DANIEL 4:32 - PATHIEN LEKHABU THIENGTHO (BSI)

³² Mihing lak apat a nawhdawk hin na tin, gamsate lak ah um in na tin, bâwngchal guolin hampa pet ding na hi a, na chungah hun sagih bei ina. Chungnung pên pa chun mihingte lalna gam ah vai a hawm a, a deihsak taphawtte kawmah a pie sek ahi tih na het ma cheng chun,” ti’n.

DANIEL 4:32 ပူးပေါင်းရင်းမြစ်များ

DANIEL 5:21

Tichun, mihingte lak apat in nawhdawk in a um a; a lungthim chuh gamsate a banga siem in a um a, a chênna chuh gam sabiltungte lak a hi ta a; bâwngchal guolin hampa a pet a, tichun gamlak achun a taksa lieh ding um lo in dâitui lak achun a kuol ta a. A tâwp chun, Pathien Chungnung pên pa chun mihingte lalna gam ahin vai a hawm a, a deihsak taphawt a luoh sak sek hi tih a hun he dawk ta a.

JEREMIA 27:5

Ka thilhih theihna lopi tak leh ka bân zak in lei leh mihing te leh leichung a gamsate ka siem a, piek ding kilawm ka sakte kawm achun ka pie a.

JOSHUA 4:24

Leichung a namtin chengin Lalpa khut hi a na hât ahi tih a het theih u a, Lalpa na Pathien u chuh kumlekhuo a a kihchak theihna dingun,” ti’n a gen a.

PAWTDAWKNA 9:29

Ziephet chun, Mosi’n a kawmah, “Khuo apat hi ka pawt phat leh, Lalpa lama ka khut zak in paucham ka ting, van gi haw chuh hai intin; giel le kie ta puo’n a; tichun, lei hih Lalpa a ahi tih he ta’n la.

PAWTDAWKNA 8:10

Chun, amah chun, “Zing a ding in hi hen,” a ti a. Mosi chun, “Na thu bang chun hi hen; tichun Lalpa ka Pathien uh tawbang himhim hi kuomah a um puoi tih he’n la,

ISAI 37:20

Tuhin, aw Lalpa Pathien, Asuria te khut apat hin ei hukdawk tei in, khutia chuh, khawvel a nam chengcheng in, nangmah mai hi Pathien na hi tih a het theihna dingun,” a ti a.

PAWTDAWKNA 9:14

Tuchung hin vang nang leh na suokte chung leh, na mite chung ahin hi chitin lênsak ding ka hi; tichun, leichung pumpi ahin Kei tawbang kuomah a um puoi tih hun he’n la.

ISAI 45:3

Kei hi Lalpa na min a hun sampa leh, Israel Pathien chuh ka hi tih na hettheih na dingin thim laka go thil kiselgute leh ning thip a go kisel gute chuh hun pie ding ka hi.

2 KHANGTHUBU 33:13

A kawmah a paucham a, Lalpa’n a ngetna chu a ngaihthak sak a, Jerusalem a a gam ah a puikit tai. Tichun Manasseh in Lalpa chu Pathien a hih a he ta a.

DANIEL 2:21

Hunte leh hunbite a hih lamdang a; lengte a chawnmanga, lengte a tungding a: Miching kawmah chitna leh hetthiemna a pie a.

DANIEL 4:31

Zie thu chuh leng kam apat a a pawt lai tak chun van apat in aw a hung gi suk a, “Aw leng Nebuknezar, na kawmah thu a hungtung hi: lalgam thilhih theihna chuh nang apat a lâkmang ahi tai.

JOB LEHKHABU THE BOOK OF JOB 9:12

Ngaitie, a nawp taphawt a la mang zieng a, kuoma’n a zadah thei puou hi. “Banga na hih?” ti ngam le a um puou hi.

JOB LEHKHABU THE BOOK OF JOB 42:2

“Thil chengcheng na hih thei hi tih ka hêi, Na thiltup te le dal ding guol ahi puoi.

SAM LEHKHABU THE PSALMS 115:3

I Pathien u chuh van ah a um ngâl a: A ut taphawt a hih a.

SAM LEHKHABU THE PSALMS 135:6

Lalpa chun a nawp taphawt chu a hih sek hi, Van ale, lei a le, tuisuohgiet a le, tui thuk tak haw chengcheng ale,

ISAI 40:15

Ngaitie, Lalpa ding chun, namtin chuh tui vat khat bang phet ahiu a, bûkna a thil ne’n neucha bang pheta ngaih ahiu a; Amah chun tuikuol gam haw chuh thil neucha lâk bangin a la sek hi.

ISAI 40:17

Namtin chengte chuh amah dingin bangmahlo ahiu a; amah ding chun bangmahlo sanga tawm zaw, beingawn tawbang mai ahiu hi.