DANIEL 2:34 - PATHIEN LEKHABU THIENGTHO (BSI)

³⁴ Chun, na et zing lai chun, kuomah sukkhak loh a suong hung kilik khat hin zie milim, a kêngpêk thik leh bellei chuh a vak delh a, a delh ngiem dimdem ta a.

DANIEL 2:34 ပူးပေါင်းရင်းမြစ်များ

SAM LEHKHABU THE PSALMS 118:22

In sate suong deih loh khah a ning a suong phachuom pên ana hi tai.

ISAI 28:16

Zieziekchun, Lalpa Pathien chun, “Ngaitiem u, Zion achun a ning a suong lul tak leh to tak ka lem hi, a ning achun suong detdo tak ka kawih a, a chung achun, ‘Amah gingcha taphawt chuh muolpho puo’n au,’ tih kizik chuh.

ISAI 60:12

Na nau sem nuom lo namte leh lalgam chuh mangthai ding ahi ngâl u a, ahi, zie namte chuh huoisie taka sukmangthai in um un au.

ISAI 8:9

“Aw mipite haw, buoi chiei chuoi unla, kêksie zengzung un; gam gamla taka mi chengcheng te haw, bil dawh un, kigalvan un, kêksie zeng zung unla, kivêng unla, himahleh, keksie zengzung un.

EZEKIEL 32:28

“Ahi, nang chuh, Aw Pharao, sukbawt in um in na tin, zektan loh, chemzâma thahte lak achun kuol inla.

EZEKIEL 47:5

Chun, tawng sangkhat a teh kit a, ka palkaih zawh loh luipi a hung hi ta a, tui chuh a hung khang zel a, a pala pal guol loh, a zap a zap khawp hiel luipi ahung hi ta a.

DANIEL 2:33

a kênghaw chuh thik, a kêngpêk chuh a kimkhat thik, a kimkhat chuh bellei ahi a.

DANIEL 7:27

Tichun, lei chunga lalgam chengcheng thuneihna leh lopina chuh, Chungnung pên pa Pathien mite kawma chuh piek hi ta’n a. A lalgam chuh tâwp ta puo’n tin, lei chunga vaihawmte chengcheng in a nau sep sak un tin, a thuu zawp ta’n au.” ti’n.

DANIEL 8:25

A chitgukhahna ziek chun, a mi thepna lam achun lawhting zel in a. A lungthim chun amah leh amah kingaisang intin, hetsak masakna um lo in mi tampi sumangthai in a. Lengte leng kilanpih intin, himahleh khut hilo a sukbawt in um ina.

ZEKARIA 12:3

Himahleh, zie hun chuh a hungtun tieng leh, Jerusalem chuh suongtum gik tak tawbang in siem ing ka ting, kuo namte hitaleh, a dawpkang guo taphawt chuh amau leh amau kisuliem un tin. Tichun, khawvel a nam chengte chu amah do dingin kipunkhawm un au.

ZEKARIA 4:6

Chun, amah chun ka kawmah, zie hi Zerubabel kawma Lalpa thu chuh ahi: “Hatna hilo in, thilhih theihna le hi diek lo in, Ka thagau thilhih theih na zawk in la uo! Bangkim hihthei Lalpa chun a tii.

MATTHAI 16:18

Chun, nang Peter, Peter na hi tih ka hun hilh na hi; zie suongpi chunga hin ka sapchuomte sa dawk ing ka ting, mithi khuo kulh kawtkhakhaw chun zie chuh nek zo puo’n au

JOHAN 1:13

Ziete haw chuh thisan hin a hi puou a, phehlevo deihlam a hin ahi puou a pasal deihlam a hin le ahi diek puou a, Pathien hin ahi zawu hi.

NASEPTE 4:11

Isu ngêi chun, Pathien Lehkha thu’n: ‘Nanguh insate haw, na suong deih loh uh, Na paih dawk u kha, a ning a suong pawimawh pên ahi,’ ti a a gen kha ahi.

2 KORINTH 5:1

I umnau lei In hi kiphie mahlele, van ah in, khuta sak loh, kumsawt a um ding, Pathien kawm apat in det chuh I nei ui tih I he ngâl u a.

HEBRAI 9:24

Krista chuh khuta sak, Mun Thiengtho, a tak kibatpih achun a lut puoh ngâl a; Pathien ma ah, I sik uh a ding dingin van ngêi ah a lut zaw ta a.

1 PETER 2:7

Khutichun, nanguh a gingchate dingin, zie suong chuh lul tak ahi, a gingcha lote dingin vang chuh: “In sate suong deih loh khah, Zie mawng chuh a ning a suong phachuom pen a hung hi tai,” a tih kha.

THUPHUON 11:15

Chun vânsâwlchâk sagihna chun a pengkun chuh a vak mût a, tichun, van apat in aw ngeih tak in, “Khawvel gam hih I Lalpau leh Krista gam a hung hi tai, amah chun kumkhuotuong in vaihawm ina!” a hun ti a.

THUPHUON 17:14

Ziete haw chun Belamno chuh do un tin; himahleh Belamno chun, a telte, leh amah nungzui ginumte chu tawh amau chuh zo unau; amah chuh Lalte Lal leh, Lengte Leng a hih ziekin,” ti’n.