DANIEL 3:1 - PATHIEN LEKHABU THIENGTHO (BSI)

¹ Leng Nebuknezar chun sana milim, a san lam tawng sawmgup, a vai lam tawng gup a lien a siem a, Babulon gamsung a Dura phaizawl ah a kawih a.

DANIEL 3:1 ပူးပေါင်းရင်းမြစ်များ

1 LENGTE 12:28

Khutichun leng chun lemguotpih ding a pui a, sana bâwngno nih lim a siem a; a kawm u ah chun, “Nanguh a dingin Jerusalem a va chieh hi a haksa taluoi; Aw Israel te haw, entiem u, na Pathien uh, Aigupta gam a kipata nanguh hun puidawk pa hih,” a ti a.

ESTHER 1:1

Leng Ahasuer a lal lai in hiti hi a hung hi a (Ahasuer chuh India apat a Ethiopia chana gambung za leh sawmnih leh sagih chung a leng ahi a).

SAM LEHKHABU THE PSALMS 135:15

Namte milim pathien chu sana leh dangka ahiu a, Mihiem khutsuok ahiu hi.

PAWTDAWKNA 20:23

Pathien dang himhim chuh ka kieng ahin na hun neih loh dinguh ahi; dangkaguo pathien, sana pathien ahim na kisiem loh dinguh ahi.

PAWTDAWKNA 32:31

Tichun, Mosi chuh Lalpa kawm achun a va chieh kit a, “Aw, zie mipite hin thil gilo huoisie tak a na hih tau a, sana pathiente chuh a na kisiem tau a.

ISAI 2:20

Zie ni chuleh mite’n a dangkaguo milimteu leh a sana milimteu, ho dinga a siem sekteu chuh buihaw leh bâkhaw kawmah paih un au.

ISAI 30:22

Zie tieng chuleh, dangka tui luon khuma na milim siem uh leh, sana tui luon khuma na milim sun uh chuh paihmang un na tin, a kawma chun, “Ka mit muh phâk loh uh ah chieh mang un,” ti’n lau.

ISAI 46:6

Mite chun a dangka dipteu hawng in, sanate a bun dawk sek uh a; a dangkaguoteu chuh a tehdawk sek uh a, tichun, pathien siem dingin dangkaguo sêkte a guoi sek uh a; chun, a masanga khupbawk in a ho sek u a!

JEREMIA 10:9

Tarshis apat in dangkaguo kisêk haw chuh a hun puou a; Uphaz apat in sana le, mi themthiem te siem, sana sêk pa khut suok chuh; a silhlechen dingun a dum leh a sandup ahi a; mi khutthiemte siem vek ahi.

JEREMIA 16:20

Mi’n amah a dingin pathiente a kisiem theih a ahim? ziehaw chuh pathien a hi puou chu la.

DANIEL 2:48

Tichun leng chun Daniel chuh limbawlna sang tak a pie a, thilpiek lopi tamtak le a pie a; Babulon gam pumpi a vaihawm ding leh, Babulon miching te chengcheng chunga lawiupa hi dingin a siem ta a.

DANIEL 2:49

Chun, Daniel in a nget bangin leng chun Shadrak, Meshak leh Abednego te chuh Babulon gamsung a lawiupa dingin a kawih ta a, Daniel chu vang leng vaihawmna In achun a um zing zaw ta a.

DANIEL 3:14

Nebuknezar chun a kawm u ah, “Shadrak, Meshak, Abednego te, ka pathien na sem lo a, ka sana milim tundawk hi chibai a bûk puou hi tih hi adik ahim?

DANIEL 3:30

Tichun, leng chun Shadrak, Meshak leh Abednego te chuh Babulon gambungte achun dinmun sangzaw ah a kaihsan sak chiet tai.

DANIEL 5:23

Van Lalpa chung achun na kikawihsang zaw ta a; a Ho-In a umlebelte chuh na masangah a hun chawi u a, zie chuh nang leh na miliente leh na ziteu leh na meiteu tawh uain dawnna’n na mang u a, dangkaguote, sanate, sumeng te, thikte, thingte, leh suonghaw a siem pathien, mu theilo, za theilo leh ngaitha thei lote chuh na limbawl zaw tau a. Pathien, na hin leh thih ding hun guonggalh sakpa leh na thilhih chengchenga hun enkawlpa chuh na zah ta puoh a.

DANIEL 5:4

Uain chuh a dâwn u a, sana te, dangkaguote, sum-engte, thik te, thing leh suongte a siem pathiente chuh a pakcha ta dul dul mai u a.

HOSEA 2:8

Buhte, uain te, thau te, sana leh dangka ka hihpun sakte hi, sana, Baal a ding a a mat haw tawh kei piek ahi tih a he puoh ngâl a.

HOSEA 8:4

“Kei guot sak hilo in, amau in leng a kisiem uh a. Pha ka sakpih loh in lawiupa ding a kisiem uh a. A manthaina dingun, dangkaguote leh a sanateu in milim a kisiem u a.

HABAKKUK 2:19

Thing bawng kawma, “Tho ah,” ti a, suongtum kawma, “kipan dawk ah,” tite chung chuh a gik hi! Milim pathien chun na kawmah phuon a nei ta’m? Ngaitie, sana leh dangkaguo a zut zawl ahi a, amah a chun hinna a um puoh ngâl a.

NASEPTE 17:29

Khutichun, Pathien suonte I hih tâk nung un, Pathien hihna chuh, sana, dangka, suong leh, mihiem themthiem leh lemguot a sekte tawbang hi ahim tih I ginchak dinguh ei puoi.

NASEPTE 19:26

Zie Ephesi khuo mai ahin hilo in, Asia gamsung cheng hiel ale, Paul hin, khut a siem pathien haw hi Pathien ahi puoi, ti’n mi tamtak a thempai a, a zui tau hi tih nangmau ngêi in na muu a na he tau hi.

DAN NIHNA 7:25

A pathienteu lim a siemkawm hawu chuh meia na hâltum dinguh ahi; milim chunga dangkaguo ahim sana ahim chuh na utchak dinguh ahi puoh a, nanguh dinga na kilak loh hiel dinguh ahi, khutilochun âwk kha kha’n lau; Lalpa na Pathien u ngaih in thil tenum ahi ngâl a:

THUPHUON 9:20

Chun, mihiem, zie gawtna a suklup mâwkte chun, thithate leh, sana milimte, dangka milim te, sumeng milimte, suong milim te, thing milim te, bangmah mu thei lote leh za theilo, chieh thei diek lote a ho tâk lohna dingun, amau haw khut mâwnga a thil siemteu chuh a tâng diek puou hi.