DANIEL 2:47 - PATHIEN LEKHABU THIENGTHO (BSI)

⁴⁷ Leng in Daniel chuh a dâwng a a kawmah, “Zie thil kisel na phuondawk theih ziek hin na Pathien u chuh pathiente Pathien, latte lal, thil kiselte phuongdawkpa chuh a na hi ngêi hi,” a ti a.

DANIEL 2:47 ပူးပေါင်းရင်းမြစ်များ

DANIEL 2:28

Mahleh thil kiselte phuong theipa Pathien chuh van ah a um a, leng Nebuknezar hi tunung a thil hung um dingte a hetsak ahi hi. Na mang leh na kuol laia na muh kilâknate chuh ziehaw hi ahi:

DANIEL 2:22

Thil thuk leh thil kiselte a sulang a; thima umte le a he a, amah chuh vak chun a ûmkimvel ahi.

AMOS 3:7

Bangakai chunga Lalpa chun, a suok thiemgaute kawma a thuguk phuong lo in bangmah a hih ngei puoi.

DANIEL 11:36

“Chun, leng chun a nawp nawpin thil hih intin, amah kichawisang intin, pathien dangte sanga lienzaw leh, pathiente Pathien sanga lienzaw’n hung kikawih in a. Zie tawbang thil chu Pathien in a gawtna hun a tun macheng chu hih thei in a. Pathien in a thil guonggalh lawksa chu hun hih ngêi ding ahi ngâl a.

DAN NIHNA 10:17

Lalpa na Pathien u hi pathiente Pathien, lalpa te Lalpa, Pathien lopi tak, hât tak, tizat-um tak, deihsak chuom neilo leh gawlhgukna le la khalo ahi ngâla,

THUPHUON 19:16

A puon leh a malpi achun, “LENGTE LENG, LALTE LAL,” ti a min kizik a um a.

THUPHUON 17:14

Ziete haw chun Belamno chuh do un tin; himahleh Belamno chun, a telte, leh amah nungzui ginumte chu tawh amau chuh zo unau; amah chuh Lalte Lal leh, Lengte Leng a hih ziekin,” ti’n.

THUPHUON 1:5

Isu Krista, thu hetpih taksanum tak, mithi lak apat a kaihthawh a um masapen ding pa leh, leia lengte vaihawmpa kawm apan chun A lungsietna leh chamna na kawm u ah um hen. Ama’n ei hehpih a, a thisan in I gitlohnau apat ei tandawk a,

1 TIMOTHE 6:15

Zie kilâkna chuh a hun tak achun, Pathien, vangsaka um, Thuneipa khat mai, Lengte leng leh Lalte lal chun hun sulang ina.

DANIEL 2:37

Aw lengpa, nang hi lengte leng, van Pathien in lalgam te, thilhih theihnate, hatnate, lopinate a piek chuh na hi a.

SAM LEHKHABU THE PSALMS 136:2

Aw pathiente Pathien kawm achun kipahthu gen unla: A zahngaihna chuh kumlekhuo a um ding ahi ngâl a.

SAM LEHKHABU THE PSALMS 82:1

Pathien chun Pathien vaihawmna siem achun ma a pui a; Amah chun pathiente laka chun vai a hawm a.

SAM LEHKHABU THE PSALMS 72:11

Ahi, leng chengcheng chuh a masang ah khupbawk u henla; Chun, namtin chengin a na sem u hen.

THILSIEMBUL 41:39

Pharaoh mah chun Joseph kawmah, “Pathien in ziehaw chengcheng chuh a hun hetsak ziekin, nang banga pil leh ching hi a um himhim puou hi;

DANIEL 4:32

Mihing lak apat a nawhdawk hin na tin, gamsate lak ah um in na tin, bâwngchal guolin hampa pet ding na hi a, na chungah hun sagih bei ina. Chungnung pên pa chun mihingte lalna gam ah vai a hawm a, a deihsak taphawtte kawmah a pie sek ahi tih na het ma cheng chun,” ti’n.

DANIEL 4:17

Ziehi vânsâwlchâk, kigingsa leh kiguozo sa a hungsuk pa thutanna chuh ahi. Chungnung pên pa chun mihingte lalna gam chungah thu a nei a, a deihsak taphawt a pie a, mi nuoinung pente le gam chuh a luoh sak sek hi tih mihingte’n a hetna dinguh ahi,’ ti’n a kiko a.

DANIEL 2:19

Chun, zie thuguk chuh zan kilâkna ah Daniel kawmah suklat in a hung um ta a. Tichun Daniel chun Van Pathien chuh a pakcha ta a:

JOB LEHKHABU THE BOOK OF JOB 12:19

Amah chun thiempute chuh ngawnchang in a puimang a, Mihatte chuh a paih tha a.

JOSHUA 22:22

“Lalpa, pathiente Pathien! Lalpa, pathiente Pathien chun a he a, Israel ten le heu hen; ka maichâm siem uh hi Lalpa kiheisan guo a kiphin guotna ahim, thilhihkhelh guotna ahim a siem ka hih u chun, tuni hinle ei hâwi dah mai un.

DANIEL 4:25

Chungnung pên pa chun mihingte lalna gam ah thu a nei a, a deihsak taphawtte a pie sek hi tih na het ma chengin, mihingte lak apat nawhdawkin um in na tin, gamsate lak ah um inla. Tichun, kum sagih sung bâwngchal banga hampa peh sak in um na tin, van daitui in hun chap chek ding ahi.

1 KORINTH 14:25

a ngaihtuohna thuguk cheng chuh suklatin um ta’n tin, tichun, khupbawk in Pathien chibai kawmin, “Na lak uh ahin Pathien a um tak zet hi!” ti’n phuong ina.

SAM LEHKHABU THE PSALMS 136:3

Aw, lalpa te Lalpa kawmah kipahthu gen un la: A zahngaihna chuh kumlekhuo a um ding ahi ngâl a.

EZEKIEL 26:7

Lalpa Pathien chun hiti hin a ti ngâla: Ngaitie, Tura do dingin mâllam apat in Babulon lengpa, Nebuknezar, lengte leng chuh sakawl haw tawh, kidona kangtalai haw tawh, sakawl sepaih haw tawh, sepaih tamtak tawh hun pui ding ka hi.

DANIEL 2:29

“Aw lengpa, nang chun na zalkhun a na kuol lai in tunung a thil hung um ding te chuh na ngaihtuoh a, thil kiselte phuong sek pa chun tunung a thil hung um dingte a hun hetsak ahi.

DANIEL 2:30

Tuhin kei hin mi dangte sanga chitna ka neih zieka zie thil kisel hi ka kawma phuon ahi puoh a, leng kawma a hilhchetna hetsak dingin ahi zawi; na lungthima na ngaihtuohte chuh na het theihna dingin.

DANIEL 3:15

Tuhin, pengkunte, châmngaite, kingkangte, gawsemte, bajate, pekgitte, leh thil githei tincheng na zak tiengu leh bawkkhup a ka milim siem chibai na bûk u chun phan tin: chibai na bûk loh uh le vang chuh zie hun mah mah chun hâltuina meipi a paih lut hi’n lau: ka khut apat nang haw hun hukdawk thei ding pathien dang um dingin na gingchau em?” a ti a.

DANIEL 3:28

Chun, leng Nebuknezar chun thu a gen a, “Shadrak, Meshak leh Abednego te Pathien chuh pahchak in um hen: Amah chun a vânsâwlchâk a hun sawl a, a suokte, amah taksang leh nasemte chu a hukdawk a; zie mite hin a Pathien uh tihloh chuh pathien dang mawngmawng na a sep loh u a, chibai a bûk lohna dingun leng thupiek nasan le khawksa lo in amau hinna a pie ngam uh ahi.

DANIEL 3:29

“Zieziekchun mitin, namtin, pau tin in, Shadrak, Meshak leh Abednego te Pathien chunga thu phalo gen taphawt chuh sat nêl hiu intin, a inteu chuh thilsie kawihkhâwm tawbanga siem in um un au tin thupiek ka siem ahi: zie tawbanga hukdawk thei pathien dang mawng mawng a um puoh ngâl a,” a ti a.

DANIEL 5:11

Na gama hin mi khat, amah a pathiente thagau umna a um a, na pa hun lai haw khan le pilnate, hetthiemnate, chitnate, pathiente chitna bang mai amah achun a um hi tih het ahi a; aw lengpa, leng Nebuknezar na pa ngêi chun mitvaidawi thiemte, aisânthiemte, Babulon mi, aksi lam thiemte lawiupa’n a siem a;

2 LENGTE 5:15

Tichun, amah leh a lawite cheng chu Pathien mi umna lam achun a vaikit tau a, a masangah a va ding u a, a kawmah, “Tuhin, Israel Pathien tih loh hi, lei chung chengcheng achun pathien dang a um puoi, tih ka he tau hi; zieziekchun, lungsiet takin hepu, kipahman hi la tie!” a tiu a.

SAM LEHKHABU THE PSALMS 96:4

Lalpa chuh a lopi a, nasa taka pahchak ding ahi; Amah chuh pathien chengcheng sanga kihchak ding ahi.