DANIEL 3:17 - PATHIEN LEKHABU THIENGTHO (BSI)

¹⁷ Ka Pathien uh, a na ka sep sek u chun hâltuina meipi apat in ei hukdawk thei ngâla, na khut apat inle, Aw lengpa, ei hukdawk mai ina. hâltuina mei apat in le ei hukdawk tei in a.

DANIEL 3:17 ပူးပေါင်းရင်းမြစ်များ

THILSIEMBUL 17:1

Chun, Abram chuh kum sawmkuo leh kum kuo mi ahih in, Lalpa chuh a kawmah a hung kilak a, a kawmah, “Kei, Pathien Bangkim bawlthei ka hi; ka masang ah um inla pha bukim in um in.

THILSIEMBUL 18:14

Lalpa a dingin thil bangkim a haksa taluo a um a ahim? Hun tiem ahung tun phat chuleh na kawmah hungkit ing ka ting, chun Sara’n chapa nei ina” a ti a.

JOB LEHKHABU THE BOOK OF JOB 34:29

Amah chuh a na thip ta leh kuo a thiemloh chan sak ding? A mel a sel phat leh kuo a mu thei ding? Nam pumpi ding leh mimal a dingin le akibang gêl gêl hi.

JOB LEHKHABU THE BOOK OF JOB 5:19

Buoina gup ah hun hukdawk intin, Ahi, sagih ah, thil phalo mawng mawng in hun sukha ta puo’n a.

SAM LEHKHABU THE PSALMS 115:3

I Pathien u chuh van ah a um ngâl a: A ut taphawt a hih a.

SAM LEHKHABU THE PSALMS 37:39

Amahvang chuh mi diktat te hukdam na chuh Lalpa kawm apat hi’n a. A mah chuh lungkham laia a kulhsang uh ahi sek a.

SAM LEHKHABU THE PSALMS 37:40

Lalpa’n amau chuh a panpih a humbit sek hi, Amah a chuh a puklut ziekun, Mi nunsie lak achun humbit in a hukdam sek hi.

SAM LEHKHABU THE PSALMS 73:20

Mi a khanlawh nunga mang a ngaihtam u tawbang in, Aw Lalpa na halh tieng leh amau haw lauhna chu ngaidau in la.

ISAI 12:2

Ngaitie, Pathien chuh ka hukdamna ahi a, Amah taksang ing ka ting, lau puo’ng ka. Jehovah chuh ka hatna leh ka thilhih theihna ahi a, amah chuh ka hukdamna ahung hi tai, ti’n ahi.

ISAI 54:14

Diktatna a phuhdet hi’n na tin; Sukgimtheihna leh lauhna apat chun bit takin um in na tin; tizatna chuh gamla tak ah um ta’n tin, hun naih talo ding ahi.

JEREMIA 1:8

Amau haw chuh lau ki’n la, Nang hun hukdawk dingin na kawmah ka um zing hi,” tih hi Lalpa kamsuok ahi.

JEREMIA 15:20

Chun, zie mite a ding hin sumeng kulhpi’n hun siem ing ka ting, hun do un tin, mahleh hun zo puo’n au. Hukdam ding leh hukdawk dingin na kawm u ah ka um ngâl a,” tih hi Lalpa kamsuok ahi.

JEREMIA 15:21

Chun, minunsiete khuta kipat chun hun tandawk ing ka ting, chun, hehpihna neilote khut apat hun hukdawk ing ka.

DANIEL 3:26

Tichun, Nebuknezar chuh hâltuina meipi kawtkhak achun a chieh to a, “Shadrak, Meshak leh Abednego te haw, nanguh Chungnung pên Pathien suokte haw, hung pawt unla, zie hin hung un,” ti’n a vak hopih a. Tichun, Shadrak, Meshak leh Abednego te chuh mei lak apat chun a hung pawt tau a.

DANIEL 4:35

Chun, leichung luoh cheng chengte hi bangmahlo a ngaih ahiu a; Vana vânsâwlchâkte leh lei chunga mi chengcheng hi, a thuneihna nuoia um vek ahi ngâl a. A thilhihte kuoma’n a nang thei puoh a, bangmah a gen thei diek puou hi.

DANIEL 6:16

Ziephet chun leng chun thu a pie ta a, Daniel chuh a hun pui u a, sakeibaknei kul achun a paih lut tau a. Leng chun Daniel kawmah, “Na Pathien, a na nasep zing sek pa chun hun hukdawk hen,” ti’n a gen a.

DANIEL 6:23

Ziephet chun leng chuh a kipâk ta mah mah a, Daniel chuh sakeikul apat a lâkdawk ding thu a pie ta a. Tichun Daniel chuh sakeikul apat chun a ladawk u a; Pathien a taksan ziekin suknat in a um puoi tih a mu tau a.

DANIEL 6:27

Amah chun a humbit a, a hukdawk a; lei leh van a hin melchiknate leh thilmakte a hih a; amah hi sakeibaknei thilhih theihna apat a Daniel hukdawkpa chuh ahi,” ti’n.

MIKA 7:7

Himahleh, ken vang chuh Lalpa lam en ing ka ting, ka hukdamna Pathien chuh ngak ing ka. Ka Pathien chun ei ngaitha ding ahi ngâl a.

LUKE 1:37

Pathien kamsuok. himhim thilhih theilo in um puo’n a,” a ti a.

NASEPTE 20:24

Himahlele, kitaihsiekna lampi, ka maban muolsuoh ding leh, Pathien lungsietna Chanchin Pha phuong dinga Lalpa Isu’n nasep ding ei piek chuh sem buting phawt leng, ka hinna le thaklah takin ka ngai puoi.

NASEPTE 21:13

Himahleh, Paul chun, “Bang na tiu a ahim, na kah na kah uh a, ka tha na suksiet uh? Lalpa Isu min ziek chun, Jerusalem khuo ah kân maicha hi puo’ng ka ting, thih le hung thi ding ka hi a puo!” a ti a.

ROME 8:31

Zie thu haw achun banga I gen tâk ding u leh? Pathien ei u lama a pan chun kuo a ei do thei ding?

2 KORINTH 1:10

Zie Pathien chun, khutibang thihna ding, lauhthawng-um, tizat-um tak lak apat chun ei hukdawk ta a; ei hukdawk kit intin; amah a ginna I ngak ziek u chun, ei hukdawk kit zel ding ahi;

HEBRAI 7:25

Zieziekchun, amah zieka Pathien kawma hungte chuh a tâwp chanin a hukdam thei a, amau haw sik gensak dinga kumkhuo a a hin zing ziekin.

1 SAMUEL 17:37

Chun, David chun, “Sakeibaknei khut apat leh savawm khut apat ei hukdawkpa Lalpa chun zie Philistia pa khut apat hin ei hukdawk ina,” a ti a. Chun, Saul chun David kawmah, “Chieh ta leh, Lalpa’n hun umpih hen,” a ti a.

1 SAMUEL 17:46

Tuni hin Lalpa’n ka khuta nang hi ei pie ding ahi, hun that ka ting na lu la ding ka hi; chun Philistia sepaihte luong haw chu tuni hin chung leng vachate leh gamsate pie’ng ka ting; tichun mi cheng chengin Israel gam ahin Pathien a um hi tih hun hethei untin,