DANIEL 4:21 - PATHIEN LEKHABU THIENGTHO (BSI)

²¹ a nahte hawih a, a gahte tam mah mah a, hinna nei chengcheng te dinga nek ding um leh, a nuoia gamsate bawk leh a bâka chung leng vachate chênna hung hi chuh:

DANIEL 4:21 ပူးပေါင်းရင်းမြစ်များ

EZEKIEL 31:6

Chung leng in a bawk lak ah bu a sep ui, Sa chitin a bawknuoi ah no a nei ui, a limnuoi ah nam lopi cheng a cheng ui.

DANIEL 2:38

Zieziekchun, khawia le mihing chate umna taphawt ah gamsate, chung leng vachate, na khut ah a pie a, a bawn u a chunga vaihawm dingin a hun siem a. Sana luchang chuh nangmah ngêi hi na hi.

DANIEL 4:11

Thing chuh a hung khanga, a hung lien a, a sânlam chun van a su a, tichun kâwlmawng tin apat in a muh theih vek ta a.

DANIEL 4:20

Thing na muh hung khang a, hung lien a, vante hung su a, kâwlmawng apat a muh theih suok leh,

DANIEL 4:22

“Aw lengpa, nang hi na hi a; na hung khang a, na hung hât a, na lopina chuh a hung khang a, van a su hiel a, na thuneihna chuh kâwlmawng chan ahi ngâla.

SAM LEHKHABU THE PSALMS 104:17

Zie tak a chun vachate’n bu a sieh sek u a: Vaiva haw a ding chun châk thing haw chuh a In uh ahi.

EZEKIEL 17:23

Israel tâng sangpen achun phut ing ka ting, A bâk hung um intin, hung gah intin, Sidar lopi tak hung hi’n a: Chun, a nuoi achun vacha chitin chengun tin; A bâk lim haw achun chung leng vacha tin chengin bu sieh un au.

LUKE 13:19

Mi’n ankam mu changkhat a laka, huona a theh tawbang hi ahi. Thai chuh a hung khang a, thing a hung hi a, tichun, vachate’n a bâk chung achun bu a sep sek ui.” a ti a.