DANIEL 4:17 - PATHIEN LEKHABU THIENGTHO (BSI)

¹⁷ Ziehi vânsâwlchâk, kigingsa leh kiguozo sa a hungsuk pa thutanna chuh ahi. Chungnung pên pa chun mihingte lalna gam chungah thu a nei a, a deihsak taphawt a pie a, mi nuoinung pente le gam chuh a luoh sak sek hi tih mihingte’n a hetna dinguh ahi,’ ti’n a kiko a.

DANIEL 4:17 ပူးပေါင်းရင်းမြစ်များ

DANIEL 4:25

Chungnung pên pa chun mihingte lalna gam ah thu a nei a, a deihsak taphawtte a pie sek hi tih na het ma chengin, mihingte lak apat nawhdawkin um in na tin, gamsate lak ah um inla. Tichun, kum sagih sung bâwngchal banga hampa peh sak in um na tin, van daitui in hun chap chek ding ahi.

DANIEL 2:21

Hunte leh hunbite a hih lamdang a; lengte a chawnmanga, lengte a tungding a: Miching kawmah chitna leh hetthiemna a pie a.

1 SAMUEL 2:8

Leivui apat in gimthei chu a kaitho seka; Mi chagah chu gimtheihna apat a dawm kâng sek; Miliente laka um a, Lopina lalchutphah a luoh theihna ding un: Lei kingakna chu Lalpa a ahi a, Khawvel chu a chungah a nga ta ngâla.

1 KORINTH 1:28

Chun, vannuoi a thilsie leh thil muhsit umte, thil umlo te nasan Pathien in a tel a, thil umte chuh bangmahlo a siem theihna dingin.

DANIEL 11:21

Chun, amah mun achun gam muhsit um tak, gam limbawlna a piek loh chu hung dingdawk in tin, paukam thiem in lalgam chuh chang ina.

PAWTDAWKNA 9:16

Himahlele, zie ding ahih ka hun tundin na hi, ka thilhih theihna hun etsak ding leh khawvel chengchenga ka min a hung kithan theihna dingin.

EZEKIEL 25:17

Lungna taka hilh gaih in a chung u ah phuba lang ka ting, khutia a chungu a ka phubalakna ka tunsak tieng chuleh Lalpa chuh ka hi tih he tan au,” a ti a.

EZEKIEL 7:24

Zieziekchun, Jentel te laka gilopen haw hun puilut ing ka ting, a in hawu lâksak in au; a hâtnau a kisuonpih u chuh sutawp ing ka ting, a mun zek hawu chuh sukbuok in um in au.

ISAI 6:3

Sepaihte Lalpa chuh “A Thiengtho ie, A Thiengtho ie, A Thiengtho ie! Lei chung pumpi hi a lopina’n a dim hi,” ti’n a kidâwng tuoh, a kidâwng tuoh u a.

SAM LEHKHABU THE PSALMS 9:16

Lalpa chuh a kiphuonga vai a hawm ta a, Mi dukdaklo chuh amah khutsuok ngêi chun a âwk sak a. Selah. (Higgaion hi ngaihtuoh tihna ahi)

1 LENGTE 21:25

(A zi Jezebel tîlsiet a Lalpa mitmuh a thil gilo hih dinga kizuok, Ahab tawbang hi kuomah a um hiel puou.)

THUPHUON 4:8

Chun, ganhing lite chuh, tha gup nei chiet, a kimvel cheng leh a sung uh mita dim ahiu hi. Chun, “Lalpa Pathien, Bang cheng hihthei, umsa pa leh, um lai tak leh, hung um kit ding pa chuh, A thiengtho ie, A thiengtho ie, A thiengtho ie!” ti’n sun leh zan in a chawlnga kha puou hi.

1 TIMOTHE 5:21

Zie thu haw hi langneih chuom na nei leh, uohchuom nei a bangmah hih lo in, Pathien leh Isu Krista leh vânsâwlchâkte mitmuh in, zawp dinga phachuomngai taka ka hun hetsak na hi.

ISAI 6:8

Ziephet chun, “Kuo a ka sawl ding, kuo a ei u dinga chieh ding?” ti’n Lalpa aw chuh ka za a. Tichun, ken, “kei zie hin ka um hi, ei sawl in,” ka ti a.

SAM LEHKHABU THE PSALMS 12:8

Migilosalo haw chuh a vak viel hethut sek ui.

2 KHANGTHUBU 28:22

A lungzînna a san deuh deuh phet chun, Ahaz hin Lalpa chungah thil a sukhiel deuh deuh mai ta a.

ROME 13:1

Mitin, a chung u a vaihawmte thu thu’n um u hen. Pathien thu lo in vaihawmte kuomah a um puoh ngâl u a; vaihawmte hih Pathien guot ahiu hi.

SAM LEHKHABU THE PSALMS 103:19

Lalpa chun a lalchutphah chuh van a khun a kawih det a; A gam chun bang mah cheng chung ah vai a hawm a.

DANIEL 4:2

Chungnung pên Pathien in ka kawma tiemtehna leh thilmak a bawl hi ngaithau in.

DANIEL 7:25

Chun, Chungnung pên pa kalh in thu gen intin, mi thiengthote chuh sugimthei in a, hunte leh dân chuh sukdanglam guo’n tin, hun khat leh hunte leh hun kimkhat sung chuh a khut u a piek hi’n a.