DANIEL 2:11 - PATHIEN LEKHABU THIENGTHO (BSI)

¹¹ Lengpa thil dawtte hi thil haksa tak ahi a, phehlevo neilo pathiente tihloh chun leng etsak thei ding kuomah a um puoi,” a tiu a.

DANIEL 2:11 ပူးပေါင်းရင်းမြစ်များ

THILSIEMBUL 41:39

Pharaoh mah chun Joseph kawmah, “Pathien in ziehaw chengcheng chuh a hun hetsak ziekin, nang banga pil leh ching hi a um himhim puou hi;

THILSIEMBUL 41:8

Zingkal chun hiti hi ahi a, a lungthim chuh a lungkham mah mah ta a; tichun mi a sawl a, Aigupta gama mitvaidawi thiem chengcheng leh mipil chengcheng chu a sama: Pharaoh chun a mang chu amau haw a hilh ta a; himahlele Pharaoh hilhchien thei kuomah a um ta puou hi.

1 LENGTE 8:27

“Himahlele, Pathien chu lei ahin a cheng taktak thei ding a ahim? Ngaitie, van leh vante van inle nang a hun dawl puoh a; zie ka In sak hi bangti tiengin a neu ta dem!

2 KHANGTHUBU 6:18

“Himahleh Pathien chu lei a hin mihing lak ah a cheng takzet na dem? ngaitie, Van haw, van haw van ale dawllo na hi a, zie ka In sak a hin bangti’n na um thei die?

SAM LEHKHABU THE PSALMS 132:14

“Zie hi kumlekhuo a ka chawlhna mun ding ahi: Zie hin um zing ing ka; ka deihlam ahi ngâl a.

SAM LEHKHABU THE PSALMS 68:18

Nang chuh tâng chunglam ah na kalto ta a, sala matte chu na pui a; Mihiem te apat chun thilpiek le na changa, Ahi, Lalpa Pathien kalh a helte chu a kawm u ah a um ui.

PAWTDAWKNA 29:45

“Tichun, Israel chate lak achun chêng ing ka ting, chun, a Pathien uh hi’ng ka.

PAWTDAWKNA 8:19

Khutichun mitvaidawi thiemte chun Pharaoh kawmah, “Ziehi Pathien thilhih ngêi ahi hi,” a tiu a. Himahleh, Pharaoh lungthim chuh sukkhauh in a um a, a thuu chuh a ngaitha nuom puoh a; Lalpa’n Mosi leh Aron kawma a na gen tâksa guol khan.

ISAI 47:12

Na khangdawng apat a dawi thilhih leh, na kivennate chuh mang in tin; nanga dinga lawkna umsun chuh na melmate na suklauh chuh hi chauh ta’n a.

ISAI 57:15

“Chungnung pên Pathien lopi, chawihsân a um, kumlekhuo a hing zing Amin Thiengtho kiti chun hiti hin a gen hi: ‘Mun sang leh Mun Thiengtho achun ka chênga, kingainiemte leh lunggil kisik vulvul te hihhalh ding leh lungthim thasie te chuh suhalh dingin.’

ISAI 8:18

Entie, kei leh Lalpa ei piek naupangte hi, Israel te lak ahin Sepaihte Lalpa, Zion tâng a um apat tiemtehna ding leh thilmak ding te ka hiu a.

DANIEL 4:4

“Kei, Nebuknezar hi ka In ah nuom sa tak leh lopi takin ka leng In ah ka um a.

DANIEL 5:11

Na gama hin mi khat, amah a pathiente thagau umna a um a, na pa hun lai haw khan le pilnate, hetthiemnate, chitnate, pathiente chitna bang mai amah achun a um hi tih het ahi a; aw lengpa, leng Nebuknezar na pa ngêi chun mitvaidawi thiemte, aisânthiemte, Babulon mi, aksi lam thiemte lawiupa’n a siem a;

JOEL 3:21

Chun, a thisan phubau chuh la’ng ka ting, gitlohna neite chuh hinghawih lo ding ka hi. Lalpa chuh Zion achun a cheng zing ngâla,” ti’n.

KISIMNA 35:34

Na chênnau gam hi na sukbuok dinguh ahi puoi, a sung achun keile ka chêng a; kei Lalpa chuh Israel chate lak ahin ka chêng ngâla, ti’n,” a ti a.

MATTHAI 19:26

Chun, Isu’n amau haw chuh a en a, a kawm u ah, “Zie chuh mihiem dingin hih guol ahi puoi; Pathien dingin chuh bangakai hih theih ahii” a ti a.

JOHAN 1:14

Tichun, Thu chuh phehlevo a hung suok a, I laku ah a um ta a, lungsietna leh thutak in a dim hi. Pa Cha chang khat neih, lopi guolin, a lopi zie I muu hi.

JOHAN 14:17

Zie chuh Pathien chanchin diktak phuongdawk sek Thagau chuh ahi. Vannuoi in zie chuh a nei thei puou hi, amah a muh loh u a, het le a het loh ziekun. Nang haw’n vang, na kawm u a a um zing ziek leh, nangmau a a um ziekin, amah chuh na heu hi.

JOHAN 14:23

Isu’n a dâwng a, “Mi’n ei hehpih chun, ka thu zawp intin, ka Pa’n amah chuh hehpih ina, tichun, a kawmah hung ing ka ting un, a kawmah um zing ung kau.

2 KORINTH 6:16

Milim haw leh Pathien Ho-In inle banga kituokna a neih uh? Eihaw vang, Pathien hing Ho-In I ngâl u a: Pathien in, “Kei, amau lak ah cheng ing ka ting, Amau tawh kitawn ing ka: Chun, a Pathien uh hi’ng ka ting, Amau haw le ka mite hi’n au,” a tih bang khan.

THUPHUON 21:3

Lalchutphah apat chun aw ngeih tak in, “Ngaitie! Pathien bâwkcha chuh mihiem lak ah a hung um tai, Amah chuh a kawm u ah um intin, Amau haw chuh a mite hiu intin uh; Pathien mawng chuh a kawm u ah um intin, A Pathien uh le hi’n a.