DANIEL 4:16 - PATHIEN LEKHABU THIENGTHO (BSI)

¹⁶ a lungthim chuh mihingte lungthim apat a sukzatchuom hi hen la, a kawmah gamsa lungthim piek hi hen la: a chung ah hun sagih chieh hen.

DANIEL 4:16 ပူးပေါင်းရင်းမြစ်များ

2 SAMUEL 18:32

Chun, leng chun Kush mi kawm achun, “Tangval Absalom chu a bitna hilo ahim?” a ti a. Chun, Kush mi chun a dâwng a, “Lengpa ka pu melmate leh na sietna hawlte chengcheng chu zie tangval bang chun um suok kêi u hen,” a ti a.

ISAI 6:10

Chun, ka kawmah, “Zie mite lunggil hi hih thim unla a bilteu sungawng unla, a mitteu sîn sak un; khutilochun, a mit un muu untin, a bil un zau untin, a lunggil un le heu untin, hung kihei kit untin, sukdam in um kha’n au,” a ti a.

DANIEL 11:13

“Chun, mâllam leng chuh vaikit intin, a masa sanga tamzaw sepaih pui khawm in a. A hun lemchâng tak achun sepaih tamzaw leh matchâk phazaw tawh hung kuon kit in a. Chun, hun tâwp, kum tâwp ngêi achun sepaihhawn nasa tak leh van tampi tawh hun zuon ina.

DANIEL 12:7

Chun, mi, patngatpuon a kivan a, luipi tui chunga umpa chun a khut changlam leh a khut veilam van lama zak dawkin, “Hun khat leh hunte leh hun kimkhat sung hi’n a; mi thiengthote sukgimtheihna a tawp tieng leh zie thil chengcheng hi hungtung kim ding ahi,” ti a kumsawt Pathien min sâla a kihâksiel chuh ka za a.

DANIEL 4:23

Chun, van apat a vânsâwlchâk thiengtho hung suk a, ‘Thing chuh phuk inla, sumangthai ah; amahvang chuh a bulsum, a bulbâl zung chuh lei nuoi ah um den sak in, thikkhau leh sumeng guia kân san gamlaka hampa hing dip dep lak achun taihsan in; tichun, van dâitui in chapchêk hen la, a chanvo chuh gamsa te tawh umkhawm hi henla; a chungah hun sagih a beih chanin,’ ti a hung kigen chuh lengpa chun a mu a.

DANIEL 4:25

Chungnung pên pa chun mihingte lalna gam ah thu a nei a, a deihsak taphawtte a pie sek hi tih na het ma chengin, mihingte lak apat nawhdawkin um in na tin, gamsate lak ah um inla. Tichun, kum sagih sung bâwngchal banga hampa peh sak in um na tin, van daitui in hun chap chek ding ahi.

DANIEL 7:25

Chun, Chungnung pên pa kalh in thu gen intin, mi thiengthote chuh sugimthei in a, hunte leh dân chuh sukdanglam guo’n tin, hun khat leh hunte leh hun kimkhat sung chuh a khut u a piek hi’n a.

DANIEL 7:28

Ziehi ka thilmuh chanchin tawpna chuh ahi. Kei, Daniel hi ka thilmuhte chun ei sulau mah mah a, ka mel a dângtha ta a, himahleh, ka lungthim in thu chuh ka vawp zing hi.

HEBRAI 1:11

Ziehaw chuh hung beimang intin, Nang vang chuh um den ding na hi; Silhlechen guolin hung lui untin,

THUPHUON 12:14

Tichun, thalek muna a umna a chuh a lên lut theihna dingin, numei chuh mupi lien tak tha lang nih hi a pieu a, zie tak a chuh kum thum leh a kim chuh, dragon in a dona apat a chuh bit taka etkawl a a um theihna dingin.