DANIEL 4:3 - PATHIEN LEKHABU THIENGTHO (BSI)

³ “Pathien in thilmak ei etsak te chuh a nasa na e! A lalgam chuh kumkhawtuong lalgam ahi a; Kumlekhuo’n Pathien chuh leng in chu’n tin; kumsawt in vaihawm in a.

DANIEL 4:3 ပူးပေါင်းရင်းမြစ်များ

SAM LEHKHABU THE PSALMS 145:13

Na lalgam chuh kumlekhuo lalgam ahi a, Na thuneihna chuh khang um lai chan in um zing ina. Lalpa chuh a thugen taphawt achun a ginum a, a thilhih cheng achun zahngaihna a dim ahi.

DANIEL 2:44

Chun, zie lengte nihaw achun lalgam hun tungdawk in tin, zie chuh sie ngei ta puo’n tin, a lalna le midang a ding a nutsieh hi puo’n a. Zie lalgam chengcheng hi hihgawp in, hih mang zaw’n tin, kumkhuo’n ding zing ina.

ISAI 25:1

Aw Lalpa, nang chuh ka Pathien na hi a; Hun limbawl ing ka ting, na min pakcha’ng ka. Thilmak tak, malai pek a na guonggalhte chuh ginum takin na hih ta ngâla.

DANIEL 7:14

A kawm achun thuneihnate, lopinate, leh leng thilhih theihnate chuh piek ahi a, mitin te, namtin te, leh pautin te chun a na sep sak un au. A thuneihna chuh kumlekhuo’n um in tin, bei ngei talo ding ahi a, lalgam chun tawp ni neita puo’n a.

THUPHUON 11:15

Chun vânsâwlchâk sagihna chun a pengkun chuh a vak mût a, tichun, van apat in aw ngeih tak in, “Khawvel gam hih I Lalpau leh Krista gam a hung hi tai, amah chun kumkhuotuong in vaihawm ina!” a hun ti a.

HEBRAI 1:8

Chapa chungchâng thu achun Pathien in ziehi a gen a hii: “Aw Pathien, na Lalgam chuh kumkhuotuong a um ding ahi; Dikna leng tiengkhut chule Na gam leng tiengkhut chuh ahi ngâl a,

1 TIMOTHE 1:17

Leng lienpen, kumsawt a um, thi theilo, muh theih loh, Pathien khat mai pa kawm achun, limbawlnate, lopinate, kumsawt, kumsawt in um ta hen! Amen.

DANIEL 7:27

Tichun, lei chunga lalgam chengcheng thuneihna leh lopina chuh, Chungnung pên pa Pathien mite kawma chuh piek hi ta’n a. A lalgam chuh tâwp ta puo’n tin, lei chunga vaihawmte chengcheng in a nau sep sak un tin, a thuu zawp ta’n au.” ti’n.

1 PETER 4:11

Mi kuo’nle, thu a gen chun, Pathien thu bangin gen hen, mi kuo’nle a zenviel chun, Pathien in utna a piek dungzui in zenviel hen; khutichun, Isu Krista vangin Pathien chuh thil bangakai ah limbawl in um thei ina; lopina leh vaihawmna chuh kumkhuotuong in amah a ahi ngâl a. Amen.

HEBRAI 2:4

Chun, Pathien ngêi inle, melchikna leh thilmak tamtak te hihin, amah deih dungzuia Thagau Thiengtho thilpiek tawh amau haw chuh a hetpih a.

JEREMIA 10:10

Himahleh, Lalpa chauh Pathien dik ahi a, Pathien hing, kumlekhuo a lal ahi. A lungnat ni’n lei a kilîng a; Namte chun na lungnatna a thuok zo puou hi.

SAM LEHKHABU THE PSALMS 105:27

Amah chun tiemtehna haw chu a hih u a, Ham gam achun thilmakte a etsak u a.

DANIEL 4:17

Ziehi vânsâwlchâk, kigingsa leh kiguozo sa a hungsuk pa thutanna chuh ahi. Chungnung pên pa chun mihingte lalna gam chungah thu a nei a, a deihsak taphawt a pie a, mi nuoinung pente le gam chuh a luoh sak sek hi tih mihingte’n a hetna dinguh ahi,’ ti’n a kiko a.

ISAI 28:29

Zie tawbanga chitna cheng chuh sepaihte Lalpa apat ahi ngâl a. A lemguot chuh a mak a, a chitna le a chungchuong hi.

ISAI 9:7

A gam lien zel intin, a vaihawmna leh chamna chun tâwp tik ni nei puo’n a. David lalchutphah leh a lalgam ah chu’n tin, bawt dawk ding leh sudet dingin diktak leh kitûp takin vaihawm ina, tu apat kumlekhuo’n, Sepaihte Lalpa phatchuomngaihna chun zie chuh hih ina.

SAM LEHKHABU THE PSALMS 104:24

Aw Lalpa, na thilhih haw chuh a tam na mai zên e! Abawn un pilna a na siem chiet ahiu a: Lei chung hi na thilsiem a dim ahi.

SAM LEHKHABU THE PSALMS 92:5

Aw Lalpa, na thilhih haw chuh a lopina maizen e! Na ngaihtuohna haw chuh a thuk mah mah hi.

SAM LEHKHABU THE PSALMS 86:10

Nang chuh na lopi a, thilmak le na hih ngâla; Nang maicha hi Pathien na hi.

SAM LEHKHABU THE PSALMS 77:19

Na lampi chu tuisuohgiet ah a um a, Na chieh na lampi chu tuilien tak ah a um a. Hilele, na niek nung chale het ahi puoi.

SAM LEHKHABU THE PSALMS 72:18

Lalpa Pathien, Israel Pathien chuh pahchak in um hen. Thilmak haw hih chu Amah maicha hi ahi.

SAM LEHKHABU THE PSALMS 66:7

A thilhih theihna chun kumlekhuo’n vai a hawm a; A mit chun namtin a mu suok a, Kiphin hatte chu kilimbawl kiu hen. Selah

JOB LEHKHABU THE BOOK OF JOB 25:2

Pathien kawm achun vaihawmna leh lauh-umna a um a, A munsang haw a khun chamna a siem a,

DAN NIHNA 4:34

Ahihloh leh, Lalpa na Pathien un Aigupta gama na mitmuh ngêi u a a hih guola patepnate, thilmakte manga nam dang lak apat amah dinga nam khat puihdawk guo pathien a um kha mawng mawng em?

ROME 11:33

Pathien chitna leh hetna hauh dân chuh a nasa na e. A vaihawm haw chuh het theih guol leh, sut theih guol ahi mawh na e,

DANIEL 2:2

Tichun, lengpa chun mitvaidawi thiemte, phunsân thiemte; dawithiemte Kaldai mite a mang chuh amah hilh dinga sap ding thu a pie a. Tichun a hung khawm u a, leng masang achun a hung ding tau a.