DANIEL 2:44 - PATHIEN LEKHABU THIENGTHO (BSI)

⁴⁴ Chun, zie lengte nihaw achun lalgam hun tungdawk in tin, zie chuh sie ngei ta puo’n tin, a lalna le midang a ding a nutsieh hi puo’n a. Zie lalgam chengcheng hi hihgawp in, hih mang zaw’n tin, kumkhuo’n ding zing ina.

DANIEL 2:44 ပူးပေါင်းရင်းမြစ်များ

MATTHAI 28:18

Tichun, Isu chuh a kawm u ah a hung a, a kawm u ah, “Lei leh van a thuneihna chengcheng ka kawma piek ahi tai.

SAM LEHKHABU THE PSALMS 145:13

Na lalgam chuh kumlekhuo lalgam ahi a, Na thuneihna chuh khang um lai chan in um zing ina. Lalpa chuh a thugen taphawt achun a ginum a, a thilhih cheng achun zahngaihna a dim ahi.

DANIEL 6:26

Ka gam awpna sunga mite chengcheng hin Daniel Pathien chuh lau in kilîng u hen, ti’n thupiek ka bawl ahi. “Amah chuh Pathien hing ahi a, kumlekhuo’n vaihawm intin. A lenggam chuh suksiet hi ngêi ta puo’n tin, a thilhih theihna chun tâwp nei ta puo’n a.

MIKA 4:7

Tichun, kêngbâi chuh suohchak sak ing ka ting, gamla taka nawhmang a umte chuh nam lopitak a siem ding ka hi.

THUPHUON 11:15

Chun vânsâwlchâk sagihna chun a pengkun chuh a vak mût a, tichun, van apat in aw ngeih tak in, “Khawvel gam hih I Lalpau leh Krista gam a hung hi tai, amah chun kumkhuotuong in vaihawm ina!” a hun ti a.

DANIEL 7:27

Tichun, lei chunga lalgam chengcheng thuneihna leh lopina chuh, Chungnung pên pa Pathien mite kawma chuh piek hi ta’n a. A lalgam chuh tâwp ta puo’n tin, lei chunga vaihawmte chengcheng in a nau sep sak un tin, a thuu zawp ta’n au.” ti’n.

DANIEL 4:34

Chun, zie nite chuh a hung tawp phet chun, kei Nebuknezar in van lam ka vak en to a, tichun ka lungthim ngeina chuh ka hun pu kit ta a. Chungnung pên Pathien chuh ka pakcha a, limbawlna leh lopina chuh kumlekhuo a Hing zing pa kawm achun ka pie ta a. “Amah chun kumlekhuo’n vaihawm intin, a gam in tâwp tik ni nei puo’n a.

ISAI 60:12

Na nau sem nuom lo namte leh lalgam chuh mangthai ding ahi ngâl u a, ahi, zie namte chuh huoisie taka sukmangthai in um un au.

DANIEL 4:3

“Pathien in thilmak ei etsak te chuh a nasa na e! A lalgam chuh kumkhawtuong lalgam ahi a; Kumlekhuo’n Pathien chuh leng in chu’n tin; kumsawt in vaihawm in a.

DANIEL 2:37

Aw lengpa, nang hi lengte leng, van Pathien in lalgam te, thilhih theihnate, hatnate, lopinate a piek chuh na hi a.

THILSIEMBUL 49:10

Leng mawlh chuh Juda apat chun mang puo’n tin, Vaihawmna mawlh chule a kengkal apat in mang diek puo’n a; Shiloh hung masangsieh chun; chun, namtin in amah thu awi un au.

DANIEL 2:28

Mahleh thil kiselte phuong theipa Pathien chuh van ah a um a, leng Nebuknezar hi tunung a thil hung um dingte a hetsak ahi hi. Na mang leh na kuol laia na muh kilâknate chuh ziehaw hi ahi:

EZEKIEL 37:25

Na pileputeu ana chênna. ka suok Jakob kawma ka piek gam achun cheng intin un: zie tak achun kumkhuo’n cheng un tin, amau leh a chateu, a chateu chate le: ka suok David chuh kumkhuo’n a leng uh hizing ta’n a.

THUPHUON 2:27

Chun, namte chunga thik tienga vaihawm ding leh, lei bel banga sunel dimdem dingin thuneihna pie’ng ka.

JOHAN 12:34

Mipite chun a dâwng u a, “Ka Dan Lehkhabuu chun, Krista chuh kumlekhuo’n hing zing ina, ti’n ei hilh a puo! Aleh, bangti dana, nangin Mihiem Chapa hi khaihkang a um ding ahi na tih a? Zie Mihiem Chapa chuh kuo a hi?” a tiu a.

DANIEL 8:25

A chitgukhahna ziek chun, a mi thepna lam achun lawhting zel in a. A lungthim chun amah leh amah kingaisang intin, hetsak masakna um lo in mi tampi sumangthai in a. Lengte leng kilanpih intin, himahleh khut hilo a sukbawt in um ina.

DANIEL 2:34

Chun, na et zing lai chun, kuomah sukkhak loh a suong hung kilik khat hin zie milim, a kêngpêk thik leh bellei chuh a vak delh a, a delh ngiem dimdem ta a.

HEBRAI 12:28

Khutichun, lalgam suklîng zawh loh I chan ziekuh hin kipâk hitiu. Zieziekchun, zah leh ginggek kawmin Pathien kipah lam nasem hitiu.

DANIEL 2:35

Tichun, thikte, bellei te, sumeng te, dangkaguote leh sanate chuh a bawnin a gawp dimdem ta a, nipi laia phuol a buhsi kithit bang mai in a um ta a. Huih in ziehaw chuh a tawkmang ta a, a umnau mun himhim het ahi ta puoi. Himahleh suong, milim delh khum pên chuh tâng lienpi a hung suok a, tichun lei pumpi hi a dim ta a.

DANIEL 2:43

Chun, thik leh tung nem kihel na muh bang ngêi khan amau haw chuh mihing chichuom chuom kihel hiu untin; himahleh thik leh tung a kihel taktak theih loh bangin kizawm det taktak thei puo’n au.

HAGGAI 2:7

Namtin te chuh paih tha’ng ka ting, a hauhsakna teu chuh zie tak a hin puok lut in um intin, tichun, zie In hi lopi na’n su dim ing ka, Sepaih hawnte Lalpa chun a tii.

2 SAMUEL 7:13

Amah chun keia dingin Ho-In sa’n tin, a lalchutphah chu kumlekhuo a dingin hih det ing ka.

2 SAMUEL 7:16

Chun, na inkuon leh na gam chu kumlekhuo a hihdet hi’n tin, na lalchutphah chule kumlekhuo a hihdet hiding ahi,’ a tii,” ti’n Lalpa thu ahung tung a.

DANIEL 6:27

Amah chun a humbit a, a hukdawk a; lei leh van a hin melchiknate leh thilmakte a hih a; amah hi sakeibaknei thilhih theihna apat a Daniel hukdawkpa chuh ahi,” ti’n.

HAGGAI 2:22

Kangtalaite leh a chunga chute chuh paih tha vek ing ka ting; sakawl leh a chunga chuongte chuh a mau leh amau kithattuoh un au.