DANIEL 3:28 - PATHIEN LEKHABU THIENGTHO (BSI)

²⁸ Chun, leng Nebuknezar chun thu a gen a, “Shadrak, Meshak leh Abednego te Pathien chuh pahchak in um hen: Amah chun a vânsâwlchâk a hun sawl a, a suokte, amah taksang leh nasemte chu a hukdawk a; zie mite hin a Pathien uh tihloh chuh pathien dang mawngmawng na a sep loh u a, chibai a bûk lohna dingun leng thupiek nasan le khawksa lo in amau hinna a pie ngam uh ahi.

DANIEL 3:28 ပူးပေါင်းရင်းမြစ်များ

PAWTDAWKNA 20:5

amau haw masanga chuh na kûn ding ahi puoh a, a nau le na sep ding ahi puoi: kei Lalpa na Pathien uh hi Pathien thikthusie, pate gitlohna zieka chate gawt sek, ei hawte chuh suon thumna leh suon lina chana gawt sek leh,

THUPHUON 12:11

Belamno thisan vang leh, thudik a hettuoksak thuu vanga guolzote a hiu a, a hinnau chan khawp leh thih ngama pang te a hi ngâl uh a.

ROME 12:1

Khutichun, suohpihte, Pathien khuotuohna vang hin, kithawihna hing leh thiengtho leh, Pathien pawm tâk hiding in na sapum u chuh na piek dingun ka hun nget na hiu hi; zie chuh na sep ding mawng uh ahi.

SAM LEHKHABU THE PSALMS 147:11

Himahleh, Lalpa chun amah kihchate chungah kipahna a nei sek hi. A zahngaihna kineppih te chung achun.

NASEPTE 5:19

Himahleh, zie zan chun, Lalpa vânsâwlchâk in suongkul kawtkhakhaw chuh a hun hawng a, sawlchakte chuh a puidawk a, a kawm u ah,

DANIEL 3:25

Leng chun, “En tiem u, mi li kikantawm lo a mei laka vak vielviel, na sa lo hielin ka mu a; a lina pên kilat dân chuh Pathiente Chapa lim tawbang mai in ka mui,” a ti a.

MATTHAI 4:10

Ziephet chun Isu’n a kawmah, “Setan, chiehmang kêi ah! ‘Lalpa na Pathien ho inla, amah na chauh sem in’ tih zik ahi ngâl a,” a ti a.

DANIEL 2:47

Leng in Daniel chuh a dâwng a a kawmah, “Zie thil kisel na phuondawk theih ziek hin na Pathien u chuh pathiente Pathien, latte lal, thil kiselte phuongdawkpa chuh a na hi ngêi hi,” a ti a.

SAM LEHKHABU THE PSALMS 62:8

Nang haw mipite haw, bangtik inle amah chu gingchau inla, Na lungthim u chuh a âng a chun sungthau in; Pathien chuh ei a dingin kihumbitna ahi. Selah

PHILIPPI 1:20

Ka utpen leh ka kinepna pên chuh, ka nasep ding hi thulh lo a, himahleh, hun tina, a diek takin tulai taka hi hansanna a ka dim a, ka thih in le, ka hin in le Krista chuh ka sapum a limbawl a a um theihna dingin.

ISAI 37:36

Tichun, Lalpa vânsâwlchâk chuh a va pawt a, Asuria te giehmun achun mi nuoikhat leh singgiet leh sangnga a that a, zingkal khuo a vak phet chun, ngaitie, mithi luong ngen cha a na um ta a.

2 KHANGTHUBU 32:21

Lalpa’n van sawlchak a sawl a, zie chun Asuria lengpa giehna mun a mihat hangsan chengcheng te, mapui lawiupa te chu a that a. Tichun zakcha tak melpu’n a gam lam ah a vaikit tai. Ni khat chu a pathien in a a va chieh lai in amah chate ngêi in chemzâm in a na that tau hi.

2 KHANGTHUBU 20:20

A zingkal kit matak chun, mipite chu Tekeo gammâng achun a chieh u a. A kipatdawk lai u chun, Jehoshaphat chun zie thu hin a na hopih a; “Juda leh Jerusalem a mite haw, Lalpa na Pathien uh chung a chun na ginnau ngau inla, dettak in dingun. A thiemgau in a hun hilh chu gingchau inla, lawhting ding na hiu ui,” tin.

1 PETER 1:21

Amah vanga, thihna apat kaithopa leh, lopina a puilutpa Pathien taksangte na hiu a; khutichun, na taksannau leh kinepnau chuh Pathien ah, sukdet a um ahi tai.

HEBRAI 11:37

Suong a seh in a um uh a, thing-âtna a ât bawtin a um uh a, belam vun leh kelvun silh in a vak vai hawn uh a, gimthei tak leh dahum taka sukgimtheih in a um uh a.

HEBRAI 1:14

Amau haw chuh thagau, Pathien nasem leh, hukdamna goluoh dinga a sawl dawkte chuh ahiu hi.

NASEPTE 4:19

Himahlele, Peter leh Johan chun a kawm u ah, “Pathien mitmuh in, Pathien thu zawp sangin nang haw thu zawp dik zaw ding ahi? ngaihtuoh un, a tiu a.

DANIEL 6:26

Ka gam awpna sunga mite chengcheng hin Daniel Pathien chuh lau in kilîng u hen, ti’n thupiek ka bawl ahi. “Amah chuh Pathien hing ahi a, kumlekhuo’n vaihawm intin. A lenggam chuh suksiet hi ngêi ta puo’n tin, a thilhih theihna chun tâwp nei ta puo’n a.

DANIEL 4:34

Chun, zie nite chuh a hung tawp phet chun, kei Nebuknezar in van lam ka vak en to a, tichun ka lungthim ngeina chuh ka hun pu kit ta a. Chungnung pên Pathien chuh ka pakcha a, limbawlna leh lopina chuh kumlekhuo a Hing zing pa kawm achun ka pie ta a. “Amah chun kumlekhuo’n vaihawm intin, a gam in tâwp tik ni nei puo’n a.

SAM LEHKHABU THE PSALMS 34:22

Lalpa chun a suokte hinna chuh a tandawk sek a: Amah a kingate chuh khatcha’n le thiemloh chang puo’n au.

SAM LEHKHABU THE PSALMS 33:21

A mah a chun I lungthim u hi a kipâk a, A min Thiengtho I ginchak ziek un.

SAM LEHKHABU THE PSALMS 33:18

Ngaitie, Lalpa mit chuh amah kihchate chunga chun a chu zing sek a, A zahngaihna kineppihte chunga chun;

EZRA 6:11

Thupiek ka piei, kuole zie thu sulamdang taphawt chuh a In a inkam bawhdawk sak hihen la, zie chun amah chuh kanden a khaihkang hi hen; tichun, a In chuh êk khûk a siem hi hen.

EZRA 1:3

Na lak u ah amah mite kuo a um em? Na lak u a Amah mite kieng achun Lalpa um hen! Tichun, Juda gama Jerusalem ah chieh to hen la, Jerusalem achun Lalpa Israel Pathien In ding sa hen. Amah chuh Pathien ahi ngâla.

1 KHANGTHUBU 5:20

Pathien achun a ginnau a ngau a, a kawma chun panpihna a ngên u a, tichun, Pathien in a ngetnau chu a dâwng a, Hagri te leh a kithuohpihteu chunga chun zawhna a pie ta a.

THILSIEMBUL 9:26

“Lalpa, Shem Pathien chuh pahchak in um hen la; Kanaan chuh a suok in um hen.

SAM LEHKHABU THE PSALMS 103:20

A vânsâwlchâkte haw, A thu ngaitha a, a thu zui sek, hatna a lopi te haw, Lalpa chuh pakchau un.

1 KORINTH 13:3

Ka neih chengcheng pie dawk vekin, ka sapum ngêi le kâng tum dingin kipie mahleng. hehpihna ka neih loh chun, kei dingin bangmah phachuom diek puo’n a.

ISAI 12:2

Ngaitie, Pathien chuh ka hukdamna ahi a, Amah taksang ing ka ting, lau puo’ng ka. Jehovah chuh ka hatna leh ka thilhih theihna ahi a, amah chuh ka hukdamna ahung hi tai, ti’n ahi.

ISAI 50:10

Na lak uh a kuo a Lalpa kihcha a, a suok thugen zawp a, thim laka chieh a, khutisa a chule Lalpa min gingcha a, a Pathien chunga kinga chuh?

DANIEL 6:16

Ziephet chun leng chun thu a pie ta a, Daniel chuh a hun pui u a, sakeibaknei kul achun a paih lut tau a. Leng chun Daniel kawmah, “Na Pathien, a na nasep zing sek pa chun hun hukdawk hen,” ti’n a gen a.