DANIEL 3:15 - PATHIEN LEKHABU THIENGTHO (BSI)

¹⁵ Tuhin, pengkunte, châmngaite, kingkangte, gawsemte, bajate, pekgitte, leh thil githei tincheng na zak tiengu leh bawkkhup a ka milim siem chibai na bûk u chun phan tin: chibai na bûk loh uh le vang chuh zie hun mah mah chun hâltuina meipi a paih lut hi’n lau: ka khut apat nang haw hun hukdawk thei ding pathien dang um dingin na gingchau em?” a ti a.

DANIEL 3:15 ပူးပေါင်းရင်းမြစ်များ

NASEPTE 5:29

Himahlele, Peter leh sawlchak dangte chun, “Mihiem thu sangin Pathien thu ka zawp zawk dinguh ahi.

DANIEL 3:17

Ka Pathien uh, a na ka sep sek u chun hâltuina meipi apat in ei hukdawk thei ngâla, na khut apat inle, Aw lengpa, ei hukdawk mai ina. hâltuina mei apat in le ei hukdawk tei in a.

2 LENGTE 18:35

Gam tin pathien chengcheng laka khan, kuo a, a gam uh ka khut apat a hukdawk kha? Lalpa chun Jerusalem a hukdawk thei hi tih hi, bangin a hun ngaihtuoh sak ahim?” ti’n a ti a.

PAWTDAWKNA 5:2

Pharaoh chun, “Lalpa chuh kuo ahi a, a thu ka zawpa Israel suonte ka vak pawtsak mai ding ahim? Lalpa chuh ka he puoh a, chun Israel chate le pawtsak puo’ng ka,” a ti a.

NASEPTE 4:19

Himahlele, Peter leh Johan chun a kawm u ah, “Pathien mitmuh in, Pathien thu zawp sangin nang haw thu zawp dik zaw ding ahi? ngaihtuoh un, a tiu a.

MARK 13:11

Chuleh, a hun mat u a, vaihawmna In a a hun puih hun u leh, bang ka gen die aw ti’n ngaihtuoh khawl kiu in, a hun taka hung kipie chuh gen zawu un. A gen ding chuh nanguh hilo in, Thagau Thiengtho hi zaw ding ahi ngâl a.

DANIEL 6:16

Ziephet chun leng chun thu a pie ta a, Daniel chuh a hun pui u a, sakeibaknei kul achun a paih lut tau a. Leng chun Daniel kawmah, “Na Pathien, a na nasep zing sek pa chun hun hukdawk hen,” ti’n a gen a.

NASEPTE 6:15

Chun, vaihawmna a chute chengcheng chun Stephan chuh a changtak in en zing u a, a mel chuh vânsâwlchâk mel guolin a muu hi.

LUKE 13:9

Tichun, kum kit leh a gah lele pha’n tin, a gah loh hiel leh phuk na’n la,’” a ti a.

LUKE 12:11

“Kikhawpna In ahim, gam vaipawte masang ahim, vaihawmte masang ahim a, thutan sak dinga a hun puih tieng u leh, bang thu a dâwng ding ka him, tih leh, bang ka gen die aw! tih ahim in lungkham kiu in.

DANIEL 6:20

Chun, Daniel umna kul a tun phet chun kahpau kawmin a vak sama, “Aw Daniel, Pathien hing suokpa, na Pathien a na nasep zing chun sakeibaknei kul apat chun a hun hukdawk thei nam?” a ti a.

ISAI 37:23

Kuo ahi na sukminsiet a na gensiet chuh? Kuo chungah ahim na aw na suksan a na mit na chung hah? Israel Pathien Thiengtho chung ngêi ah ahi.

PAWTDAWKNA 32:32

Mahleh, tuhin a gitloh uh na ngaidam thei dem? A theih loh ding le vang na lehkhabu a ka min na ziksa kha thaimang dingin ka hun ngên hi,” a ti a.

MATTHAI 27:43

Pathien a taksang hilo maw, a nawp chun, tuhin hukdam hen; Pathien Chapa ka hi, a ti ngâl a,” a tiu a.

MATTHAI 10:19

Himahlele, a hun matsak tieng u chu leh, ‘Bangti’n a, bang thu a ka gen ding?’ ti’n lungkham kiu; na gen ding u chuh a hun taka hetsak a um ding na hi ngâl u a.

DANIEL 2:9

Ka kawm apat in thu chuh a pawt tai tih na heu hi, mang um zie chuh nei hilhchet theih loh u chun nang u a dingin dân khat mai a um hi; lepchieh gen kuol a ka ma a gen ding zuou thu leh thu mantheihlo na guonggalh uh ahi hi: khutichun, mang chuh ei hilh un, chun, a um zie le nei etsak thei ui tih he ding ka hi,” a ti a.

DANIEL 2:47

Leng in Daniel chuh a dâwng a a kawmah, “Zie thil kisel na phuondawk theih ziek hin na Pathien u chuh pathiente Pathien, latte lal, thil kiselte phuongdawkpa chuh a na hi ngêi hi,” a ti a.