DANIEL 12:8 - PATHIEN LEKHABU THIENGTHO (BSI)

⁸ A thugen chuh zak chuh ka za na a, himahleh a ngaihna vang ka he puoi. Khutichun ka vak dawng ta a, “Aw ka Lalpa, zie thil tawpna chuh bangti ahi die?” ka ti a.

DANIEL 12:8 ပူးပေါင်းရင်းမြစ်များ

NASEPTE 1:7

Isu’n a kawm u ah, “Pa’n a hun leh a ni chuh amah thu thu a a guot a hi a, nanguh het ding ei puoi.

1 PETER 1:11

Zie hun chuh bangtik a hi dem, tih leh bangti’n a a hungtun ding, ti’n hah takin a na sut sek uh ahi. Zie chuh, Krista Thagau amau a um chun, Krista thuokna ding haw leh, zie nunga lopina hung um ding haw kawka a genlawk lai u khah ahi.

JOHAN 12:16

Ziehaw chuh, a tûngin a sinsakte’n a he puou a; himahlele, Isu limbawla a um nung leh, a chanchin ah zie thu haw chuh zik a hii tih leh, a chungah ziehaw chuh a na hih nau hi tih a na he tau hi.

LUKE 18:34

Himahlele, sinsakte chun zie thu haw himhim chuh a ngaihna a he puou a; thu umzie chuh a laku ah selguk in a um a, Isu thugen chuh bang gen a hih a he puou ui.

DANIEL 12:6

Chun, mi khat in patngatpuon a kizêm, luipi tui chunga umpa kawm achun, “Zie thilmak tawpna ding chuh bang chana sawt ahi dem?” a ti a.

DANIEL 10:14

Tunung a na mite chunga thil hungtung ding hun hetsak dinga hung ka hi. Tunung a thil hung tung ding thu a kilâkna chuh ziehi ahi,” tin.

DANIEL 8:13

Ziephet chun, mi thiengtho te aw chuh ka za a, chun mi thiengtho dang kuo ahim in thu hun gen pa kawm achun, “Hâlmang thilpiek um zing sek te, bawhsietna suksiet a um mun thiengtho leh sepaih hawnte chuh tawhden dinga piek a hihna teu chungthu a kilâkna chuh bang chana sawt ahi die?” a ti a.

DANIEL 12:7

Chun, mi, patngatpuon a kivan a, luipi tui chunga umpa chun a khut changlam leh a khut veilam van lama zak dawkin, “Hun khat leh hunte leh hun kimkhat sung hi’n a; mi thiengthote sukgimtheihna a tawp tieng leh zie thil chengcheng hi hungtung kim ding ahi,” ti a kumsawt Pathien min sâla a kihâksiel chuh ka za a.

DANIEL 12:9

Amah chun, “Daniel chieh mai ah, hun tâwp a hungtun macheng chuh zie thu haw chuh khak chak leh châldet ahi ngâla,” a ti a.