DANIEL 2:4 - PATHIEN LEKHABU THIENGTHO (BSI)

⁴ Amau haw chun Aramaic pau in leng kawm achun, “Aw lengpa, kumlekhuo’n dam in: na mang chuh na suokte hi ei hilh inla, tichun a umzie chuh hun hilhchien ing kau,” a tiu a.

DANIEL 2:4 ပူးပေါင်းရင်းမြစ်များ

THILSIEMBUL 31:47

Laban in zie suong tienkhawm chuh Jegar-sahadutha, a sa a: Jakob in chuh Galead a minvawh hi.

THILSIEMBUL 41:8

Zingkal chun hiti hi ahi a, a lungthim chuh a lungkham mah mah ta a; tichun mi a sawl a, Aigupta gama mitvaidawi thiem chengcheng leh mipil chengcheng chu a sama: Pharaoh chun a mang chu amau haw a hilh ta a; himahlele Pharaoh hilhchien thei kuomah a um ta puou hi.

1 LENGTE 1:25

Tuhin a chieh suk a, kithawihna dingin bâwngchal te, gan vak thau haw, belam te a that a. Leng chapa chengcheng, sepaih lawiupa haw, thiempu Abiathar te a chiel a; ngaitie, a neu un a dâwn khawm u a, ‘Pathien in Leng Adonijah hi humbit hen,’ a tiu hi.

1 LENGTE 1:31

Khutichun Bathsheba chuh a maia lei si’n a bawkkhup a, leng chuh chibai a bûk a, “Ka lalpa, leng David hi kumlekhuo’n dam zing hen,” a ti a.

2 LENGTE 18:26

Ziephet chun, Hilkiah chapa Eliakim leh Shebnah leh Joah chun miliente kawm achun, “Hepu, Aramaic pau in gen in, ka he thei ngâl u a. Hebrai pau in gen ki’n, kulh bâng chunga mipite hin a ngaithau ahi,” a tiu a.

EZRA 4:7

Chun, Artazerzias vaihawm lai chun Bislam, Mithredath, Teebel leh a guolte’n Persia leng Artazerzias chuh lehkha a thâk u a, a lehkha thâk u chuh Aramaic lehkhamal a kizik; Aramaic pau ahi.

NEHEMIA 2:3

Chun, kei chun leng kawmah, “Leng chuh kum khuo’n dam zing hen; bang zieka lungkham mel pu lo ding ka him, ei suonteu thân umna khuo chuh a hawm zo ta a; a kawtkhak haw le mei in a katum suok ta ngâla,” ka ti a.

ISAI 36:11

Chun, Eliakim leh Shebna leh Joah te chun, Rabshakeh kawm achun, “Lungsiet takin na suokte hi Aramaic pau in ei hopih in; zie chuh ka he thei ngâl u a; Hebrai pau in gen ki’n, kulh bâng chunga mi chengcheng in a na ngaithau ahi,” a tiu a.

ISAI 44:25

Kei hi mi lepchieh te subuoi a, phunsân thiemte sungawl a; aksi apat a thil genlawkte bangmahlo chansak pa ka hi. Miching te thugen haw ka hih dika, a chitnau chuh ngawlna ahi tih ka latsak ta a.

DANIEL 1:4

amau chuh tanglak demna bei, melhawih tak, chitna tincheng a lemhe, hetna lama pilval, thilbul sutthiem, leng In a tawihdan thiem sinsak dingin,

DANIEL 2:7

Amau haw chun leng chuh a dâwng kit u a, “Leng chun mang chuh na suokte hi ei hilh inla, a umzie chuh hun hilh ing kau,” a tiu a.

DANIEL 3:9

Leng Nebuknezar kawm achun, “Aw lengpa, kumlekhuo’n dam zingin.

DANIEL 4:19

Tichun, amin Daniel, Belteshazar le kiti sek pa chuh chawmkhat tak chuh a lau mah mah a, bangmah a gen thei ta puoh a. Ziephet chun leng chun a kawmah, “Belteshazar, mang ahim, a umzie ahim chun hun sulau kihen,” a ti a. Belteshazar chun a kawmah, “Ka lalpa, mang chuh a hun mudahte chunga tung ding hi hen la, a hilhchetna chu le na melmate chunga ding hi hen.

DANIEL 4:7

Khutichun, mitvaidawi thiemte, aisânthiem te, leh Babulon mi, aksi lam chanchin hethiemte chu a hung u a; ka mang chuh ka gen a, himahlele a umzie chuh ei hilh thei puou hi.

DANIEL 4:9

Aw Belteshazar, mitvaidawi thiemte lawiupa, namgmah achun Pathien thiengthote thagau a um tih leh, thu gûk mawngmawng nanga dinga haksa a um puoi tih ka het ziekin, ka manga ka muh kilâkna leh a hilhchetna chuh ei hilh tie.

DANIEL 5:10

Chun, leng leh a milopite kiko thawm chuh lengnu chun a hun za ta a, tichun guolvakna in sung achun a lut ta a: lengnu chun, “Aw lengpa, kumlekhuo’n dam in, na ngaihtuohna chuh buoi kihen la, na mel le dângtha diek kihen.

DANIEL 5:8

Tichun leng miching te cheng chuh a hung lut u a; himahleh a kizik chuh a sim thei puou a, a umzie chuh a hetsak thei diek puou ui.

DANIEL 6:21

Daniel chun a dâwng a, “Aw lengpa, kumlekhuo’n dam in,

DANIEL 6:6

Tichun, lawiupate leh thuneite chu leng kawm achun a kikhawm u a, hiti hin a gen u a, “Leng Darius, kumkhuo’n dam in.

DANIEL 6:7

Lenggam lawiupate, vaipawte leh thuneite, lemguotte leh gam pawte chengcheng chuh ni sawmthum sunga, aw lengpa, nangmah kawm tih loh achun pathien ahim, mihing ahim, kawma ngetna nei taphawt chuh sakeibaknei kul a paih ding ahi tin leng hin dân siem in khap chak kêi hen, ti’n a gen u a.

MATTHAI 21:9

Chun, mipi, a malam a chiehte leh a nunga zuite chun: “David chapa kawmah, Hosanna! Lalpa min a hung chuh a hamphai! Chungnung pên a khun Hosanna!” ti’n a kiko u a.

1 SAMUEL 10:24

Chun, Samuel chun mi chengcheng kawma chun, “Lalpa mi guot hi na muu em? Mipi chengcheng lak ah amah tawbang himhim hi a um puoi” a ti a. Chun, mipite chu a kiko u a, “Leng chu Pathien in humbit hen!” a tiu a.