DANIEL 3:7 - PATHIEN LEKHABU THIENGTHO (BSI)

⁷ Khutichun zie a mipi chengcheng chun pengkunte, châmngaite, kingkangte, gawsemte, pekgitte, bajate leh thil githei chitin chengte git a vak zak u chun, mitin te, namtin te, pau tinte chun leng Nebuknezar milim tundawk chuh bawkkhup in chibai a bûk chiet tau a.

DANIEL 3:7 ပူးပေါင်းရင်းမြစ်များ

JEREMIA 51:7

Babulon chuh Lalpa khuta sana khawn, lei chung pumpi kham sakna chuh ahi; nam te chun a uain chuh a dâwn u a, zieziekchun namte lungthim chuh a chavai zo tai,

DANIEL 2:46

Ziephet chun leng Nebuknezar chuh a khupbawk a, Daniel chuh chibai a bûk a, a kawma chu thillat leh gimlimte hun pie dingin thu a pie ta a.

DANIEL 3:10

Nangin aw lengpa, mi kuole pengkun te, châmngaite, kingkangte, gawsemte, pekgitte, Bajate leh thil githei za taphawt in bawkkhup in sana milim chibai a bûk dinguh ahi;

DANIEL 3:4

Chun, ngeih tak in tângsam ahung kiko a, “Aw, mitinte haw, namtinte haw, pau tinte haw;

DANIEL 3:5

pengkunte, châmngaite, kingkangte, gawsemte, pekgitte, bajate, leh thil githei chitin cheng git na zak tieng u leh, leng Nebuknezar sana milim tundawk hi bawkkhup a chibai bûk dingin thupiek na hiu ui:

DANIEL 3:6

Tichun kuole bawkkhup a chibai bûk lo chuh, zie hun sung ngeia chuh hâltuina meipi a paih lut ding hi’n au,” ti’n.

DANIEL 3:8

Zie lai chun Babulon mi khenkhatte chuh a hung dingdawk u a, Juda mite chuh a hun hêk tau a.

NASEPTE 14:16

Amah chun, malai in, namtin, amau lampi chiet hawh a phalsak seka;

1 JOHAN 5:19

Khawvel pumpi hi zie Migilo vaihawmna nuoi a chuh um hi himahleh, Pathien a I hiu hi tih I he ngâl uh a.

THUPHUON 12:9

Chun, Dragon lien tak, gulpi têk, Diabol leh Setan a tih uh, khawvel pumpi thempa chuh a paih tha tau a. Tichun, amah leh a sawlchakte chuh leia paihthâk khawm in a um tau hi.

THUPHUON 13:14

Sahang masa mitmuh a melchikna hih dinga phalsak a a umna kha mang in, mi chengcheng a thêm sek a. Sahang, chemzâma liemsa, hung dam kit pa limbawlna ding chun, amah lim a siem dinguh a hii, ti’n a hilh sek a.

THUPHUON 13:3

Chun, sahang luchang khat chuh, thih pih kham hiela liem tawbang hin ka mu a, himahlele, a thih pih kham hiel dinga a liemna chuh a dam ta a. Tichun, leichung a micheng in zie chuh mak a sau a, sahang chuh a zui tau a.

THUPHUON 13:8

Tichun, lei chunga um chengcheng, lei kisiem tunga thahsa Belamno Hinna Lehkhabu a min zik loh taphawtte chun, Pathien ho tawbang in ho un au.

THUPHUON 17:8

Sahang na muh khah khatvei khah a hing a, himahleh, a hing zawm ta puoi. chun, thampikuo-âwng apat in hung pawtdawk intin, manthaina ah chieh ina. Leia mihingte, khawvel kisiem tung apat Hinna Lehkhabu a min kizik lote chun. sahang chuh a muh tiengu leh maksa’n dim un au. Khatvei khah a hing a; tu’n a hing kit ta puoh a; himahleh hung kilang kit ding ahi ngâl a.

THUPHUON 19:20

Tichun, sahang chuh a man uh a, thiemgau lêm, sahang melchikna nei leh, a lim note a lepbawl theihna dinga thilmak a mitmuh uh a hihpa khale a man tel uh a. A nih uh chun, mei leh kât a kâng dil achun a hingsan in a paih lut tau a.