DANIEL 3:26 - PATHIEN LEKHABU THIENGTHO (BSI)

²⁶ Tichun, Nebuknezar chuh hâltuina meipi kawtkhak achun a chieh to a, “Shadrak, Meshak leh Abednego te haw, nanguh Chungnung pên Pathien suokte haw, hung pawt unla, zie hin hung un,” ti’n a vak hopih a. Tichun, Shadrak, Meshak leh Abednego te chuh mei lak apat chun a hung pawt tau a.

DANIEL 3:26 ပူးပေါင်းရင်းမြစ်များ

DANIEL 3:17

Ka Pathien uh, a na ka sep sek u chun hâltuina meipi apat in ei hukdawk thei ngâla, na khut apat inle, Aw lengpa, ei hukdawk mai ina. hâltuina mei apat in le ei hukdawk tei in a.

DANIEL 4:2

Chungnung pên Pathien in ka kawma tiemtehna leh thilmak a bawl hi ngaithau in.

THUPHUON 19:5

Chun, lalchutphah apat in aw a hung pawt a, “Nanguh, a sawntawlawi chengcheng te leh, a mipite, a lien leh a neu, amah ho chengcheng te haw, I Pathien uh chuh pakchau in!” a ti a.

GALATI 1:10

Ahih leh, tuhin, mihiem sukkipah guo ka him, Pathien sukkipah guo? Mihiemte kawma challat ut ka hi leh? Khutibanga hih ka na guot zing chun, Krista suok hilo ding ka hi.

NASEPTE 16:17

Zie nu chun, Paul leh kei uh ei zui a, “Zie mihaw, hukdamna lampi hun hilhte hi, Chungnung pên Pathien thu-awi ahiu hi,” ti’n a kiko a.

DANIEL 2:47

Leng in Daniel chuh a dâwng a a kawmah, “Zie thil kisel na phuondawk theih ziek hin na Pathien u chuh pathiente Pathien, latte lal, thil kiselte phuongdawkpa chuh a na hi ngêi hi,” a ti a.

ISAI 52:12

Kinawh taka chiehdawk ding na hi puou a; taisie a pawt ding le na hi diek puou hi; Lalpa chun na mau pui ding ahi a, chun, Israel Pathien chuh na nung dal uh a pang ding ahi.

JOSHUA 4:10

Chun, Mosi’n chun Lalpa thupiek bang taka mipite kawma hih dinga Joshua thu a piek chuh a hih zawh suok kêi mau chun thiempu bawm zawn te chuh Jordan lui lai achun a ding zing u a; tichun mipite chuh a kinawh u a, a galkai tau a.

JOSHUA 3:17

Chun, Israel te chengcheng chun lei hul chung a hawh u a, mipite chengcheng chuh Jordan lui a kaih suok macheng u chun, Lalpa thugawlh bawm zawn thiempute chuh Jordan lui lailung tak a chun a ding zing tau a.

NASEPTE 16:37

Himahlele, Paul chun a kawm u ah, “Rome mi ka hi ngâl u a, ka mawh u leh, ka mawh loh uh he lo in, vantâng mitmuh in ei zêp u a, suongkul ah ei khum u a; tuhin, a gûka sawl mang ei guou ahi maw? Hithei naisai puo’n a, amau haw mawng hung u hen la, ei hung puidawk u hen,” a ti a.

DANIEL 6:20

Chun, Daniel umna kul a tun phet chun kahpau kawmin a vak sama, “Aw Daniel, Pathien hing suokpa, na Pathien a na nasep zing chun sakeibaknei kul apat chun a hun hukdawk thei nam?” a ti a.

ISAI 28:16

Zieziekchun, Lalpa Pathien chun, “Ngaitiem u, Zion achun a ning a suong lul tak leh to tak ka lem hi, a ning achun suong detdo tak ka kawih a, a chung achun, ‘Amah gingcha taphawt chuh muolpho puo’n au,’ tih kizik chuh.

EZRA 5:11

“Chun, amau chun hiti hin ei dâwng u a, ‘Lei leh van Pathien suok te ka hiua, tumasang kum tamtak a Israel leng lopi tak te’n in a na sak uh tung ding kit ding te chuh ka hiu hi,’ a tiu a.

THILSIEMBUL 14:18

Chun, Salem leng Melkisedek, Pathien Chungnung pên Thiempu chun Abram kawm achun chângthâk leh uain a hun chawi a.

NASEPTE 27:23

Amah a ka hi a, a na ka sep sek Pathien vânsâwlchâk khat chuh tuzan khan ka kieng ah a hung ding a,

DAN NIHNA 4:20

Lalpa chun a mite, a go hiding in thik hâltuina apat, Aigupta gam apat chuh ahun puihdawk zawk na hiu hi, tu a na hih na bang u hin.

1 LENGTE 8:51

Na mi na goluoh, Aigupta gam apat, thik hâltuina sung apat a na puihdawkte ahi ngâl u a.

JEREMIA 11:4

Zie chuh na pileputeu Aigupta gama thik hâltuina mei apat a ka puih dawk ni a ka kamsuok ahi, ka thu zawp unla, ka thupiek chengcheng chuh zawp un, ti a ka thupiek chuh ahi. tichun ka mite hi’n na tin un, keile nang u dingin Pathien hi’ng ka.

DANIEL 7:25

Chun, Chungnung pên pa kalh in thu gen intin, mi thiengthote chuh sugimthei in a, hunte leh dân chuh sukdanglam guo’n tin, hun khat leh hunte leh hun kimkhat sung chuh a khut u a piek hi’n a.

SAM LEHKHABU THE PSALMS 66:12

Nangin ka lu chung uh ka melmateu na tawh den saka; Tui leh meipi lak ah ka chieh pai u a; tichun, mun hausa taka lut dingin nei puidawk ta a.

DANIEL 6:21

Daniel chun a dâwng a, “Aw lengpa, kumlekhuo’n dam in,