “Amah chun kumlekhuo’n vaihawm intin, a gam in tâwp tik ni nei puo’n a.

DANIEL 4:34 ပူးပေါင်းရင်းမြစ်များ

2 SAMUEL 22:31

Pathien vang a lampi chu a phabukim a: Lalpa thu chu etchet ahi tai; Amah gingchate chengcheng dingin amah chu phaw ahi.

1 KHANGTHUBU 29:10

Khutichun, David in mipi chengcheng te ma achun Lalpa chu a pakcha a, “Aw Lalpa, ka puu Jakob Pathien, kumlekhuo a pahchak in um in.

1 KHANGTHUBU 29:13

“Tuhin, ka Pathien uh, kipahthu gen in, na min lopi chu ka pakchau hi.

JOB LEHKHABU THE BOOK OF JOB 1:21

“Ka nu sûl apat in sangawn in ka hung pawt a, sangawn mah a vaikit ding ka hi hi; Lalpa’n a pie a, Lalpa’n a la kit tai; Lalpa min chuh pahchak in um hen,” a ti a.

SAM LEHKHABU THE PSALMS 10:16

Lalpa chuh kumlekhuo a din Lalpen ahi a: Namte chuh amah gama kipatin a bei mang tau hi.

SAM LEHKHABU THE PSALMS 102:24

Aw ka Pathien, ka vanglai ni haw ahin ei lamang ki’n la, ka ti a: Nang kum haw chun khang um sung cheng a daih hi.

SAM LEHKHABU THE PSALMS 107:15

Aw mi thiengtho haw hin Lalpa chuh a phatna ziek leh, Mihing chate chunga a thilmak hihhaw ziek hin pakchau hen!

SAM LEHKHABU THE PSALMS 107:22

Amah chun kipahthu gen kithawihnahaw chu pie hen la, A thilhih haw chu kipahna lasa’n hilh u hen.

SAM LEHKHABU THE PSALMS 107:31

Aw, mihiemte kikhawpna ahin Lalpa chuh a phatna ziek leh, Mihing chate chunga a thilmak hih haw ziek hin pakcha maizen leu chu aw!

SAM LEHKHABU THE PSALMS 107:8

Aw mihing chate hin Lalpa chu a chit ziek leh, Mihing chate chunga a thilmak hih haw ziek in pakchau hen!

SAM LEHKHABU THE PSALMS 111:7

A khut nasep haw chuh thutak leh diktak ahi a; A thupiek haw chengcheng chuh a muon-um hi.

SAM LEHKHABU THE PSALMS 121:1

Tang lam haw akhun ka mit ka hak to a; Khawilam a kipan in ahim ei panpih ding a hung tun ding?

SAM LEHKHABU THE PSALMS 123:1

Aw nang van haw a chu sek, Nang lam ah ka mit ka hun hak to sek hi.

SAM LEHKHABU THE PSALMS 145:13

Na lalgam chuh kumlekhuo lalgam ahi a, Na thuneihna chuh khang um lai chan in um zing ina. Lalpa chuh a thugen taphawt achun a ginum a, a thilhih cheng achun zahngaihna a dim ahi.

SAM LEHKHABU THE PSALMS 146:10

Lalpa chun kumlekhuo’n vaihawm intin, Aw Zion, na Pathien chuh khang chengcheng chan in Lal in a chu a. Lalpa chuh pakchau in.

SAM LEHKHABU THE PSALMS 50:14

Pathien kawma kipah thugen kithawihna chu lân zaw’n la; Na thutiem haw le Chungnung pên pa kawmah huitun sak in:

SAM LEHKHABU THE PSALMS 66:7

A thilhih theihna chun kumlekhuo’n vai a hawm a; A mit chun namtin a mu suok a, Kiphin hatte chu kilimbawl kiu hen. Selah

SAM LEHKHABU THE PSALMS 7:17

Lalpa chuh, a diktatna ziek hin, a kawmah kipah thu gen ing ka ting; Lalpa Chungnung pên min pakcha’n la sa ding ka hi.

SAM LEHKHABU THE PSALMS 9:2

Nangmah achun kipâk in lawp ing ka ting Aw, Chungnung pên na min pakcha’n la sang ka,

SAM LEHKHABU THE PSALMS 92:1

Lalpa kawma kipahthu gen leh, Aw Chungnung pên, na min pahchak a lasak hi thilpha tak ahi.

ISAI 13:11

Tichun, khawvel hi a gitlohnau ziekin gawt ing ka ting minunsiete chuh a manlohnau ziekin gawt ing ka; mi chapote pau uong chuh suhai ing ka ting, mi lauh-um uonna chule hihniem ing ka.

ISAI 2:11

Zie ni chuleh mi kingaisangte chuh sukniem in um untin, mi chapote chuh tawh niemin um in au; Lalpa chauh chuh chawihsân in um ina.

ISAI 24:15

Zie ziek chun, ni suohna lam a chêngte chun Lalpa pakchau in tin; tuipi panga chêngte chun Lalpa min chuh lopina pie’n au, Israel Pathien chuh!

JEREMIA 10:10

Himahleh, Lalpa chauh Pathien dik ahi a, Pathien hing, kumlekhuo a lal ahi. A lungnat ni’n lei a kilîng a; Namte chun na lungnatna a thuok zo puou hi.

SUNNA LA 3:38

Chungnung pên pa kam apat a sie leh a pha pawtdawk hilo ahim?

DANIEL 12:7

Chun, mi, patngatpuon a kivan a, luipi tui chunga umpa chun a khut changlam leh a khut veilam van lama zak dawkin, “Hun khat leh hunte leh hun kimkhat sung hi’n a; mi thiengthote sukgimtheihna a tawp tieng leh zie thil chengcheng hi hungtung kim ding ahi,” ti a kumsawt Pathien min sâla a kihâksiel chuh ka za a.

DANIEL 2:44

Chun, zie lengte nihaw achun lalgam hun tungdawk in tin, zie chuh sie ngei ta puo’n tin, a lalna le midang a ding a nutsieh hi puo’n a. Zie lalgam chengcheng hi hihgawp in, hih mang zaw’n tin, kumkhuo’n ding zing ina.

DANIEL 4:2

Chungnung pên Pathien in ka kawma tiemtehna leh thilmak a bawl hi ngaithau in.

DANIEL 4:26

Chuleh, vânsâwlchâk in thingbulsum hawih dinga thu a piek kha a umzie ziehi ahi: Pathien in khawvel pumpi chungah thu a nei hi tih na het tieng leh leng hihna hung chang kit inla.

DANIEL 4:3

“Pathien in thilmak ei etsak te chuh a nasa na e! A lalgam chuh kumkhawtuong lalgam ahi a; Kumlekhuo’n Pathien chuh leng in chu’n tin; kumsawt in vaihawm in a.

DANIEL 4:32

Mihing lak apat a nawhdawk hin na tin, gamsate lak ah um in na tin, bâwngchal guolin hampa pet ding na hi a, na chungah hun sagih bei ina. Chungnung pên pa chun mihingte lalna gam ah vai a hawm a, a deihsak taphawtte kawmah a pie sek ahi tih na het ma cheng chun,” ti’n.

DANIEL 4:36

“Ka lungthim ngeina chuh ka kawma piekkit ahih phet chun, ka lenggam lopinate, ka lopina leh ka hawihna chuh ka kawma piek kit a hi ta a. Chun, ka lemguotpihte leh ka mi lopite chun ei hun zuon kit u a, ka gam achun sukdet in ka um a, limbawlna nasa tak mai chuh ka chungah behlap in a um ta a.

DANIEL 5:18

“Aw lengpa, Pathien Chungnung pên pa chun na pa Nebuknezar chuh gamte, letnate, lopinate, leh lalnate a pie a.

DANIEL 5:21

Tichun, mihingte lak apat in nawhdawk in a um a; a lungthim chuh gamsate a banga siem in a um a, a chênna chuh gam sabiltungte lak a hi ta a; bâwngchal guolin hampa a pet a, tichun gamlak achun a taksa lieh ding um lo in dâitui lak achun a kuol ta a. A tâwp chun, Pathien Chungnung pên pa chun mihingte lalna gam ahin vai a hawm a, a deihsak taphawt a luoh sak sek hi tih a hun he dawk ta a.

DANIEL 6:26

Ka gam awpna sunga mite chengcheng hin Daniel Pathien chuh lau in kilîng u hen, ti’n thupiek ka bawl ahi. “Amah chuh Pathien hing ahi a, kumlekhuo’n vaihawm intin. A lenggam chuh suksiet hi ngêi ta puo’n tin, a thilhih theihna chun tâwp nei ta puo’n a.

DANIEL 7:14

A kawm achun thuneihnate, lopinate, leh leng thilhih theihnate chuh piek ahi a, mitin te, namtin te, leh pautin te chun a na sep sak un au. A thuneihna chuh kumlekhuo’n um in tin, bei ngei talo ding ahi a, lalgam chun tawp ni neita puo’n a.

DANIEL 7:27

Tichun, lei chunga lalgam chengcheng thuneihna leh lopina chuh, Chungnung pên pa Pathien mite kawma chuh piek hi ta’n a. A lalgam chuh tâwp ta puo’n tin, lei chunga vaihawmte chengcheng in a nau sep sak un tin, a thuu zawp ta’n au.” ti’n.

DANIEL 9:14

Zieziekchun, Lalpa chun thil phalo chuh a en zinga, ka chung u ah a hun tunsak ta a; Lalpa ka Pathien u chuh a thilhih chengcheng ahin a diktat ngâla, a gen ka na ngai talo uh ahi.

JONA 1:14

Ziephet chun, Lalpa chuh a sam u a, “Aw Lalpa, zie pa mihinna ziek hin ei sumangthai ki’n la, mithiem thisan mawh ka chung u a ngalo hâm dingin tihtak zetin ka hun ngên ui; Aw Lalpa: nangin na nawp banga na hih ahi ngâl a,” a tiu a.

MIKA 4:7

Tichun, kêngbâi chuh suohchak sak ing ka ting, gamla taka nawhmang a umte chuh nam lopitak a siem ding ka hi.

LUKE 1:33

Jakob suonte chungah kumkhuotuong in lal intin, a gam in tâwp ni nei ta puo’n a,” a ti a.

LUKE 18:13

Himahleh, siehdawlpa chuh gamla tak ah a ding a, van lam ale dâk ngam lo in, ‘Pathien, kei migilo hi ei lungsiet ah,’” ti’n a âwm a kichup a kichup zaw ta a.

JOHAN 5:26

Pa ngêi chuh hinna bulpi a hih mah bangin, Chapa le amah chuom a hinna bulpi nei in a siem:

DAN NIHNA 32:4

“Amah suongpi chuh, a thilhih a phabukim; A umdan chengcheng a dik: Pathien ginum, adiklo hih lo, Thudik leh pha Amah ahi.

1 TIMOTHE 1:17

Leng lienpen, kumsawt a um, thi theilo, muh theih loh, Pathien khat mai pa kawm achun, limbawlnate, lopinate, kumsawt, kumsawt in um ta hen! Amen.

1 TIMOTHE 6:16

Amah chauh chuh thi thei lo, kuoma’n naih theih loh hiel vak achun a cheng a. Kuoma’n a mah chuh a mu kha puoh a; muh le a mu thei lo ahiu hi. Amah kawm achun kumsawt a limbawlna leh thilhih theihna chuh um hen! Amen.

THUPHUON 10:6

Kumkhawtuong a hingzingpa, vante, lei te, leh tuipi leh a sunga thil um chengcheng te siempa Pathien min sam in, “Hun um ta puo’n a!

THUPHUON 11:15

Chun vânsâwlchâk sagihna chun a pengkun chuh a vak mût a, tichun, van apat in aw ngeih tak in, “Khawvel gam hih I Lalpau leh Krista gam a hung hi tai, amah chun kumkhuotuong in vaihawm ina!” a hun ti a.

THUPHUON 4:10

Upa sawmnih le lite chun, lalchutphah a chu, kumkhawtuong a hingzingpa masanga chuh bawkkhup in, a ho sek uh a. A lallukhukteu chuh lalchutphah âng a chuh kawih in,

THUPHUON 4:9

Chun, ganhing lite chun, lopina leh limbawlna la sa’n, kumlekhuo a hing zing, lalchutphah a chu pa chuh a pakchau hi. Khutibanga chuh a hih chenguh leh,